Nehemías 6:16 - Biblia Enxet

¹⁶ Apkellegayak axta m'a nélenmexma nak, apkelyegwaktegkek axta han ma'a apyókxoho énxet'ák apheykha axta neyáwa negheykegkaxa', massegkek axta éleymáxkoho apkelwáxok, hakte apkelya'ásegweykmek axta ekpenchásamaxko xa nentamheykha nak, yetlo sempasmo m'a Dios egagkok.

Nehemías 6:16 Referans Kwoze

Josué 5:1

Apyókxoho apkelwesse'e amorreos ektáha axta apheykha m'a taxnegwánxa ekhem neyp nak Jordán, keñe han ma'a apkelwesse'e cananeos apheykencha'a nak ma'a keto' nak wátsam ekwányam Mediterráneo, apkelya'ásegwokmek axta ektáha Wesse' egegkok apyamasso yegmen ma'a wátsam Jordán nak, neyseksa apkeltámeyeykekxa axta m'a énxet'ák Israel, keñe axta éltamheyncha'a apkelwáxok. Axta elya'ásegkok yaqwánxa etnahágkok peya elenmexek ma'a énxet'ák nak Israel.

Salmos 126:2

Néllektegmeykha egagko' axta, nélwóncháseykha axta élpayheykekxo egwáxok; keñe axta melya'áseyak nak Dios aptáha apkelpaqmeta s'e: “¡Apkelánessek ekyawe agko' aqsok Wesse' apagkok xa énxet'ák nak!”

Nehemías 4:7

Xama axta apleg'a Sambalat, Tobías, tén han ma'a árabes, tén han ma'a apheykha nak Amón, tén han Asdod, apxegkesa aqsa apkeláneykekxa énxet'ák ma'a kélhaxtegkesso nak nepyáwa Jerusalén, tén han kélápeykxo m'a élyagqáxeykha nak, apkellókók apagko' axta,

Nehemías 4:1

Xama axta apleg'a amya'a Sambalat nenxátekhásekxo negko'o m'a tegma kélhaxtegkesso, axta kalchak apwáxok, aplókók apagko' axta, yetlókok axta apkelwanyeykha m'a judíos

Nehemías 2:10

Xama axta apleg'a Sambalat, aphama axta m'a Horón, tén han Tobías, apteme axta wesse' apwányam apkeláneykha amonita, axta kalchak apkelwáxok, hakte apkelwa'ak axta apmáheyo epasmok ma'a israelitas.

Números 23:23

Megkólwanchek kólónek Jacob. Mopwanchek yohóxma yenmexek Israel. Sa' kóltéhek kaxwók kólxének Israel se'e: ¡Tásók agko' apteméssessamakxa exchep Dios!

Éxodo 14:25

Apkelhaxyawassásegkek axta chá'a amagkok ma'a yátnáxeg apkelyenyawasso apagkok, mopwancha'ak axta apmako eltahañekxa'. Tén axta aptáha apkelpaqmeta egipcios se'e: —Óltaqhegwa aqsa neptámen israelitas, Wesse' apagkok appasmak xa énxet'ák nak, ẽlenmexchek negko'o.

Nehemías 6:17

Xámok axta weykcha'áhak eknaqtáxésamaxche, apnaqtáxésso axta m'a Tobías, tén han ma'a énxet'ák ekha kéláyo axta m'a Judá,

Jeremías 33:9

Ekpeykeseykekxa ewáxok sa' ko'o atnessásekxak ma'a Jerusalén, séláyo tén han seyeymáxkoho nápaqta'awók apyókxoho énxet'ák apheykha nak keso náxop. Apkelleg'ak sa' agkok apyókxoho énxet'ák peya ko'o wáphássesek nepyeseksa aqsok éltaqmela m'a apheykha nak Jerusalén, tén han peya agkések ekyókxoho ektaqmelwayam nak negha, elpexyennók sa' apkelaye.”

Josué 2:9

—Ekya'ásegkók ko'o apmésa Wesse' kélagkok kéxegke s'e xapop nak, hakte egméssek negko'o ekyawe agko' éltamheykha egwáxok. Awanhók agko' éltamheykha apkelwáxok apyókxoho énxet'ák apheykha nak se'e, kéxegke eñamakxa'.

Josué 2:11

Awanhók agko' axta éltamheykha egwáxok nenleg'a negko'o m'a amya'a nak. Cháxa keñamak méko nak ekmako kalenmexek kéxegke, cham'a Wesse' ektáha nak Dios kélagkok kéxegke, cháxa aptáha apagkok apagko' ma'a néten, tén han ekweyktámho s'e náxop nak.

Salmos 109:27

Elya'ásegwók sa' apteme exchep xa ektáha nak sewagkasso teyp Wesse'.

Salmos 129:5

¡Yenyahagkok sa' apkelmegqakto m'a énxet'ák aptaqnagko nak chá'a Sión!

Salmos 147:2

Apxátekhásekxeyk Wesse' egegkok Jerusalén, apchánchesákxeyk han ma'a israelitas kélexpánchesso axta kélya'asso megkatnahakxa apkelókxa.