Números 14:21 - Biblia Enxet

²¹ Naqsók agko' eyke ko'o sektáha sekxéna mamassegwayam, eksawheykekxoho seyeymáxkoho ekyókxoho keso náxop.

Números 14:21 Referans Kwoze

Habacuc 2:14

Kasawhekxohok sa' ekyókxoho keso náxop apkelya'áseykegkoho énxet'ák Wesse' egegkok apcheymákpoho, ektémól'a yegmen eksawheykekxohol'a ekláneyo m'a wátsam ekwányam.

Salmos 72:19

kataqmalmakha sa' chá'a kélpeywa kólxének ma'a apwesey eyeymáxkoho nak. ¡Kasawhekxohok sa' chá'a apcheymákpoho keso náxop! ¡Katnahagkok sa'!

Isaías 49:18

Kalyeheykha, kasawheykha exma neyáwa', kalano ektáhakxa apwakhegwa'akto apyókxoho énxet, tén han ektáhakxa apkelye'eykekta exche'. “Naqsók ko'o sekxéna, sektáha nak Wesse' peya elxohok aqsok étkók élmomnáwa xa apyókxoho nak yaqwayam sa' kawakhésaxchek xeye', ektémól'a kélnáxegkáseykha m'a xama kelán'a ekmáheyól'a kalyamhápok.

Isaías 6:3

Axta aptáhak nahan chá'a apcháneya pók se'e: “Aptaqmalma, aptaqmalma, aptaqmalma Wesse' egegkok ekha nak apyennaqte; sawheykekxók apcheymákpoho ekyókxoho keso náxop.”

Deuteronomio 32:40

Ekya'ássek sa' agkok ko'o néten émek, ekxénchek sa' agkok ekmámnaqsoho agko' sektáha mamassegwayam,

Ezequiel 33:11

Naqsók eyke ko'o sekxéna sektáha nak Wesse' mamassegwayam, mómenyeyk yetsapok ma'a énxet ekmaso nak aptémakxa, émeñeyk aqsa eyaqmagkasek aptémakxa, keñe megyetsepe'. Israel, eyenyekxa xa aptémakxa ekmaso apmeykencha'a nak. ¿Yaqsa ektéma apkeltémo nak yetsapok?’

Ezequiel 18:3

Ekxénchek ko'o, sektáha nak Wesse' peya megkólmaha chá'a kaxwók kéxegke Israel xa ektéma nak amya'a.

Ezequiel 5:11

Naqsók ko'o sektáha sekxéna, sektáha nak Wesse' s'e: amasséssók sa' ko'óxa kéxegke meyke kélmayóseka alano', eñama kéltawáseykha m'a tegma appagkanamap ahagkok kélxátawayam ma'a kéleykmássesso kélagkok élmasagcha'a nak, tén han eñama m'a kéltémakxa nak kéllánéyak aqsok ekmanyása agko'. Megkalepyósek sa' alanok kéxegke.

Ezequiel 33:27

“Etne sa' nahan elának se'e: ‘Keso aptáhakxa exchek appeywa Wesse' egegkok se'e: Naqsók ko'o sekxéna peya etekyók nahan ma'a énxet'ák apheykha nak tegma apkelyawe, kélpalchessamakxa nak, keñe sa' ma'a apheykha nak yókxexma, wának katawagkok ma'a aqsok nawha'ák éllo, keñe sa' ma'a apheykha nak neyseksa meteymog tén han ma'a meteymog áxwa, eletsapok sa' eñama negmasse ekmaso.

Jeremías 22:24

Aptáhak apcháneya Wesse' egegkok Jeconías, wesse' apwányam nak Judá, Joaquim apketche nak: “Naqsók ko'o sektáha sekxéna exchep se'e, sektáha nak Dios mamassegwayam: Naqsók eykhe exchep apteme sétchesso ephék sélqahasso nak chá'a, sétchessama nak sélya'assamakxa', magweyxek sa' eyke alkok,

Números 14:28

Kólyo'ókxa sa' kaxwo' kóltennássekxak sektáha ko'o sekpeywa s'e: Naqsók ko'o sekxéna, sektáha nak Wesse' peya atnéssesek kéxegke m'a ekhawo ektémakxa nak chá'a seklegé kélpaqméteykha.

Éxodo 9:16

eyhayók eyke aqsa ko'o apha makham xeyep se'e kaxwo' nak yaqwayam enxoho étak chá'a m'a ekwánxa sekmowána, tén han yaqwayam kaxénaxchek chá'a sekwesey ekyókxoho keso náxop.

Salmos 57:6

Epekkenchessegkek ko'o emonye' kelhanma m'a sélenmexma nak, yaqwayam enxoho heyelaqtések; emétegkessegkek máxek ámay ahagkok, appalleykekxók apagko' eyke m'a máxek apagkok nak.