Nehemías 3:13 - Biblia Enxet

¹³ Keñe axta Hanún, tén han ma'a énxet'ák apheykha axta yókxexma Zanóah, apkeláneykxo m'a átog kéltéma nak Ekyapwátegweykenxa Xapop; apxátekhásekxeyk axta, tén axta apnegkenágko han ma'a atña'ák, yetlo kélápeykekxexa nak chá'a, tén han yámet ekméyak nak chá'a átog, apkelánekxeyk axta cuatrocientos cincuenta metros ma'a kélhaxtegkesso nak tegma, ekweykekxoho m'a átog kéltéma nak Kélchexakhamakxa Aqsok Apák.

Nehemías 3:13 Referans Kwoze

Nehemías 2:13

Cháxa axta'a sektepakxa axta ko'o m'a átog éltamhomaxko nak Ekyapwátegweykenxa Xapop, sekpéwo m'a ámay ekteyapmakxa nak yegmen éltamhomaxko nak Yéwa Ekwányam, tén han ma'a átog éltamhomaxko nak Kélchexakhamakxa Aqsok Apák, élanawók axta m'a kélhaxtegkesso nak Jerusalén, cham'a kélyaqnegkáseyak axta, tén han ma'a atña'ák kélwatneykekxa axta.

Josué 15:34

Zanóah, En-ganim, Tapúah, Enam,

Nehemías 11:30

Zanóah, Adulam, Laquis, tén han Azecá, yetlo m'a tegma apketkók aphéyak nak nepyáwa', tén han yókxexma apagkok. Apkelheykmek axta m'a Beerseba, ekweykekxoho m'a ekyapwátegweykenxa nak xapop Hinom.

2 Crónicas 26:9

Apkeláneykegkek axta han tegma apkelwenaqte m'a Jerusalén, nekha nak ma'a Átog ekwesey nak Máséyak, tén han ma'a nekha nak ekwesey Átog Ekyapwátegweykenxa Xapop, tén han ma'a nekha nak ektaqhamakxa kélhaxtegkesso tegma, apkelyennaqtéssek axta han aphaxtegkesso nepyáwa'.

Josué 15:56

Jezreel, Jocdeam, Zanóah,

Nehemías 2:15

Axta'a axta makham sekyetlawa axta ko'o m'a yegmen ényé nak, keñe axta sekpenchesa sélányo m'a kélhaxtegkesso nak nepyáwa tegma, séxyekmo makham sektaxnegwa'akto m'a átog éltamhomaxchexa nak Ekyapwátegweykenxa Xapop.