Miqueas 7:7 - Biblia Enxet

⁷ Aleyxek sa' eyke ko'o m'a Wesse' egegkok; malwataksek sa' sélhaxanma m'a Dios ahagkok sewagkasso nak teyp, hakte yeyxhok sa' ko'o sélmaxnagko m'a.

Miqueas 7:7 Referans Kwoze

Salmos 37:7

Ewanmeyha sa' aqsa nápaqto' Wesse' egegkok, eleyx aqsa epasmok meyke appekhésamap. Nágkalókas apwáxok étak ma'a énxet'ák ektaqmalma nak apheykha, ekteyapma nak chá'a aqsok ekmaso yaqwayam elanagkok.

Isaías 45:22

“Énxet'ák, kélheykha nak ekyókxoho apkelókxa keso náxop hélyo'óta ko'o, ko'o sa' alwagkasek teyp, hakte ko'o sekteme Dios, méko pók.

Isaías 25:9

Sa' katnehek kalpaqmetaxchek, cháxa ekhem nak: “Cháxa Dios egagkok xa, negáyo nak chá'a, nélhaxanma nak hẽlwagkasek teyp. Kalpayhekxa egwáxok, ólátsaha, ẽlwagkassek teyp ma'a.”

Salmos 25:5

Hepékessesák, hélxekmós ma'a ektáha nak ekmámnaqsoho, hakte xép apteme Dios ahagkok, tén han Sewagkasso Teyp. ¡May'ásseykmok chá'a ko'o exchep yókxoho ekhem!

Salmos 130:5

Élhaxanmeyk ko'o hepasmok Wesse' egegkok ekweykmoho kañók agko' ewáxok, may'ásseykmok han ma'a appeywa.

Salmos 109:4

Alásekhohok eykhe chá'a ko'o m'a, hektámenták aqsa chá'a; almaxnéssesagkok eyke chá'a ko'o.

Isaías 12:2

Dios apteme chá'a sewagkasso teyp; may'ásseykmok nahan, magwayék nahan. Wesse' egegkok apteme sekyexanmo tén han segkésso sekyennaqte, cha'a apteme sewagkasso teyp ma'a.”

Salmos 65:2

hakte yeyxhok chá'a exchep kélmaxnagko! Apyókxoho énxet sa' elyo'ótak xép.

Génesis 49:18

“¡Xép, Wesse' ahagkok, élhaxneyk ko'o hewagkasek teyp!

Salmos 38:15

Wesse', Dios ahagkok, élhaxanmeyk eyke ko'o exchep heyátegmakkasagkok.

Isaías 8:17

Massegkek eykhe apkelányo Dios ma'a Jacob énxet'ák apagkok, aleyxek sa' eyke aqsa ko'o. Hakte seyásenneykekxa ko'o ektemék ma'a.

Salmos 50:15

Hélwónmakha chá'a ko'o ekwa'a enxoho ekyentaxno kélheykha; ko'o sa' almallahanchesek, tén sa' kéxegke hélpeykeshok chá'a.”

Isaías 17:7

Elenmexekxohok sa' aphakxa ektáha nak apkelane énxet'ák xa ekhem nak, cham'a Dios Appagkanamap nak ma'a Israel.

Daniel 3:17

Apwanchek negko'o hẽlwagkasek teyp neyseksa eyáléweykha táxa axagkok ma'a Dios egagkok, nélpeykessamo nak, tén han ekyókxoho ekmaso apmakókxa enxoho henteméssesek xép wesse', hẽlwagkasek sa' teyp.

Oseas 12:6

Israel, ey'ókxa makham Dios apagkok; elána m'a aqsok ekpéwomo nak, tén han magyenyaweykha, ná ey'ássem chá'a Dios apagkok.

Joel 1:19

¡Ekwóneyha ko'o exchep, Wesse', hakte kelwatneyk táxa pa'at ma'a yókxexma meykexa nak énxet, tén han yenta'a m'a yókxexma!

Habacuc 2:1

Aleyxmakha sa' ko'o, ataqmelcheshok sa' séláneykha, aptémól'a énxet apkelhaxneykha etnamha m'a apkenmeykegkaxa nak chá'a, yaqwayam sa' ay'asagkoho', háxko sa' kexaha etnehek heyának Wesse' egegkok heyátegmowagkok ma'a ektémakxa nak megkaleklo ewáxok.

Números 5:28

Méko sa' agkok ektemegweykmohóxma m'a kelán'a, méko sa' katnehek ektáhakxa, awanchek sa' nahan kótak étchek.

Salmos 85:5

¿Megkamassegwomeya sa' sẽltaqnawéyak negko'o? ¿Megkatnégwomeya sa' néxa aplo?

Lamentaciones 3:24

Keñe axta ektéma ewáxok se'e: ¡Wesse' egegkok apteme ekyókxoho aqsok ahagkok; cháxa keñamak may'ásseykmo nak!

Habacuc 2:3

Makke kawokmok makham yaqwánxa katnehek xa aqsok kélxekmóssamo nak, katnehek sa' eyke. Eleyxek sa' eyke aqsa exchep, kánéxchek sa' eykhe yehémek katnehek, kammok sa' eyke yaqwánxa katnehek.