Nehemías 5:11 - Biblia Enxet

¹¹ Éltamhók han ko'o kólmeyásekxak xapop apagkok se'e kaxwo' nak, tén han ma'a apkeneykekxexa nak anmen yámet, tén han apkeneykekxexa nak olivo, tén han ma'a apxanák nak, kólmassés sa' ma'a apkelméyak aqsok ekyetna nak kéxegke, cham'a selyaqye, hótáhap apaktek, vino, tén han pexmok égmenek.”

Nehemías 5:11 Referans Kwoze

Isaías 58:6

Háwe'. Manto nento ekleklamo nak ko'o ewáxok katnehek se'e ektéma nak: kólyétekkesek ma'a cadenas ekméssama nak chá'a ekyentaxno apheykha énxet'ák, kólhaxyawaksek ma'a kélnaqtete ekyennaqte nak kélyespok ma'a aqsok ekyentaxno; kólántekkesek ma'a énxet'ák kélnaqtawáseykegkoho nak, kólmasséssók ekyókxoho m'a ektawassáseykencha'a nak chá'a apheykha énxet'ák;

2 Samuel 12:6

¡Eyeykhássamhok sa' han ekwánxa ekyánmaga m'a nepkések apketkok, eñama megkamopyósa apkelányo pók!

1 Samuel 12:3

keso sekha s'e: ¡Ekyementamomchek axta agkok chá'a ko'o weyke aptósso xama énxet, essenhan yámelyeheykok! ¡Eknaqtawáseykegkók axta agkok chá'a, élhayak axta agkok nahan chá'a! ¡Ekmomchek axta agkok han chá'a selyaqye wánéxchek maxének ektemegweykmoho exma! Kélwanchek hélxénchásekxohok sektémakxa nápaqtók Wesse' egegkok, keñe han nápaqtók se'e wesse' apwányam ektáha nak apkelyéseykha, ayánmagkasek sa' nahan ko'o sekméyak aqsok.

Deuteronomio 6:11

yetlo m'a tegma élláneykegkoho nak aqsok éltaqmalma m'a kañe', megkatnaha nak kéxegke kélxatméyak; tén han yetlo m'a yámelchet megkatnaha nak han kéxegke kélmetméyak, tén han ma'a anmen yámet kélcheneykekxa', tén han olivos yámet megkatnaha nak kéxegke kélcheneykekxa', kóltawagkok sa' eyke ekwokmoho kélyaqkanakmo.

Nehemías 5:10

Negmassáseykha negko'óxa selyaqye egagkok xa énxet'ák nak, tén han hótáhap apaktek, ko'o tén han ma'a énámakkok, tén han ma'a sepasmeykha nak chá'a sektamheykha. ¡Magánhek sa' eyke eyaqmagkásekxak mók!

Nehemías 5:12

Aptáhak axta seyátegmowágko s'e: “Ólmeyásekxak sa' ekyókxoho xa aqsok nak, mólmaxneyha sa' xama aqsok enxoho. Anlának sa' xa aptáhakxa nak sẽláneya.” Keñe axta sélwóneyncha'a apkelmaxnéssesso Dios énxet'ák apagkok, nápaqta'awók axta han éltamhók etnéssesek ekmámnaqsoho agko' ma'a apmáheyo elanagkok.