Nehemías 2:17 - Biblia Enxet

¹⁷ Axta ektáhak séláneya s'e: —Kélya'ásegkok kéxegke ekyentaxnamo sentémakxa, hakte kéltawáseykha m'a Jerusalén nak, kélwatneykekxeyk ma'a atña'ák nak. Kólchempoho, anlánekxak sa' kélhaxtegkesso nak nepyáwa Jerusalén, tén sa' mólasmésaxcheyk chá'a kaxwo'.

Nehemías 2:17 Referans Kwoze

Ezequiel 5:14

Jerusalén, atnessásekxak sa' ko'o exche' meteymog ektaháneykekxa mók; amegqaksek sa' nepyeseksa m'a énxet'ák apwakhaya nak neyáwa, yaqwayam sa' elanok chá'a apyókxoho m'a ektáhakxa enxoho chá'a apyeykhágwayam.

Nehemías 1:3

Aptáhak axta seyátegmowágko s'e: “Yentexók agko' apheykha m'a megkólnaqleykekxa axta megkatnahakxa apkelókxa, melya'áseykegkok aptamheykegkaxa. Keñe m'a Jerusalén kélhaxtegkesso axta kélpalchessama. Táxa kélwatnók kélmassésseykmo m'a atña'ák nak.”

Salmos 79:4

Ẽlya'ásseykmek chá'a negko'o m'a apheykha nak neyáwa negókxa; ẽlasméssegkek ma'a segwakhaya nak, ẽlxéneykha nahan chá'a ekmaso.

Lamentaciones 3:51

Kelmássegkek ahaqta'ák ekweykekxoho kañe' ewáxok, eñama m'a ektémakxa nak kelán'ák ma'a tegma apwányam.

Lamentaciones 2:2

Megyeykmok xama enxoho Wesse' egegkok ma'a tegma nak Jacob; apmasséssekmek axta aplawa m'a tegma apkelyennaqte aphéyak nak Judá aptaqmalma; apyaqnegkessek axta náxop ma'a apchókxa', apkelmegqássek axta apkelwesse'e agkok.

Jeremías 24:9

Wának sa' ko'o káhapwak aqsok ekmaso agko' ma'a, yaqwayam sa' kalyegwakkasek chá'a elwetak ma'a apyókxoho énxet'ák apheykha nak keso náxop, elasmésakpok sa' chá'a ekyókxoho apkelókxa sélya'asakxa enxoho chá'a ko'o waxpánchesek, eltaqnaweykpok sa' nahan, kóltamhok sa' nahan chá'a kaltemégwomhok exma ekmaso.

Salmos 79:12

Oh Wesse', eyaqmagkásekxa sa' senteméssessamakxa negko'o m'a apheykha nak negyáwa', ekweykmoho siete, eñama aptaqnaweykha chá'a exchep;

Salmos 44:13

Nélasmésamaxche enteméssessók; ẽltaqnaweykegkek ma'a apheykha nak negyáwa', ẽlya'ásseykmek han chá'a.

1 Samuel 11:2

Apchátegmowágkek axta Nahas, apteme axta amonita: —Axnéshok sa' ko'o mók sélpaqhetchásamáxkoho kéxegke, kélyahákxoho enxoho alhexyawássesagkok chá'a kélaqtek kéxegke ekpayho nak kélya'assamakxa', yaqwayam enxoho elmegqeyk elesmésakpok chá'a m'a israelitas.

Nehemías 2:13

Cháxa axta'a sektepakxa axta ko'o m'a átog éltamhomaxko nak Ekyapwátegweykenxa Xapop, sekpéwo m'a ámay ekteyapmakxa nak yegmen éltamhomaxko nak Yéwa Ekwányam, tén han ma'a átog éltamhomaxko nak Kélchexakhamakxa Aqsok Apák, élanawók axta m'a kélhaxtegkesso nak Jerusalén, cham'a kélyaqnegkáseyak axta, tén han ma'a atña'ák kélwatneykekxa axta.

Nehemías 2:16

Axta elya'ásegkok ko'o sekmahágkaxa m'a apkeltaqmelchesso nak apkelókxa, axta han elya'ásegkok sélana. Axta han ko'óxa altennásak ma'a judíos, cham'a apkelmaxnéssesso nak Dios énxet'ák apagkok, tén han ma'a apkelwesse'e nak, apkeltaqmelchesso apkelókxa, tén han ma'a nápakha énxet'ák apmáheyo nak yaqwayam sa' epasmok ma'a apkelánamap nak tegma.

Nehemías 3:15

Keñe axta Salum, Colhozé axta apketche, apkeláneykha apchókxa axta m'a yókxexma Mispá, apkeláneykekxo m'a átog kéltéma nak Ekteyapmakxa Yegmen: apxátekhásekxeyk axta, tén axta appakxenákxo, apnegkenágkek axta han atña'ák, yetlo m'a kélápeykekxexa nak chá'a, tén han ma'a yámet ekméyak nak chá'a átog, apkelánekxeyk axta han ma'a kélhaxtegkesso nak kélyátamakxa yegmen Siloé, nekha nak kélcheneykekxexa pánaqte exnók apagkok nak wesse' apwányam, ekweykekxoho m'a nélyetlamakxa néten ekweyweykenta nak eñama m'a David tegma apwányam apagkok.

Esdras 9:9

Sẽlásenneykha naqsa eykhe negko'o, makke hegyenseykmok xép neyseksa sẽlásenneykha naqsa; enxekmóssegkek segásekhayo nápaqta'awók ma'a kelwesse'e apkelwányam nak Persia, egméssegkek nélyennaqte yaqwayam anxátekhásekxak tegma appagkanamap apagkok nak xép, neyseksa aptamheykekxa nápakha'a apketkók, ¡egméssegkek yaqwayam ólmeyawaxchek se'e Judá nak, tén han Jerusalén!

Salmos 44:14

Apkeltémók chá'a exchep hẽlasmaksek ma'a melya'áseyak nak xép; egwet'ak agkok chá'a, élyeykesha chá'a apqatkok hegya'ássók.

Salmos 102:15

Apyókxoho énxet'ák sa' etnehek apcháyo apwesey m'a Wesse' egegkok, apyókxoho apkelwesse'e apkelwányam apheykha nak keso náxop sa' etnehek apcháyo m'a apcheymákpoho,

Miqueas 7:11

Jerusalén, xegakmek ekhem peyakxa nak kóllánekxak ma'a kélhaxtegkesso nak, tén han yaqwánxa kólyanchásekxak ma'a néxa xapop apagkok.