Números 11:11 - Biblia Enxet

¹¹ tén axta aptáha apcháneya Wesse' egegkok se'e: —¿Yaqsa ektéma ekmasagko nak ko'o setnéssessamakxa exchep, ko'o sektáha nak xép apkeláneykha? ¿Yaqsa ektéma megkataqmeleykencha'a nak apwáxok sélányo ko'o, seyheykekxo nak séltaqmelchesso s'e énxet'ák nak?

Números 11:11 Referans Kwoze

Deuteronomio 1:12

Mowanchek ko'o exakkók waxyawaksek ekyókxoho m'a ektémakxa nak chá'a sélánekxésso ektémakxa kélheykha, tén han ma'a kélátegmómaxche'.

Éxodo 5:22

Tén axta Moisés aptáha apcháneya Wesse' egegkok apkelmaxnagko s'e: —Wesse' ahagkok, ¿yaqsa ektéma apkellegassáseykegkoho nak xép se'e énxet'ák nak? ¿Yaqsa axta ektéma seyáphassama?

Malaquías 3:14

Keso kéltémakxa nak chá'a kélpeywa s'e: Kaqhok agyetlók Dios. ¿Yaqsa aqsok hegwetaksek anlának ma'a apkeltémókxa nak antéhek, tén han nélántaxnékxo enxoho apáwa sẽlwáxaqxo nápaqtók ma'a Wesse' egegkok ekha nak apyennaqte?

Jeremías 15:18

¿Yaqsa ektéma megkamassegweykmo nak ko'o seklegeykegkoho ekmáske? ¿Yaqsa ektéma megkataqmelweykmo nak ko'o sekyense, neyseksa eykhe séllánésso? Máxa aptamheykekxak xép sélányo m'a ekhól'a yegmen élyenma agwetak makhawo.

Jeremías 15:10

¡Méme, ko'o laye, ektáha axta setegkesso wánxa aqsa yaqwayam hélyamatchesha tén han alátegmoweyxchek chá'a apyókxoho énxet'ák! Mamassáseykha chá'a ko'o selyaqye ahagkok xama énxet, mehelmassáseykha nahan chá'a ko'óxa, apyókxoho énxet'ák aqsa chá'a apkeltémók hetnégwomhok exma ekmaso.

Salmos 143:2

Ná hékpelkoho aqsa ko'o hélyetsetchásekxak sektémakxa, ko'o sektáha nak apkeláneykha, hakte méko nápaqtók xép ma'a meyke nak ektémakxa.

Salmos 130:3

Wesse', apkelyetsátegkek agkok xép nentémakxa mólya'assáxma, ¡méko awanchek kagketaxche'!

Job 10:2

¡Oh Dios, ná hexén aqsa ko'o sekteme seksexnánémaxche'! ¡Héltennés sa' yaqsa aqsok sesexnenagko ko'o!

Números 11:15

Apkelenxanakmók sa' agkok xép setnéssesso xa ektáha nak, tásek hemassessók, ektáha enxoho naqsók eyaqheykencha'a chá'a ko'o apwáxok sélányo exchep. Keñe sa' móteyekxók chá'a ekmaso sekha.

Éxodo 17:4

Keñe axta m'a Moisés apwóneyncha Wesse' egegkok. Aptáhak axta apcháneya s'e: —¿Háxko atnéssesek ko'o s'e énxet'ák nak? ¡Kaxwók sa' hélyetnak meteymog heyaqhek!

Números 11:10

Apleg'ak axta Moisés apkellekxagweyha israelitas tén han ekheykha nak apxanák ma'a átog nak apkelpakxenéyak. Aplókók apagko' axta m'a Wesse' egegkok. Axta han kalchak apwáxok apwet'a aptamhágkaxa m'a Moisés,