Nahúm 1:15 - Biblia Enxet

¹⁵ ¡Kóllano! ¡Apxegakmek apseykha nak amya'a meyke ektáhakxa egwáxok ma'a néten nak egkexe! Énxet'ák Judá, kóllána kélessawassamo; kóllána m'a kélxeyenma axta chá'a kóllána'. Wánxa sa' kaxwók apkelántaxno xapop kélagkok ma'a énxet'ák élmasagcha'a nak apkeltémakxa; hakte apmassegwokmek apyókxoho m'a.

Nahúm 1:15 Referans Kwoze

Isaías 52:7

¡Táse' nak la'a agwetak ewak néten egkexe m'a apseykha nak amya'a ektaqmela, apseykha nak ma'a amya'a meyke ektáhakxa egwáxok, apxeyenma nak ma'a ektémakxa sẽlmallahanchesso aqsok ekmaso apteme nak yának Sión se'e: “Wesse' apwányam ma'a Dios apagkok nak xép!”

Joel 3:17

“Kólya'ásegwók sa' kéxegke ko'o sektáha nak Dios Wesse' kélagkok, sekha m'a Sión, egkexe ekpagkanamaxchexa ahagkok nak. Tegma apwányam appagkanamap sa' etnehek ma'a Jerusalén: kamaskok sa' emok kaxwók ma'a énxet'ák apkeleñama nak mók nekha.

Isaías 52:1

Sión, exatakha', énnákxoho; Jerusalén, tegma apwányam aptaqmalma, elántaxnekxa apkelnaqta apkeltaqmalma apagko' nak, hakte melántexek sa' chá'a kaxwók kañe' apwáxok ma'a énxet'ák melya'áseyak nak Dios, tén han ma'a élmanyása nak apyempe'ék.

Salmos 107:15

Kólmés ekxeyenma kélwáxok Wesse' egegkok, eñama segásekhayo, ¡tén han apkelánésso chá'a aqsok éltaqmalma appasmo m'a énxet'ák!

Salmos 107:8

Kólmés ekxeyenma kélwáxok Wesse' egegkok, eñama segásekhayo, ¡tén han apkelánésso chá'a aqsok éltaqmalma appasmo m'a énxet'ák!

Levítico 23:4

“Keso ekhem yaqwánxa chá'a kéxegke kólpeykeshok Wesse' egegkok, eñama megkólwagqayam, tén han yaqwánxa chá'a kólaqnekxa':

Levítico 23:2

“Etne sa' elának israelitas se'e: Keso ekhem kélpagkanchessamakxa nak chá'a m'a Wesse' egegkok, kóltéhek sa' kéxegke nélpeykessamókxa Wesse' egegkok.

Nahúm 1:14

Wesse' apwányam Nínive, aptáhak xép apxéna Wesse' egegkok se'e: “Mexek sa' aptawán'ák neptámen, yaqwayam enxoho katepagkok apwesey; amasséssessók sa' ma'a axanák nak aqsok apcháyókxa, cham'a kéleykmássesso nak, tén han ma'a kéleykmássesso kélheyáseykegkoho nak chá'a aqsok, sa' wátawanyek xép ma'a, hakte asagkók agko' xép aptémakxa.”

Isaías 41:27

Ko'o axta seklegasso sekxók eyeynókxa axta m'a Sión, ko'o axta nahan seyáphasso xama apseykha amya'a m'a Jerusalén séltémo eltennaksek peya elwaták makham ma'a énxet'ák apagkok.

Isaías 42:11

Kalpayhekxa kélwáxok kéxegke kélheykha nak meykexa énxet yetlo tegma apkelyawe kélagkok tén han ma'a apkelpakxeneykegkaxa nak Quedar énxet'ák. Kólmeneykmés yetlo ekmátsa kélwáxok kélheykha nak Selá; nágkóleysagkoho kólpáxamha m'a néten egkexe étseksa'ák nak.