Nehemías 1:2 - Biblia Enxet

² apweykto axta eyáxeg Hananí, yetlo apkelxegexma'a énxet'ák apkeleñama axta Judá. Keñe axta sélmaxneyeyncha'a m'a Jerusalén, tén han ma'a judíos megkólnaqleykekxa axta megkatnahakxa apkelókxa, cham'a apkelheykekxo axta apchókxa.

Nehemías 1:2 Referans Kwoze

Nehemías 7:2

Keñe axta eyáxeg nak ko'o Hananí sekteméssesa apkemha apmonye' m'a Jerusalén, tén han ma'a Hananías apteme axta apkemha apmonye' sẽlpextétamo m'a tegma apyennaqte nak, apteme axta ekha kéláyo, tén han apcháyo apagko' axta m'a Dios, mexnawo nak ma'a nápakha énxet'ák nak.

Ezequiel 6:9

Kalxénwók sa' ko'o apkelwáxok neyseksa apheykha nepyeseksa pók aptémakxa énxet'ák ma'a meletsapma nak, kalxénwakxohok sa' apkelwáxok ektáhakxa séllegassáseykegkoho eñama seyenseyam sétleykha, tén han eñama seyamasma, yaqwayam elpeykeshok ma'a aqsok kéleykmássesso. Megkalchek sa' apkelwáxok elanok apkeltémakxa eñama m'a ekyókxoho aqsok ekmaso apkelánéyak, tén han eñama m'a ekyókxoho apkeltémakxa ekmaso agko' nak.

Ezequiel 7:16

Elyexánegwók sa' eykhe nahan nápakha m'a neyseksa nak meteymog élekhahéyak, aptémól'a m'a wáx'ay apyegwaktól'a, apyókxoho sa' eletsapok eñama apkeltémakxa melya'assáxma.

Jeremías 44:14

Melegketakpek sa' xama enxoho m'a énxet'ák Judá, apkeleymomap axta, apkelmahéyak apkelhayam ma'a Egipto, méko sa' xama enxoho yeymakpok. Emáwhok sa' eyke elmeyenták makham Judá, yaqwayam elhaták makham ma'a, melwateyk sa' eyke, melxeganakmo enxoho apqántawo.’”

Esdras 9:14

¿Egwanchek enxeykel'a mólyahakxeyk negko'o makham ma'a apkeltémókxa nak antéhek, tén han ampaxqaha m'a énxet'ák ektaqnómaxko agko' nak apkeltémakxa? ¿Mehẽltaqnaweygkeheya sa' negko'o nentáha enxoho xa ektáha nak? ¿Mehegmasséssemeya sa' ekwokmoho mageymexko enxama enxoho?

Génesis 14:10

Xámok axta máxek ekheykegkaxa nak meteymog égmenek ma'a ekyapwate nak Sidim, xama axta apkenyahágko peya elxeganmok neyseksa kempakhakma m'a apkelwesse'e apkelwányam nak Sodoma, tén han Gomorra, yetlókok axta appallegwayam kañe' máxek, keñe axta nápakha apkelwesse'e apkelwányam apkelyexánegwokmo m'a egkexe nak.

2 Reyes 24:14

Keñe axta apkelmoma apnaqleykekxo apyókxoho apheykha axta Jerusalén, tén han apyókxoho m'a apkelámha apmonye'e, tén han sẽlpextétamo apkelyennaqte, tén han apyókxoho m'a apkelánéyak axta chá'a aqsok, keñe han ma'a apkelánéyak nak sawo, diez mil axta apwagkassók apkelma. Méko axta eyeymomáxche enxoho m'a apchókxa, wánxa axta aqsa m'a meyke agko' nak aqsok apagkok.

2 Reyes 25:12

Wánxa axta aqsa apkeleykmo apqántawók ma'a énxet'ák meyke agko' nak aqsok apagkok, yaqwayam enxoho elanha m'a anmen yámet kélcheneykekxa', tén han eknekxak aqsok ma'a namyep.