Nehemías 9:21 - Biblia Enxet

²¹ Cuarenta apyeyam axta apkeléyak aptéyak ma'a yókxexma meykexa nak énxet, axta keymomáxchek chá'a xama aqsok enxoho, axta han elyeptamákpok apkelnaqta, axta han kalchampeykegkok apmagkok.

Nehemías 9:21 Referans Kwoze

Deuteronomio 2:7

Hakte aptaqmelchessessegkek axta chá'a kéxegke Dios Wesse' kélagkok ma'a ekyókxoho aqsok kéllanakxa enxoho chá'a; aphegkek axta kélnepyeseksa kéxegke ekweykmoho cuarenta apyeyam, apkeltaqmelchessegkek axta nahan neyseksa kélxega s'e ekyawakxa nak yókxexma meykexa énxet, meyke eyeymomáxche xama aqsok enxoho.

Deuteronomio 8:4

Axta nahan elyeptamákpok kélnaqta neyseksa xa cuarenta apyeyam nak, axta nahan kalchampeykegkok ma'a kélmagkok.

Salmos 34:10

Meyke aqsok apagkok chá'a katnekxak ma'a énxet'ák ekxákma nak aqsok apagkok, ellegagkohok chá'a meyk, keñe m'a apkelchetamso nak chá'a Wesse' egegkok, megkeymaxchék sa' chá'a xama aqsok enxoho.

Amós 5:25

“Israelitas, ¿élméssegkeya axta ko'o kéxegke kélnaqtósso kélnapma, tén han sélmésso naqsa aqsok cuarenta apyeyam ma'a kélheykegkaxa axta yókxexma meykexa énxet?

Deuteronomio 29:5

Eknaqleykha axta ko'o kéxegke ekweykmoho cuarenta apyeyam ma'a yókxexma meykexa nak énxet, axta nahan elyeptamákpok kélnaqta xa apyeyam nak, axta nahan kalpaqxók ma'a kélatchesso kélmagkok.

Deuteronomio 8:2

Kaxénwakxoho sa' kélwáxok ekyókxoho ámay apkelweynchegkáseykencha'a axta Wesse' kélagkok ekweykmoho cuarenta apyeyam ma'a yókxexma meykexa nak énxet, yaqwayam enxoho eweykessásenták ma'a ektémakxa nak kélásennamaxkoho kélagko' tén han elyepkeynek chá'a, yaqwayam enxoho ékpelkohok ektémakxa élchetamso kélwáxok tén han yaqwayam ey'asagkohok kóllának sa' kexa m'a apkeltémókxa nak chá'a antéhek essenhan megkóllanye'.

Éxodo 16:35

Apteykegkek axta nahan israelitas maná ekweykmoho cuarenta apyeyam, ekweykmoho apkelwokmo m'a yókxexma apheykegkaxa axta nahan ma'a énxet'ák. Apteykegkek axta ekweykmoho apkelwokmo m'a néxa xapop ekyekpenta axta antexek ma'a yókxexma Canaán.