Nehemías 3:15 - Biblia Enxet

¹⁵ Keñe axta Salum, Colhozé axta apketche, apkeláneykha apchókxa axta m'a yókxexma Mispá, apkeláneykekxo m'a átog kéltéma nak Ekteyapmakxa Yegmen: apxátekhásekxeyk axta, tén axta appakxenákxo, apnegkenágkek axta han atña'ák, yetlo m'a kélápeykekxexa nak chá'a, tén han ma'a yámet ekméyak nak chá'a átog, apkelánekxeyk axta han ma'a kélhaxtegkesso nak kélyátamakxa yegmen Siloé, nekha nak kélcheneykekxexa pánaqte exnók apagkok nak wesse' apwányam, ekweykekxoho m'a nélyetlamakxa néten ekweyweykenta nak eñama m'a David tegma apwányam apagkok.

Nehemías 3:15 Referans Kwoze

Isaías 8:6

“Apkelwanyeyha énxet'ák se'e yegmen Siloé, ektaqmelchessamo nak aqsa ényé, eñama apkelaye m'a wesse' apwányam Resín tén han ma'a Remalías apketche nak,

Nehemías 12:37

Apkelwokmek axta m'a átog kéltéma nak Ekteyapmakxa Yegmen, apkelxegákxeyk axta makham ma'a néten kélhaxtegkesso nak tegma, apkelchánteyk axta m'a nélyetlamakxa nak néten David Tegma Apwányam apagkok, néten nak ma'a David apxagkok aptaqmalma, ekweykekxoho m'a átog kéltéma nak Yegmen, ekyetnama nak ma'a ekpayho nak ekteyapmakxa ekhem.

Nehemías 2:14

Tén axta sekxegákxo makham, sekpéwo m'a átog éltamhomaxchexa nak Ekteyapmakxa Yegmen, tén han ma'a yámelchet éltamhomaxchexa nak Wesse' Apwányam, yawanchek axta eyke ekyeyk'a seyánte m'a.

Jeremías 40:6

Apmeyákxeyk axta Jeremías ma'a Mispá aphakxa nak Guedalías, apheykekxeyk axta xamo' ma'a, yetlo m'a énxet'ák apkeleymomap axta m'a apchókxa nak.

Nehemías 3:14

Keñe axta Malquías, Recab axta apketche, apkeláneykha apchókxa axta m'a yókxexma Bet-haquérem, apkeláneykxo m'a átog kéltéma nak Kélchexakhamakxa Aqsok Apák, apnegkenágkek axta han atña'ák, yetlo m'a kélápeykekxexa nak chá'a, tén han ma'a yámet ekméyak nak chá'a átog.

Nehemías 3:12

Keñe axta han xama nekha apkeláneykekxo m'a Salum, Halohés axta apketche, apteme axta han apkemha apmonye' m'a mók xama nekha nak yókxexma Jerusalén, yetlo apketchek kelwán'ák.

Nehemías 3:9

Keñe axta han xama nekha kélhaxtegkesso apkeláneykekxo m'a Refaías, Hur axta apketche, apteme axta apkemha apmonye' nekha m'a yókxexma Jerusalén.

Nehemías 3:7

Keñe axta mók nekha kélhaxtegkesso apkeláneykxo m'a Melatías, apkeñama axta m'a Gabaón, tén han Jadón, apkeñama axta Meronot, tén han ma'a énxet'ák apkeleñama nak Gabaón, tén han Mispá, apkeláneykegkaxa axta m'a apkeláneykha apchókxa, halep nak wátsam Éufrates, ekpayho nak ektaxnegwánxa ekhem.

2 Crónicas 32:30

Ezequías axta han apkeltémo kólápekxak ekteyapmakxa axta chá'a yegmen ma'a Guihón, cham'a eñama axta m'a néten, apya'ásenteyk axta atamnek ma'a kóneg, ekpayho nak taxnegwánxa ekhem ma'a David Tegma Apwányam apagkok. Tásek axta ekteyapma ekyókxoho aqsok apkelane m'a Ezequías.

2 Reyes 25:4

Keñe axta apyagkaxqata nápakha tegma apyawe kélhaxtegkesso, apwakhayak axta eykhe caldeos ma'a, axta eyke kahaxnak aptepa wesse' apwányam yetlo apyókxoho sẽlpextétamo apagkok tegma apwányam apkenyahágko axta'a. Apkelánteyapwokmek axta m'a átog ekyetnama axta neyseksa kélhaxtegkesso tegma, ámay ekmahéyak axta m'a kélchencháseykekxexa axta pánaqte exnók ma'a wesse' apwányam, keñe apkelyetlawa m'a ámay ekmahéyak axta ekyapwátegweykenxa m'a Jordán.

Jueces 20:3

Apkelleg'ak axta amya'a Benjamín énxet'ák apagkok apchaqnákxo pók israelitas ma'a Mispá. Apkelmaxneyáha axta israelitas ma'a levita, ektémakxa axta aqsok ekmaso agko' apwete.

Jueces 20:1

Tén axta apyókxoho israelitas apchaqnákxo m'a Mispá, nápaqtók Wesse' egegkok, eyeynmo m'a Dan ekweykekxoho m'a Beerseba, keñe han ma'a Galaad, xama appasmeykekxa axta aptamhákxa'.

Nehemías 2:17

Axta ektáhak séláneya s'e: —Kélya'ásegkok kéxegke ekyentaxnamo sentémakxa, hakte kéltawáseykha m'a Jerusalén nak, kélwatneykekxeyk ma'a atña'ák nak. Kólchempoho, anlánekxak sa' kélhaxtegkesso nak nepyáwa Jerusalén, tén sa' mólasmésaxcheyk chá'a kaxwo'.

Nehemías 3:19

keñe axta Éser, Josué axta apketche, apkeláneykha apchókxa axta m'a yókxexma Mispá, apkeláneykxo m'a mók xama nekha nak kélhaxtegkesso ekpayho nak negchántamakxa kélxátamakxa m'a kélmeykha kélanchesso nak kempakhakma, ekyetnama nak máséyak.

Eclesiastés 2:6

Ekmetamchek axta han yámmáxek yaqwayam chá'a kólexpaqhagkok ma'a yenta'a séneykekxa nak;

2 Samuel 5:9

Tén axta apheykmo David ma'a tegma apyennaqte nak, apteméssessegkek axta han apwesey David Tegma Apyawe apagkok, tén axta aphaxtegkesa nepyáwa', eyeynmo m'a apkekhessamakxa axta xapop apchántamakxa, ekweykekxoho m'a apxagkok apyawe nak.