Nahúm 3:15 - Biblia Enxet

¹⁵ Sa' kalwatnek kéxegke táxa m'a, tén han kalnápok kempakhakma, máxa sawa' aptól'a aqsok, sa' kóltéhek kólmasséssók kélyókxoho. ¡Kólxámasaxche sa' aptémól'a sawa'! ¡Kólxámasaxche sa' ektémól'a séta'!

Nahúm 3:15 Referans Kwoze

Joel 1:4

Aptókagkek sawa' m'a ekyókxoho aqsok kélcheneykekxa': keñe apkelwa'akto makham pók, apsawhawo aptawa m'a apkeláyam axta.

Nahúm 3:13

Máxa kelán'a m'a sẽlpextétamo agkok nak; kelmayhégkek atña'ák apchókxa yaqwayam elántexek ma'a kélenmexma; kelwatneyk táxa m'a kélápeykekxexa nak chá'a atña'ák kélagkok.

Nahúm 2:13

Aptáhak Wesse' egegkok ekha nak apyennaqte s'e: “Élenmexchek ko'o kéxegke: alwatnések sa' ma'a yátnáxeg apkelyenyawasso kélagkok kélanchesso nak kempakhakma, éten sa' atnessásekxa'; alnáhakkasek sa' méwa étkók kélagkok; alyementemekxak sa' aqsok kélmeñexéyak ekheykegko nak kañe' kélókxa', kamaskok sa' kañexchek apkelpeywa m'a apseykha nak chá'a amya'a kélagkok.”

Sofonías 2:13

Ey'aksek sa' apmopwána m'a ekpayho nak nexcheyha yaqwayam emasséssók ma'a Asiria, meyke xama aqsok sa' etnessásekxak ma'a tegma apwányam Nínive, ekyamaye exma sa' etnessásekxa'.

Joel 2:25

“Ayaqmagkassásekxak sa' ko'o kéxegke m'a kélcheneykekxa ekmasagko axta, eñama sawa' aptókasso, cham'a sawa' apxámokma aptawáseykha nak aqsok, seyáphassama axta kélnepyeseksa kéxegke.

Isaías 66:15

Hakte ewaták sa' Wesse' egegkok neyseksa táxa, hawók samaxche m'a yátnáxeg apyenyawasso apagkok nak; eyenyenták sa' aplo tén han ma'a táxa eyáléwe apagkok senlegassáseykegkoho nak.

Isaías 66:16

Yetlo táxa sa' etnehek Wesse' egegkok elyekpelkohok énxet keso náxop, elyekpelkohok sa' apyókxoho énxet yetlo sókwenaqte apagkok, apxámok sa' etnehek apkelnapma.

Jeremías 51:14

Aptáhak apxéna ekmámnaqsoho Wesse' ekha nak apyennaqte s'e: “¡Wáhakkassak sa' ko'o exchep apkelenmexma, aptémól'a sawa', elátsaha sa' nepyeseksa exchep elmallánek ma'a!”

Amós 7:1

Keso sexekmósa axta ko'o Wesse' egegkok se'e: Ekwet'ak axta ko'o Wesse' egegkok apkelana sawa', cham'a sekxók axta éltektépeygkokxo aqsok kélcheneykekxa, natámen kélneyxchesso axta aqsok ekyexna kélcheneykekxa m'a wesse' apwányam.