Nehemías 13:25 - Biblia Enxet

²⁵ Élpaqhetchessegkek axta ko'o ekyennaqte, tén axta séltémo kaltemégwomhok exma ekmaso. Nápakha axta han chá'a élnápeykha, tén han seyápetchessama chá'a apwa'ák, keñe axta séltémo etnéssesek naqsók apkelpeywa nápaqto' Dios megyohok chá'a kalmagkok apketchek kelwán'ák tén han apkelennay'a m'a megkatnaha nak appeywomo xamo', tén han megyohok etnahagkok apnaqteyegka'a apketchek apkelennay'a m'a kelán'ák nak, tén han xa énxet'ák nak. Axta ekteme han sélanagkama s'e:

Nehemías 13:25 Referans Kwoze

Nehemías 13:17

Keñe axta sélpaqhetchesa ekyennaqte m'a apkelámha apmonye'e nak Judá, sektáha séláneya s'e: —Asagkók agko' nak la'a kéltáhakxa kéltawáseyncha'a m'a ekhem sábado.

Esdras 10:5

Apkempákxeyk axta néten Esdras, apkeltamhók axta elanagkok aqsok apmáheyo elanagkok ma'a apkelámha apmonye'e nak apkelmaxnéssesso Dios énxet'ák apagkok, tén han levitas, tén han apyókxoho israelitas, apkelxénchek axta han elanagkok.

Deuteronomio 7:3

Megkeyméxchek nahan kéxegke kóltamhagkok kélnaqteyegka'a m'a kelwán'ák nak, megkeymexchek nahan kólmésagkok kélketchek apkelennay'a tén han kelwán'ák nak kéxegke yaqwayam etnahagkok apnaqteyegka'a tén han anaqteyegka'a apketchek nak ma'a énxet'ák nak,

Nehemías 13:11

Keñe axta sélpaqhetchesa ko'o ekyennaqte m'a apkelámha apmonye'e nak, eñama melányo m'a Dios tegma appagkanamap apagkok. Tén axta séláneyancha'a makham ma'a apkelmaxnéssesso nak Dios énxet'ák apagkok, tén han levitas, élmeyásegkokxeyk axta makham ma'a ektémakxa axta apkeltamheykha,

Isaías 50:6

Ekméssek nahan yaqwayam etekpogmakha éyapok ma'a apmáheyo nak chá'a etekpogmakha, ekméssek nahan yaqwayam yeptek áwa' ahátog ma'a apmáheyo nak chá'a heyápetchesek. Makpóssásak han nahát ma'a sey'ásseyam nak chá'a ekmaso tén han ma'a séxpaqhe nak chá'a apyamánog.

Proverbios 28:4

Kaltaqmalmakha chá'a apkelpeywa elxének énxet'ák élmasagcha'a nak apkeltémakxa m'a apkelyetnakhasso nak chá'a segánamakxa; keñe m'a ektáha nak chá'a apkelyeheykekxoho m'a segánamakxa, eltaqnaweyha chá'a.

Salmos 15:4

aptaqnagkamo nak ma'a énxet ekpayhawo nak etaqnaweykpok, apcháyo nak chá'a m'a apcháyo nak Wesse' egegkok; apkeláneyo nak chá'a m'a aqsok apxeyenma elána', neyseksa eykhe megkataqmalma ekteyapma aqsok apkelane;

Nehemías 5:13

Ekpaxnexcháha axta han sektaxno keñe sektáha s'e: “Sa' etnéssesek elyawhesha Dios elántekkesek apxanák tén han elyementók xapop apyókxoho melane nak xa apxeyenma nak naqsók elanagkok, sa' etnehek esawhaksohok ekyókxoho aqsok kélagkok ekyetna nak se'e kaxwo' nak.” Aptáhak axta apkelátegmowágko apxámokma apagko' énxet se'e: “Katnehek sa'”, keñe axta apkelteméssesa apcheymákpoho Wesse' egegkok. Apkeláneykegkek axta énxet'ák ma'a apxeyenma axta elanagkok,

Esdras 7:26

Keñe sa' ma'a melane nak segánamakxa apagkok ma'a Dios apagkok, tén han ma'a segánamakxa ahagkok nak ko'o, sektáha nak wesse' apwányam, kólának sa' ematñekxa', kólának sa' kóláphaksek megkatnahakxa apchókxa', essenhan kólának eyánmagkasek, essenhan kólának emakpok.”

Deuteronomio 6:13

Kólpeykesho chá'a Dios Wesse' kélagkok, kólteme chá'a wánxa kéláyo m'a, peyk sa' agkok chá'a kólteméssesek ekmámnaqsoho agko' kélpeywa, kóltemésses chá'a wánxa ekmámnaqsoho m'a Wesse' egegkok apwesey nak.

Éxodo 34:16

essenhan elmésagkok apketchek kelwán'ák nak ma'a kélketchek apkelennay'a nak kéxegke, keñe élánegko enxoho ektamheykegkaxa nak chá'a kalanagkok nentémakxa mansexta kalpeykeshok ma'a aqsok éláyókxa nak, kának nahan etnahagkok elpeykeshok ma'a kélketchek nak kéxegke.

Josué 23:12

Hakte éltamhók ko'o kólya'asagkohok se'e: kélyetnakhássek sa' agkok Dios, kélpáxaqwokmek sa' agkok énxet'ák apheykha nak makham kélnepyeseksa kéxegke, kélmágko enxoho kóltamhagkok kélnaqteyegka'a m'a kelwán'ák nak, melántekkesek sa' kélmonye'e kéxegke Dios Wesse' kélagkok xa énxet'ák nak, máxa yám'én sa' aqsa etnéssesagkok tén han kelhanma, yaqwayam sa' kalmok chá'a kéxegke, máxa kelyekpexchetma sa' etnéssesagkok elyensássesek kélkap'ák, máxa am'ák sa' etnéssesagkok elyetxeygkok kélaqta'ák, ekwokmoho kélsawhéxkoho kélagko' kéxegke s'e xapop ektaqmalma, apmésso axta m'a Dios Wesse' kélagkok.

2 Reyes 2:24

Appeynchamakpók axta neptámen Eliseo apkelányo m'a wokma'ák nak, keñe apkeltémo kaltemégwomhok exma yetlo apxeyenma apwesey Wesse' egegkok. Yetlómok axta élánteyapma ánet aqsok nawha'ák éllo m'a naxma nak, keñe ektemessáseykegko nápakha'a apketkók ma'a cuarenta y dos wokma'ák nak.

Nehemías 13:24

nápakha apketchek axta han apkelpaqmeyesmak chá'a apkelpeywa axta énxet'ák Asdod, tén han ma'a pók énxet'ák nak, keñe axta mopwancha'ak ma'a judíos apkelpeywa.

Salmos 119:53

Elókassegkek ko'o m'a élmasagcha'a nak apkeltémakxa, apyamasma nak nélxekmowásamáxche apagkok.

Nehemías 5:6

Eklókek axta ko'o sekleg'a apkelpaqméteykha apkelxéneykha ektémakxa.