Nehemías 6:13 - Biblia Enxet

¹³ apyánmagkassek axta apkeltamho hégwakkasek, yaqwayam enxoho alának may'assáxma. Keñe axénaxchek ko'o ekmaso, kamaskok han sélháxenmo.

Nehemías 6:13 Referans Kwoze

Jeremías 20:10

Añohok chá'a ko'o etnehek elyexchesakpohok elpaqmétek énxet'ák se'e: “¡Sawheykxók élmeneymaxche ekyókxoho yókxexma!” Etnehek nahan chá'a s'e: “¡Kólchempoho, ansexnenak sa'!” Weykmók nahan chá'a apkelhaxanma atlapmok ma'a sélxegexma'a ahagko' nak. Etnehek chá'a elpaqmétek se'e: “Elyahakxohok sa' kexa kólyexanchesha; keñe sa' agmok, agyaqmagkásekxak ma'a senteméssessamakxa nak negko'o.”

Jeremías 18:18

Aptáhak axta apkelpaqmeta énxet'ák se'e: “Anlánekxak sa' nentáhakxa yaqwayam agmasséssók Jeremías. Megkatnehek eyke chá'a meyke apkelmaxnéssesso Dios énxet'ák apagkok yaqwayam hẽlxekmóssek, apxámok nahan ma'a apkelya'áseyak nak aqsok, yaqwayam hempékessesagkok, tén han Dios appeywa apkellegasso yaqwayam chá'a hẽltennaksek Dios appeywa. Ansexnenak sa', yaqwayam sa' emátog. Mageyxók sa' chá'a m'a aptáhakxa enxoho chá'a sẽláneya.”

Proverbios 29:5

Énxet ektaqmalma nak chá'a appeywa elának pók, cháxa appekkenchesa xama kelhanma xa.

Nehemías 6:6

Axta temék se'e: “Weynchámeyha amya'a nepyeseksa énxet'ák, apxénchek xép Guésem, tén han ma'a judíos, apkelánekxo apkelpeywa peya yenmexek, la'a apxátekháseykekxo m'a kélhaxtegkesso nak nepyáwa tegma. Xép héxta etnehek wesse' apwányam axta táhak amya'a,

Ezequiel 2:6

Xép akke, énxet, nágye xa énxet'ák nak, nágye nahan ma'a aptáhakxa enxoho apcháneya, máxa sa' eykhe katnehek ekwakha'a enxoho m'a am'ák essenhan apweynchámeyncha'a enxoho neyseksa yettáha. Nágye m'a aptáhakxa enxoho yána', ná égwe' aqsa m'a apchaqneyncha'a enxoho apmonye', hakte kalyéha'awók agko' apkelwáxok ma'a.

Jeremías 1:17

Xép akke, énnaqteyásekxoho sa' apwáxok; exeg sa' eltennássók ekyókxoho m'a séltamhókxa enxoho eltennaksek. Nágye' aqsa, hakte sa' agkok etnahak xa, alpexyennegkesek sa' ko'óxa exchep apmonye'e xa énxet'ák nak.

Isaías 57:11

“¿Yaqsa xa aqsok kéláyókxa kéláya nak chá'a kéxegke tén han kéláyo nak chá'a, yaqwayam enxoho hélyensók ko'o sélyetleykha tén han kamassegwomhok agko' ekxeyenma kélwáxok ko'o? Ekwanmagkamchek axta aqsa ko'o mehéláyo axta, máxa malweteya axta ektemék.

Isaías 51:7

“Kóleyxho sekpeywa, kéxegke kélya'áseykegkoho nak aqsok ekpéwomo, kélpekkenma nak chá'a kélwáxok ma'a nélxekmowásamáxche ahagkok. Nágkóle apkelxéneykha ekmaso nak chá'a m'a énxet'ák, nágkólho kalyélaqtések ma'a apkelya'ásseyam ekmaso nak,

Eclesiastés 7:1

Ektaqmalma nenxénamaxche yeykhágweykmók ma'a ekwánxa nak ekmátsa ekpaqneyam sokmátsa. Tásek ekhem nétsapmakxa megkaxnawok ma'a ekhem nenteyeykemxa nak.

Proverbios 22:1

Tásek kataqmelek chá'a nenxénamaxche', kaxnók anxámasagkok ma'a aqsok egagkok, tásek antemhek ekha sẽláyo, kaxnók kaxek ekxámokma m'a sawo ekyátekto ekmomnáwa, tén han ma'a sawo ekmope ekmomnáwa.

Nehemías 6:12

Ekyekpelchawók axta han ko'o mexéna m'a amya'a eñama nak Dios, aptemék axta seyáneya ekyókxoho xa ektáha nak yaqwayam hénmexek, hakte apyánmagkassek axta Sambalat, tén han Tobías yaqwayam hetnéssesek xa ektáha nak;