Números 13:31 - Biblia Enxet

³¹ Keñe m'a énxet'ák ektáha axta apkelyetlo apkelányo yókxexma, aptáha apkelátegmowágko s'e: —¡Mogwanchek negko'o agketamagkok ma'a énxet'ák nak! Apmelyehe'e', maghawok negko'o.

Números 13:31 Referans Kwoze

Deuteronomio 1:28

¿Háxko sa' eyke ólmahagkok kaxwo'? Apkelxénchek xeyk negókxa xamo', apheykencha'a énxet apkelyennaqte m'a tén han apkelwenaqte maghawo nak negko'o. Apkelxénchek xeyk nahan apheykegko tegma apkelyawe netna'awók kélhaxtegkesso meteymog nepyáwa m'a. Apkelxénchek xeyk apkelwet'a nahan ma'a Anac aptawán'ák neptámen, cham'a xama énxet apwenaqte axta. Cháxa sẽlyélaqtéssessekmo nak negko'o egwáxok negyókxoho xa.’

Josué 14:8

Keñe m'a ektáha axta sélxegexma'a apkelyegwakkasa m'a énxet'ák, keñe ko'o, axta ayenseykmok aptémakxa axta seyánagkama m'a Dios Wesse' ahagkok.

Números 32:9

Apkelweykmek axta m'a ényahamakxa nak yegmen Escol, keñe apkelányo m'a yókxexma, tén axta apkelyélaqtésa m'a israelitas, yaqwayam enxoho melántexek ma'a apchókxa, apmésso axta m'a Wesse' egegkok.

Deuteronomio 9:1

“Israelitas, kóleyxho sa' se'e: wokmek kaxwók kéxegke yaqwánxa kólyeykhekxak ma'a neyp wátsam Jordán tén han kólyementók kaxwók apchókxa m'a énxet'ák apxámokma apagko' nak tén han apkelyennaqte, megkólhawo nak kéxegke, tén han ma'a tegma apkelyawe, apkelyawe apagko' nak, kélhaxtegkesso nak meteymog netna'awók agko' ma'a nepyáwa';

Números 13:30

Tén axta Caleb apkelwanmeyásekxo m'a énxet'ák apchaqneyncha'a axta apmonye' m'a Moisés. Aptáhak axta apkeláneya s'e: —¡Ólmahagkok heykxa m'a xapop nak! ¡Agmok sa'! ¡Egwanchek sa'!

1 Samuel 17:33

—Mopwanchek xép exog apxakko' elnapakpok xa filisteo nak —axta aptáhak apchátegmowágko Saúl—, apketkok apagko' xép makham; nanók eyke apteme kempakhakma yáp ma'a, eyeynmo m'a aptémakxa axta wokma'ák.

Números 32:7

¿Yaqsa ektáha kélmako nak kólyelaqtések kéxegke m'a israelitas, yaqwayam melmahagkek ma'a apchókxa apmésso axta m'a Wesse' egegkok?