Nehemías 2:12 - Biblia Enxet

¹² ekxátekha'ak axta axta'a, yetlo sélxegexma'a m'a nápakha énxet'ák, axta eyke altennásak xama enxoho apkeltamhókxa ko'o Dios atnéssesek ma'a Jerusalén. Wánxa axta aqsa sekyentama ko'o m'a seyánte seyánta axta.

Nehemías 2:12 Referans Kwoze

Esdras 7:27

Yetlókok axta han apteme apkelmaxnagko Esdras se'e: “Apcheymákpoho sa' chá'a kólteméssesek Wesse' egegkok, Dios apagkok nak ma'a ẽlyapmeyk, hakte appaknegkessekmók apwáxok wesse' apwányam apteméssesa xa ektáha nak, apmésa yaqwayam etnehek apcháyo m'a Wesse' egegkok nak tegma appagkanamap apagkok, apyetnama nak Jerusalén,

Jeremías 31:33

Keso yaqwánxa sa' katnehek ekhémo mók nélpaqhetchásamáxkoho peya nak ko'o alanaksek énxet'ák Israel ma'a ekhem sa': Apekkenchesek sa' segánamakxa ahagkok apkelwáxok, anaqtáxéssesagkok sa' nahan ma'a élchetámeykegkaxa nak apkelwáxok. Ko'o sa' hetnehek Dios apagkok, keñe sa' ko'o atnehek énxet'ák ahagkok ma'a. Ko'o sekxeyenma xa, sektáha nak Wesse'.

Jeremías 32:40

Alának sa' ko'o ekhémo mók sélpaqhetchásamáxkoho meyke néxa: altennaksek sa' ko'o malwátessemek chá'a ektaqmalma sekteméssesakxa, ayánchesseshok sa' ko'o apkelmopmenyého etnahagkok seyáyo, tén han memáheyo chá'a heyenyók xama enxoho.

Amós 5:13

Cháxa keñamak apwanmagkama nak aqsa m'a apya'áseykegkoho nak aqsok, hakte asagkek kaxwók se'e negwánxa nak.

Eclesiastés 3:7

Yetneyk ekhem nélyeptamakxa', tén han nélyetnaqtamakxa'. Yetneyk ekhem mampaqmésmakxa', tén han nempaqmésmakxa'.

Salmos 122:6

Kólteme kólmaxnak se'e: “Méko sa' katnehek ektáhakxa Jerusalén; tásek sa' katnehek apkelweynchámeykha m'a ektáha nak chá'a apchásekhayo.

Salmos 51:18

Etaqmelches sa' xép ma'a Sión, eñama ektaqmeleykha nak apwáxok; exátekhásekxa sa' makham ma'a kélhaxtegkesso nak Jerusalén.

Jueces 9:32

Etyep sa' axta'a yetlo sẽlpextétamo apagkok, kólyexánegwom sa' ma'a yókxexma nak.

Jueces 6:27

Tén axta Gedeón apnaqlákxo diez apkelásenneykha, apkelanak axta ekyókxoho m'a apkeltamhókxa axta etnehek Wesse' egegkok; axta'a axta eyke apkelanak, axta elanak ekhem, eñama apkeye m'a apyáp aphawóxama, tén han ma'a énxet'ák apheykha nak tegma apwányam.

Miqueas 7:5

Ná etnésses chá'a naqsók appeywa pók, nágyáwho chá'a xama enxoho m'a apxegexma nak; elanagkoho chá'a appeywa appaqhetchesa enxoho aptáwa'.

Josué 10:9

Axta'a axta apxegak Josué apkeñama m'a yókxexma Guilgal, appelakkassek axta apketámeyak ma'a amorreos.

Nehemías 2:11

Ekwákxeyk axta ko'o m'a Jerusalén. Ántánxo ekhem axta entáhak sekheykekxa m'a,

Nehemías 2:13

Cháxa axta'a sektepakxa axta ko'o m'a átog éltamhomaxko nak Ekyapwátegweykenxa Xapop, sekpéwo m'a ámay ekteyapmakxa nak yegmen éltamhomaxko nak Yéwa Ekwányam, tén han ma'a átog éltamhomaxko nak Kélchexakhamakxa Aqsok Apák, élanawók axta m'a kélhaxtegkesso nak Jerusalén, cham'a kélyaqnegkáseyak axta, tén han ma'a atña'ák kélwatneykekxa axta.

Proverbios 12:23

Mexénmakha ektémakxa apya'áseyak aqsok ma'a énxet apmopwána nak aqsok, keñe m'a ekyeyháxma nak, exekmósek chá'a énxet'ák apteme ekyeyháxma.