Nehemías 1:7 - Biblia Enxet

⁷ Asagkók agko' negko'o néltémakxa nápaqto' xép; manláneykegkok ma'a apkeltémókxa nak antéhek, segánamakxa, tén han ma'a apchánamakxa nak antéhek, segmésso axta eñama apchásenneykekxa m'a Moisés, apteme axta apchásenneykha.

Nehemías 1:7 Referans Kwoze

Daniel 9:11

Apyókxoho énxet'ák Israel melyaheykekxak ma'a nélxekmowásamáxche apagkok, memáheyók elyahakxohok ma'a apkeltémókxa etnahagkok; cháxa keñamak segáhapwa'a nak negko'o m'a aqsok ekmaso, ekyetnama nak eknaqtáxésamaxche m'a Moisés segánamakxa apagkok, apkeláneykha axta exchep, hakte nenláneykegkek negko'o mólya'assáxma nénmexeykekxo exchep.

Daniel 9:13

Egáhapwa'ak negko'o ekyókxoho aqsok ekmaso, ekhawo ektémakxa nak eknaqtáxésamaxche m'a Moisés segánamakxa apagkok; makke agketamsók negko'o exchep, Dios Wesse' egegkok, magyamasmak han ma'a nentémakxa élmasagcha'a, magyetlók han ma'a aptémakxa nak apmámnaqsoho.

Salmos 106:6

Nenláneykegkek negko'o mólya'assáxma, neghawók ma'a ẽlyapmeyk nano' axta; nennaqtawásamáxche'; nenláneykegkek aqsok ekmaso.

Malaquías 4:4

“Kaxénwakxoho sa' kélwáxok ma'a segánamakxa sekméssama axta ko'o séláneykha Moisés ma'a egkexe nak Horeb. ¡Segánamakxa axta m'a, apkelánémap axta elanagkok ma'a apyókxoho énxet'ák Israel!

Sofonías 3:7

Axta entáhak élchetamso ewáxok se'e: ‘Sa' heyeyk chá'a énxet'ák Jerusalén sekteméssesa enxoho xa tén han elyahakxohok chá'a apékessesagkok; tén sa' megkólmasséssemek chá'a m'a apxanák nak eñama ko'o séllegassáseykegkoho.’ Apkelánegkokxeyk axta eyke aqsa makham ekyókxoho m'a mók ektémakxa nak chá'a aqsok ekmaso.

Oseas 9:9

Kélnaqtawásamáxkók kélagko', kéltémakxa axta nanók ma'a Guibeá. Kaxénwakxohok sa' eyke apwáxok Wesse' egegkok ma'a kéltémakxa ekmaso, ellegássesagkohok sa' eñama megkólya'assáxma.

Esdras 7:6

Esdras axta apteme apya'áseykegkoho apkelxekmósso ektémakxa nak segánamakxa, apmésso axta m'a Wesse' egegkok, Dios nak Israel, apchásenneykekxo axta m'a Moisés, appasmomchek axta m'a Wesse' egegkok. Axta keñamak wesse' apwányam Artajerjes apméssama chá'a ekyókxoho m'a apkelmaxneyakxa enxoho chá'a. Axta keñamak Esdras apteyapma m'a Babilonia,

2 Crónicas 27:2

Leklamók axta apwáxok Wesse' egegkok ektémakxa aqsok apkelane m'a Jotam, ektémakxa axta aqsok apkelane m'a Ozías, apyáp axta. Axta eyke etaxnók ma'a Wesse' egegkok tegma appagkanamap apagkok. Yágweykmók axta aqsa apkeláneyak apkeltémakxa élmasagcha'a m'a énxet'ák.

2 Crónicas 25:4

Axta eyke elnáhakkásak ma'a apketchek nak, ekhawo ektémakxa axta eknaqtáxésamaxche m'a weykcha'áhak Moisés axta segánamakxa apagkok, apkeltémo axta katnehek Wesse' egegkok se'e: “Megkapayhawok etekyók apyapmeyk eñama apkelsexnenagko m'a apketchek nak, megkapayhawok nahan etekyók kélketchek eñama apkelsexnenagko m'a apyapmeyk nak, xama aqsa chá'a payhawok emátog eñama eksexnenagko mey'assáxma apagkok apagko'.”

1 Reyes 2:3

Elyahakxoho sa' ma'a apkeltémókxa nak etnehek Dios Wesse' apagkok, elának ma'a apmopmenyého nak chá'a, tén han segánamakxa apagkok, apkeltémókxa nak antéhek, tén han ma'a apchánamakxa nak antéhek, ekhawo ektémakxa nak eknaqtáxésamaxche m'a Moisés segánamakxa apagkok, yaqwayam sa' kataqmelek chá'a ekyókxoho aqsok apkelanakxa enxoho chá'a, tén han ma'a apmahágkaxa enxoho chá'a.

Deuteronomio 6:1

“Keso apkeltémókxa nak antéhek, tén han segánamakxa tén han nélánémaxchexa nak antéhek apkeltamho nak ko'o alxekmósek kéxegke m'a Dios Wesse' kélagkok, yaqwayam sa' kóllánegwók ma'a apkelókxa kélmáheyókxa nak kólmok.

Deuteronomio 5:1

Apchánchesákxeyk axta apyókxoho énxet'ák Israel ma'a Moisés, aptáhak axta apkeláneya s'e: “Israelitas, kóleyxho sa' se'e segánamakxa tén han nélánémaxchexa nak chá'a antéhek peya nak ko'o altennaksek se'e sakhem nak. Kóltaqmelchesho kélagko' sa' kélya'ásegwayam, kóllána sa' nahan.

Deuteronomio 4:5

Élxekmóssegkek axta ko'o kéxegke segánamakxa tén han nélánémaxchexa nak antéhek apkeltémo axta ko'o alxekmósek ma'a Dios Wesse' ahagkok, yaqwayam sa' kóllanagkok chá'a m'a apkelókxa yaqwánxa sa' kólhamok.

Deuteronomio 4:1

“Israelitas, kóleyxho sa' segánamakxa tén han nélánémaxchexa nak chá'a antéhek sélxekmóssama axta, kóllána sa' nahan, yaqwayam sa' kólweynchamha chá'a tén han kólmok ma'a apkelókxa, apmaheyókxa nak egkések ma'a Wesse' egegkok, Dios apagkok nak ma'a kélyapmeyk nano'.

Levítico 27:34

Cháxa apkeltémókxa nak antéhek apmésso axta Wesse' egegkok ma'a Moisés, yaqwayam etnehek apagkok israelitas ma'a egkexe Sinaí nak.

Isaías 1:4

¡Énxet'ák melya'assáxma laye, ekyentaxno nak apkeltémakxa ekmaso, énxet'ák élmasagcha'a nak apkeltémakxa aptawán'ák neptámen, énxet'ák apkeláneykegkoho nak aqsok ekmaso! Kélyamasmeyk ma'a Wesse' egegkok, kélyetnakhassegkek ma'a Dios Aptaqmalma apagkok nak ma'a Israel, kélpekkeneykekxeyk kélnentámen.

Salmos 89:31

melánegko enxoho chá'a m'a segánamakxa ahagkok, tén han melyahakxoho enxoho m'a séltémókxa nak chá'a etnahagkok,

Salmos 89:32

allegássesagkohok sa' eñama sénmexeykekxa, tén han apkeltémakxa ekmaso, yetlo séltekpogéyak yámet;