Biblia Todo Logo
Bib sou entènèt

- Piblisite -




Miqueas 6:10 - Biblia Enxet

10 Heykegkek aqsok ekxámokma élmenyexamaxche m'a apxanák nak énxet'ák élmasagcha'a apkeltémakxa, tén han ma'a kelyetsáteyak segmenyexmo, sektaqnagkamo nak chá'a ko'o.

Gade chapit la Kopi




Miqueas 6:10
21 Referans Kwoze  

Aptáhak Wesse' egegkok se'e: “Melya'ásegkok ektémakxa nak nenlane ekpéwomo nentémakxa m'a; apxatmeykegkek tegma apkelyawe apagkok ma'a aqsok apkelmenyexéyak nak chá'a eñama apkelyennaqteyáseykha, apyempe'ék.”


Ánet aqsok aptaqnagkamakxa nak ma'a Wesse' egegkok, cham'a kelyetsáteyak megkaxnémo nak chá'a ekwánxa ektegkesso, tén han ma'a kelyetsáteyak ekmenyexmo nak.


Nenxámasso aqsok egagkok eñama nentamheykha negmowána amya'a, yahamok kamassegwók ektémól'a kamassegwók ekpánma exma, nétsapmakxa nahan hegyentamok xa aqsok nak.


Etaqnawhok Wesse' egegkok ma'a negmeykha nak kelyetsátéyak ekmenyexmo; mopmenyeyk ma'a kelyetsáteyak ekmenyexmo nak.


Etaqnawhok Wesse' egegkok ma'a kelyetsáteyak ekmenyexmo nak, kalkohok eyke apwáxok ma'a kelyetsáteyak megkamenyexma nak.


Mehempasmehek ma'a aqsok élmenyexamaxche ekxámokma nak, kaxnók ma'a ektaqmalma nak nentémakxa', hegwagkasek teyp ma'a nétsapmakxa nak.


Xama aphawóxama axta m'a énxet'ák nak Judá apwesey axta Acán, Carmí apketche, Zabdí aptáwen, aptáha nak han pók aptáwen ma'a Zérah, apkelmeyk axta nekha aqsok ektáha axta kélpagkanchesso yaqwayam kólmasséssók. Axta keñamak élpehewákxo apkelsexnánémap nápaqtók Wesse' egegkok ma'a apyókxoho énxet'ák nak Israel, eñama apkelma aqsok apkeltémo axta eykhe kólmasséssók. Axta keñamak aplawa Wesse' egegkok apkeltaqnaweygko m'a énxet'ák nak.


Allegássesagkohok sa' nahan apkelnextega nak chá'a néten elántépok átog xa ekhem nak, tén han apsawheyáseykekxoho nak chá'a kelwesse'e apagkok apxanák ma'a negyennaqteyáseykha nak egyempehek tén han nélyexancháseykha egmók.”


Apkelwóneyha Wesse' egegkok ma'a apheykha nak tegma apwányam, tásek han ageyxhok yetlo negáyo: “Kóleyxho, énxet'ák, tén han kélpaqhetcháseykha nak chá'a kélnámakkok ma'a tegma apwányam:


Kóllegés sa' kéxegke apheykha nak tegma apkelyawe kelwesse'e apxanák Asdod, tén han tegma apkelyawe kelwesse'e apxanák nak Egipto s'e amya'a nak. Sa' kóltéhek se'e: “Kólmeyenta sa' egkex'a nak Samaria; kóllano sa' magya'áseyak nak nentáhakxa ekyetno m'a kañe' nak, tén han nennaqtawáseykegkoho egnámakkok ekyetnama nak ma'a.”


Ektáhak axta sélmaxneyeyncha'a s'e: “¿Yaqsa aqsok xa?” Aptáhak axta seyátegmowágkokxo s'e: “Kelyetsáteyak xa. Kélyetsáteyak nak chá'a apkeltémakxa melya'assáxma m'a énxet'ák apheykha nak se'e apchókxa nak.”


Swiv nou:

Piblisite


Piblisite