Nehemías 6:9 - Biblia Enxet

⁹ Apkeltamhók axta hẽlyegwakkasek, ekxéna apwáxok hẽlháxexchássók mampenaksek ma'a néltamheykha, ekyánchessekmók axta eyke aqsa ko'o sekwasqapma sektamheykha.

Nehemías 6:9 Referans Kwoze

Salmos 138:3

Ekwóneyha axta, eyátegmowágkek axta, egkeyásekxeyk axta makham mók sekyennaqte.

Isaías 41:10

Nágyé aqsa, ekheyk ko'o xamók xép; nágkatneykha aqsa apwáxok, ko'o sekteme Dios apagkok. Agkések sa' ko'o exchep apyennaqte, apasmok sa' nahan, amagkok sa' ko'o exchep apmek ma'a émek ekmallahanmo nak chá'a kempakhakma.

1 Samuel 30:6

Tamháha agko' axta apwáxok ma'a David, hakte apmakók axta yaqhek ma'a sẽlpextétamo apagkok peya elyetnak meteymog, apkellókók apagko' axta apkelwet'a ektáhakxa m'a apketchek. Apwasqakkásekxók axta eyke David ma'a Dios Wesse' apagkok,

Jeremías 38:4

Tén axta apkelámha apmonye'e aptáha apcháneya wesse' apwányam se'e: —Tásek agaqhek xa énxet nak, hakte kelyélaqtéssessegkek chá'a apkelwáxok appeywa m'a sẽlpextétamo apkeleymomap nak makham se'e tegma apwányam nak, tén han ma'a apyókxoho énxet'ák. Mektagkassók ektaqmalma apheykha énxet'ák xa énxet nak, apmáheyók aqsa etwássesha apheykha.

2 Crónicas 15:7

Kéxegke eyke, kólwasqápekxoho sa', nágkólyelqaxche', hakte kólxawak sa' ekyánmaga kéltamheykha.”

Salmos 71:1

Wesse', ekya'awekteyk ko'o exchep séltamho hetaqmelchesek; ¡nágyoho ko'o amegqeyk xama enxoho!

Salmos 56:3

Yetneyk agkok chá'a ko'o seyekakxa', may'ássemek chá'a exchep.

Nehemías 6:14

Tén axta ko'o sektáha sélmaxneya Dios ahagkok se'e: ¡Dios ahagkok, kaxén sa' apwáxok aptamhágkaxa nak Sambalat, tén han ma'a Tobías! Nágkalwánaqma han ma'a Noadías ekteme nak eklegasso appeywa exchep, tén han ma'a pók apkellegasso nak xép appeywa, apkeltémo nak ko'o hégwakkasek.

Salmos 68:35

Yeykpok chá'a Dios, aphama nak ma'a tegma appagkanamap apagkok; Elmések chá'a apkelmopwancha'a, tén han apkelyennaqte énxet'ák apagkok ma'a Dios apagkok nak Israel. ¡Tásek sa' chá'a katnehek apxénamap ma'a Dios!

2 Crónicas 32:18

Apkelpaqhetchessek axta ekyennaqte agko' Senaquerib apkelámha apmonye'e apagkok ma'a énxet'ák Jerusalén, apchaqneyncha'a axta m'a néten nak meteymog kélhaxtegkesso tegma, apkelyennaqtéssek axta apkelpeywa apkelpaqmeta hebreo appeywa peya elyegwakkasek, tén apkeltamho yé', keñe emok ma'a tegma apwányam nak.

Zacarías 10:12

Agkések sa' ko'o apkelyennaqte m'a, yetlo apkelxeyenma sekwesey sa' nahan elxog. Ekxénchek ko'o xa, sektáha nak Wesse'.”

Esdras 1:6

Appasmeyk axta chá'a m'a apyókxoho apheykha nak chá'a ketók apxanák, apkelméságko chá'a m'a sawo' élmope élmomnáwa, tén han sawo' élyátekto élmomnáwa, tén han ma'a aqsok apagkok ekyetnakxa enxoho, tén han apnaqtósso, tén han ma'a aqsok élmomnáwa nak, tén han ma'a ekyókxoho mók ektémakxa nak chá'a aqsok apkelmésso naqsa, ekxeyenma agko' nak chá'a apkelwáxok elmések.

Ezequiel 30:24

Alyennaqtéssesek sa' ko'o apaktegák ma'a wesse' apwányam Babilonia, agkések sa' ma'a sókwenaqte ahagkok. Alekkexchesek sa' ko'o apaktegák ma'a faraón, yápentegmakha sa' nápaqta'awók apkelenmexma aplegágkoho enxoho ekmáske m'a apkelyense.

Isaías 40:29

Cha'a apwasqakkáseykekxoho chá'a énxet apyampágwayam nak chá'a m'a, apmeyáseykekxa chá'a apyennaqte m'a énxet apyelqamák nak chá'a.