Nahúm 2:1 - Biblia Enxet

¹ Énxet'ák Nínive, apya'awak kéxegke m'a apmáheyo emasséssók. ¡Kólána yaqnágwakxak néten tegma kélhaxtegkesso nepyáwa' apyennaqte m'a sẽlpextétamo! ¡Kólenmexho sa' ma'a ámay! ¡Kóllánekxa sa' kéltáhakxa yaqwayam kólempakha'! ¡Kólanchásekxa sa' sẽlpextétamo kélagkok!

Nahúm 2:1 Referans Kwoze

2 Crónicas 25:8

Apyepetchásekxeyk sa' agkok sẽlpextétamo apagkok yaqwayam epasmok yempakhak xa énxet'ák nak, Dios sa' yának xép emok ma'a apkelenmexma nak, hakte apmeyhek Dios hempasmok, tén han hegmasséssók.

Jeremías 50:23

¡Paqxeyk ma'a Babilonia, ekho nak sawo ekyentaxno kéltekpageykha chá'a apyókxoho énxet'ák keso náxop, nekha'a étkók tamhákxa'! ¡Apkelyegwakkek pók aptémakxa énxet'ák apkelwet'a ektáhakxa m'a Babilonia!

Isaías 14:6

apkellegassáseykegkoho nak chá'a énxet'ák yetlo aplo apkeltekpageykencha'a nak chá'a meyke néxa, apkelteyammeykencha'a nak chá'a énxet'ák yetlo aplo, apmenxeneykencha'a nak chá'a meyke apkelmopyósa apkelányo.

Jeremías 25:9

aláneyha sa' ko'o apyókxoho énxet'ák apheykha nak nexcheyha yetlo séláneykha Nabucodonosor, wesse' apwányam nak ma'a Babilonia, yaqwayam sa' elxegma', ektámegmak se'e apchókxa nak, yetlo apyókxoho énxet'ák apheykha nak kañe', tén han ma'a apyókxoho énxet'ák apheykha nak neyáwa'. Amasséssók sa' ko'o ekyókxoho. Meteymog ektaháneykekxa mók meyke néxa sa' atnessásekxa', negaye agweta', tén han segyegwakkassamo.

Salmos 50:14

¡Kóltemésses aqsok kélmésso naqsa ekxeyenma kélwáxok ma'a Dios; kóllána aqsok kéltennasso axta kóllanaksek ma'a Meyke nak Ekhémo!

Salmos 65:2

hakte yeyxhok chá'a exchep kélmaxnagko! Apyókxoho énxet sa' elyo'ótak xép.

Isaías 29:7

Máxa negwanmagko sa' etnahagkok emassegwók apyókxoho m'a énxet'ák apxámokma apkempakhaya nak chá'a m'a Ariel, apketámeykegko nak chá'a m'a tegma apkelyennaqte apagkok, ekhawo nahan ma'a apnaqtawáseykegkoho nak chá'a; máxa sa' etnahagkok ma'a ektémól'a agwetak xama aqsok negwanmagko m'a axta'a.

Isaías 29:8

Máxa sa' etnahagkok ma'a ektémól'a meyk áto' kawanmaksek etwok ma'a apto, keñe apxatakha'a enxoho méko katnehek apto m'a apwáxok; essenhan ma'a ektémól'a hem áto' kawanmaksek ének ma'a apyá, keñe apxatakha'a enxoho hem egkaqhek keymeyk nahan apyespok. Sa' katnehek apyókxoho xa énxet'ák apxámokma nak apketámeykegko nak ma'a egkexe Sión.

Isaías 52:7

¡Táse' nak la'a agwetak ewak néten egkexe m'a apseykha nak amya'a ektaqmela, apseykha nak ma'a amya'a meyke ektáhakxa egwáxok, apxeyenma nak ma'a ektémakxa sẽlmallahanchesso aqsok ekmaso apteme nak yának Sión se'e: “Wesse' apwányam ma'a Dios apagkok nak xép!”