Nahúm 1:10 - Biblia Enxet

¹⁰ Máxa am'ák eknaqtétamáxche sa' kóltéhek kólmétek kélyókxoho, tén han ektémól'a pa'at apák.

Nahúm 1:10 Referans Kwoze

Miqueas 7:4

Máxa yámet ekha nak am'ák apkelxénamap nak chá'a éltaqmalma apkeltémakxa xa énxet'ák nak, máxa pegke m'a apkelxénamap nak chá'a ekha kéláyo. Xegakmek eyke ekhem yaqwánxa kólyaqmagkásekxak apkeltémakxa, apkeltennassama axta m'a énxet apkelhaxneykha cham'a aplegasso nak Dios appeywa. Keñe sa' katyapok nepyeseksa melya'áseyak aptamhágkaxa.

Malaquías 4:1

Aptáhak Wesse' egegkok ekha apyennaqte s'e: “Chágketwa'ak ekhem, ekmexanma ektémól'a táxa axagkok, yaqwánxa sa' elmétek apyókxoho m'a éleymáxkoho nak apkelwáxok ektémól'a kalmétek ma'a pa'at apák eyáléweykhal'a ekyawe. Elmétek sa' ekwa'a enxoho xa ekhem nak, Cháxa ekhem peya nak kawa', megyeymakpek sa' xama enxoho.

Nahúm 3:11

Kólaqhássesek sa' nahan xeyáxa anmen; kalyawheykha sa' keyxanmok kategyaha ekyexanmomakxa apmonye'e m'a élenmexma.

Isaías 9:18

Tawáseyha aqsok ma'a nentémakxa ekmaso, máxa táhak ma'a ektémól'a táxa eyáléwe kalwatnek ma'a yámet ekha nak am'ák tén han ma'a ekmompánaqma nak, ekweykmohol'a élwatno m'a yenta'a élaqnéyak nak naxma, keñe kay'aksek néten ma'a éten nak.

Isaías 5:24

Sa' kóltéhek kéxegkáxa kólmassegwók ma'a ektémól'a táxa kalwatnek ma'a pa'at apák, tén han ektémól'a táxa eyáléwe kalwatnek ma'a yámet áwa' apák élyamayél'a, ektémól'a m'a aqsok kélcheneykekxa ektepelchamáxchel'a m'a kepmenák, ekmassegwayam la'a aqsa m'a exnamok ektémól'a m'a xóp ekpánmal'a. Hakte kéltaqnagkamchek ma'a Wesse' ekha nak apyennaqte nélxekmowásamáxche apagkok, tén han ma'a apkeltémókxa nak chá'a kóltéhek, cham'a Dios Appagkanamap nak ma'a Israel.

Jeremías 51:57

Aptáhak Wesse' Apwányam, Wesse' ekha nak apyennaqte s'e: “Annáhakkasek sa' ko'o anmen ma'a apkelámha apmonye'e nak Babilonia, tén han ma'a apkelmopwancha'a nak aqsok, tén han ma'a apkeltaqmelchesso nak apkelókxa yetlo apkeláneykha, tén han sẽlpextétamo apagkok, keñe sa' enaqtének meyke néxa, menaqxétekhagkek sa'.

Jeremías 51:39

Kelmexneyk sa' agkok apyempe'ék, alagkok sa' ko'o apyenéyak, apyenéyak yaqwayam sa' kalyeykesek exma, tén han kamaskok kalya'ássesagkok aqsok. Keñe sa' enaqtének meyke néxa, menaqxétekhagkek sa'. Ko'o sekxeyenma xa, sektáha nak Wesse'.

Isaías 27:4

Massék ko'o séltaqnaweygko xa. Tekkek sa' agkok am'ák tén han ekmompánaqma m'a neyseksa, wampakhak sa' ko'o, asawhohok sa' alwatnek ekyókxoho.

Salmos 68:2

elmassegwók aqsa chá'a ektémól'a éten kamassegwók, elpayhekxak chá'a, ektémól'a pápa' kólpekkenek nátex; ¡emassegwók chá'a nápaqtók Dios ma'a élmasagcha'a nak apkeltémakxa!

2 Samuel 13:28

nanók axta han aptáha apkeláneya m'a apkeláneykha nak: “Kóltaqmelchesho sa' kélláneykha Amnón, eyaqha enxoho vino, éltamhók sa' agkok ko'o kólaqhek, kólaqha sa'. Nágkóle aqsa kóltéhek, hakte ko'o séltémo. Kólyennákxoho, nágkóleygwakxa'.”

1 Samuel 25:36

Xama axta ekwákxo makham Abigail ma'a aphakxa nak Nabal, wetágweykxeyk axta apkelana ektámáxche ekyawe m'a apxagkok nak, apkeláneyo nak chá'a wesse' apwányam. Payhékxók agko' axta apwáxok, chaqhawók agko' axta anmen. Axta keñamak megkaltennásencha'a ekweykmoho mók ekhem.

Salmos 118:12

Máxa kenáwet aptemék sewakhaya, massegweykmek eyke aqsa m'a apkello nak, máxa m'a ektémól'a kalmétek yámet ekha nak am'ák, ¡makke hexnémók eñama Wesse' egegkok apwesey!

Isaías 47:14

Aphawók eyke pa'at apák xa: kalwatnohok ma'a táxa, mopwanchek elwagkasakpok teyp neyseksa m'a táxa eyáléwe. Hakte háwe táxa átex agkok ma'a, yaqwayam enxoho kaxtek tén han kaxek nápaqta'awo'.

Isaías 56:12

Etnehek chá'a elpaqmétek se'e: “Antegyagkok sa' vino tén han ma'a anmen agko' nak yaqwayam sa' hẽlnápok. Antamhagkok sa' nahan saka s'e ekhawo nak nentamhágkaxa s'e sakhem nak, essenhan agyeykhássamho'.”

Éxodo 5:12

Appayhekxeyk axta israelitas ma'a ekyókxoho kañe' Egipto apkelchetama ekpayhókxa ekyetnamakxa m'a pa'at apák, yaqwayam enxoho etnehek apkelmeykha.

Éxodo 15:7

“Yetlo ekyawe apmopwána axta exchep apkeltekpagágkok ma'a ektáha axta apkenmexeykekxa; aplókók apagko' axta exchep, apkelmetchek axta nahan ma'a, máxa axta aptamhágkok ma'a ektémól'a pa'at apák kalmétek.