Números 14:13 - Biblia Enxet

¹³ Keñe axta Moisés aptáha apchátegmowágkokxo Wesse' egegkok se'e: —Xeyep axta apkelántekkesso Egipto s'e énxet'ák nak yetlo apmopwána. Apkelleg'ak sa' agkok egipcios yaqwánxa etnéssesek,

Números 14:13 Referans Kwoze

Salmos 106:23

Apxeyenmeyk axta eykhe Dios emasséssók; apnókáseykha axta eyke m'a Moisés, cham'a aptáha axta apkelyéseykha, apmasséssessegkek axta aplo m'a Dios, apmasma emasséssók.

Ezequiel 20:9

Éláneyak axta ko'o xa, eñama sekmasma m'a sekwesey, yaqwayam enxoho maxénaxchék ekmaso nápaqta'awók ma'a énxet'ák, cham'a kañe' apheykegkaxa nak, hakte ekxekmowásamáxkók axta ko'o nápaqta'awók xa énxet'ák nak, éltennassegkek axta nahan alántekkesek ma'a Egipto.

Deuteronomio 32:27

axta eyke nahan altamhók ko'o hésmaksek ma'a sélenmexma nak; axta altamhók kaleyxkohok apkelpeywa tén han etnehek elpaqmétek se'e: Háwe Wesse' egegkok apteméssesso xa; negko'o nenteméssesso eñama ekha negmowancha'a.’

Ezequiel 20:14

Sekmasma sekwesey axta eyke keñamak malana xa, yaqwayam enxoho mehexénmakha ekmaso m'a énxet'ák apweteykegkoho axta ektáhakxa sélántekkesa m'a Egipto.

1 Samuel 12:22

Mekxáyhek sa' chá'a m'a Wesse' egegkok, eñama apkelmeyeykha apwesey; hakte apmenyeyk kéxegke etnehek énxet'ák apagkok.

Jeremías 15:1

Aptáhak axta ko'o seyáneya Wesse' egegkok se'e: “Elwaták sa' eykhe Moisés tén han Samuel se'e sekhakxa nak ko'o, megkalepyóshek sa' eyke ko'o alanok xa énxet'ák nak. Yána sa' elántépok se'e sekhakxa nak, tén han elxog.