Miqueas 5:9 - Biblia Enxet

⁹ Wesse', sa' etnehek xép ektamagkok xa, tén han emasséssók apyókxoho m'a apkelenmexma nak.

Miqueas 5:9 Referans Kwoze

Isaías 26:11

Wesse', appenchessek xép aptáhakxa yaqwayam ellegássesagkoho', makke elya'ásegkok ma'a; apkelwet'ak sa' agkok ektémakxa ekyawe apkelásekhayo exchep ma'a énxet'ák apagkok, elmegqeyk sa'. ¡Kamassessamho annal'a aplo xa énxet'ák nak!

Salmos 21:8

Elmok sa' chá'a exchep yetlo apmopwána m'a apyókxoho apkelenmexma nak; elmok sa' ma'a aptaqnagko nak chá'a exchep;

Isaías 11:14

Épetchekxak sa' pók ektamagkok ma'a énxet'ák filisteos, ekpayho nak taxnegwánxa ekhem, neptámen sa' yeñék yáhapwók; épetchekxak sa' pók elyementamagkok aqsok apagkok ekxámokma m'a énxet'ák apheykha nak teyapmakxa ekhem. Kawomhok sa' nahan apteme apagkok ma'a yókxexma Edom tén han ma'a Moab, apkeláneykha sa' etnahagkok ma'a amonitas.

Salmos 10:12

¡Wesse', yempekxa néten, ellegássesagkoho! ¡Nágkalwánaqma m'a énxet'ák kélyentaxnéssesso nak apheykha!

Isaías 37:36

Apxegkek axta m'a Wesse' egegkok apchásenneykha, apkelnáhapwokmek axta nahan ciento ochenta y cinco mil énxet ma'a apkelpakxeneykegkaxa axta m'a asirios; keñe axta mók ekhem, kelsakak axta, hágkek axta aphopák apyókxoho m'a.

Isaías 33:10

Aptáhak Wesse' egegkok se'e: “Alának sa' ko'o kaxwók aqsok; axekmósek sa' kaxwók ekyókxoho sekteme sekwányam ahagko' tén han sekteme seyeymáxkoho.

Isaías 1:25

Añássesagkohok sa' ko'o makham wanmexek xép, alwatnések sa' ekyókxoho aqsok apák apagkok; amópessásekxak sa' ekyókxoho ekmanyása apyempehek.

Salmos 106:26

Tén axta apya'asa néten apmek, apxéna naqso' yának eletsapwók ma'a yókxexma meykexa nak énxet,

Hageo 2:22

amasséssók sa' ko'o aptamhéyak chá'a apkelwesse'e apkelwányam keso náxop, néxa sa' atnéssesek aptamhéyak apkelwesse'e; alpeynchók sa' ma'a yátnáxeg apkelyenyawasso kélanchesso nak kempakhakma, yetlo m'a ektáha nak chá'a apkelchánte, eletsapok sa' yátnáxeg, tén han ma'a apheykha nak chá'a apkap'ák; yetsapok sa' chá'a xama apkelyetxeykekxa pók sawo.

Zacarías 9:10

Sa' emasséssessók yátnáxeg apkelyenyawasso apagkok nak ma'a Efraín, tén han yátnáxeg nak ma'a Jerusalén, tén han ma'a yágke kélmeykha nak chá'a kempakhakma. Eltennasagkok sa' yaqwayam katnehek meyke ektáhakxa apheykha m'a apyókxoho pók aptémakxa nak énxet'ák, kawomhok sa' apteme aptaqmelchesso m'a ekyókxoho wátsam ekwányam, eyeynamo m'a Éufrates ekweykmoho m'a néxa xapop nak keso náxop.