Nahúm 1:1 - Biblia Enxet

¹ Keso weykcha'áhak apxawe axta eñama kélxekmósso m'a Nahúm apkeñama axta Elcós. Cháxa amya'a ekxeyenma nak ma'a tegma apwányam Nínive.

Nahúm 1:1 Referans Kwoze

Sofonías 2:13

Ey'aksek sa' apmopwána m'a ekpayho nak nexcheyha yaqwayam emasséssók ma'a Asiria, meyke xama aqsok sa' etnessásekxak ma'a tegma apwányam Nínive, ekyamaye exma sa' etnessásekxa'.

Zacarías 9:1

Keso appeywa apkeltennasa axta Wesse' egegkok énxet'ák apheykha nak yókxexma Hadrac tén han tegma apwányam Damasco yaqwánxa katnehek kéllegassáseykegkoho s'e: “Wesse' egegkok apagkok ma'a tegma apkelyawe nak Siria, ekhawo nahan ma'a apyókxoho pók aptémakxa nak chá'a énxet'ák Israel.

Jonás 1:2

“Emhók sa' tegma apwányam Nínive, eltennés sa' peya ko'o amasséssók ma'a, hakte wa'ak ko'o amya'a sekhakxa ektémakxa melya'assáxma.”

Nahúm 2:8

Máxa ámay ekyétekkessól'a yegmen aptáhak apkenyahágko m'a énxet'ák apheykha nak Nínive. “¡Kólchaqnágwom! ¡Kóltaqhegwom!” entáhak eykhe amya'a apkeláneyákpo, méko eyke ektaqhegwokmo.

Isaías 13:1

Keso amya'a ekxénamaxche axta yaqwánxa katnehek kéllegassáseykegkoho m'a Babilonia, apxawe axta eñama kélxekmósso m'a Isaías, Amós apketche nak:

Génesis 10:11

Cháxa yókxexma apkeñamakxa axta han apmaheykegko m'a Asur, apkelánegweykmo axta han ma'a tegma apkelyawe nak Nínive, Rehobot-ir, Quélah,

Isaías 23:1

Tiro ekxénamaxche yaqwánxa kólteméssesek. Kelxegáha apnenya'ák apkellekxagweyncha'a m'a apkelchánte nak chá'a yántakpayhe éleñama nak Tarsis, hakte kéltawáseyha m'a apnegkenweykekxexa nak chá'a yántakpayhe apagkok. Axta nahan apkellegágwakxohok amya'a kéltawassáseyncha'a m'a sekxók apkelchexyekmo axta apkelenyékto m'a Chipre.

Isaías 21:1

Yókxexma meykexa énxet ekxénamaxche' yaqwánxa katnehek, ekyetno nak neyáwa wátsam ekwányam: Máxa éxchahayam ekyennaqte ekxegayam la'a nepyeyam entáhak ekxegakmo aqsok ekmaso agko' ma'a yókxexma meykexa nak énxet.

Isaías 15:1

Moab ekxénamaxche yaqwánxa kólteméssesek. Kéltawáseyha axta Moab cham'a axta'a kélmasséssekmo axta m'a Ar; kéltawáseyha axta Moab cham'a axta'a kélmasséssekmo axta tegma apwányam Quir.

Isaías 14:28

Apxeyenmeyk axta Isaías apyeyam apketsapma axta wesse' apwányam Ahaz se'e amya'a nak:

Isaías 22:1

Xapop ekyapwate ekwesey nak sẽlxekmóssamakxa aqsok ekxénamaxche yaqwánxa kólteméssesek: ¿Yaqsa ektáha kélchánta nak kélyókxoho néten tegma?

Isaías 19:1

Egipto ekxénamaxche yaqwánxa kólteméssesek. Kóllano Wesse' egegkok: Apxegakmek néten yaphope ekyennaqte ekxega apmeyókmo m'a Egipto. Kelpexyennegkek apmonye' m'a aqsok kéláyókxa nak Egipto, apkelakawók apagko' ma'a egipcios.

2 Reyes 19:36

Tén axta Senaquerib, wesse' apwányam nak Asiria, apleya appakxanma; aptaqháwók axta makham ma'a Nínive.

Habacuc 1:1

Keso amya'a apxékmósso axta Wesse' egegkok Habacuc, apteme axta Dios appeywa aplegasso.

Malaquías 1:1

Keso Wesse' egegkok appeywa aplegasso axta énxet'ák Israel, apchásenneykekxo axta Malaquías apteme axta Dios appeywa aplegasso.

Isaías 10:5

“¡Wesse' apwányam Asiria! Cha'a apteme yámet seklo nak ko'o m'a séllegassáseykegkoho nak chá'a, yámet sekmeykha nak chá'a m'a seklawa enxoho.

Jeremías 28:8

Apkellegassegkek axta chá'a kawak kempakhakma, nenlegeykegkoho ekmaso, tén han negmasse ekxámokma agko' apkelókxa, tén han élyawakxa nak apkelókxa m'a Dios appeywa apkellegasso nano' axta, metyeykemxa axta makham xép tén han ko'o.