Biblia Todo Logo
Bib sou entènèt

- Piblisite -




Miqueas 5:13 - Biblia Enxet

13 amasséssessók sa' ma'a aqsok apcháyókxa nak, tén han ma'a meteymog apkelpeykessamo nak chá'a, yaqwayam sa' melpeykesók chá'a kaxwo' ma'a aqsok apcháyókxa ektáha nak chá'a apkelane apagko'.

Gade chapit la Kopi




Miqueas 5:13
17 Referans Kwoze  

Kalxénwók sa' ko'o apkelwáxok neyseksa apheykha nepyeseksa pók aptémakxa énxet'ák ma'a meletsapma nak, kalxénwakxohok sa' apkelwáxok ektáhakxa séllegassáseykegkoho eñama seyenseyam sétleykha, tén han eñama seyamasma, yaqwayam elpeykeshok ma'a aqsok kéleykmássesso. Megkalchek sa' apkelwáxok elanok apkeltémakxa eñama m'a ekyókxoho aqsok ekmaso apkelánéyak, tén han eñama m'a ekyókxoho apkeltémakxa ekmaso agko' nak.


Ayaqpássesagkok sa' ma'a yegmen ektaqmalma agko' nak, almópessásekxak sa' ma'a ekyókxoho élmanyása kélyempe'ék, almópessásekxak sa' ma'a élyepetche nak ekmanyása m'a aqsok kéleykmássesso kélagkok;


Amasséssamhok ahagko' sa' ko'o élwesey aqsok kéláyókxa ekyókxoho s'e apchókxa nak, yaqwayam sa' megkóllenxanmagkók chá'a kélwóneykha. Amasséssók sa' nahan apchókxa m'a Dios appeywa apkellegasso apkelmopwancha'a amya'a nak tén han ma'a espíritu élmanyása nak. Ekxénchek ko'o xa, sektáha nak Wesse'.


Keñe sa' etnehek Efraín se'e: ‘¡Mómenyeyk ko'o kaxwók ma'a kéleykmássesso!’ ¡Ko'o séláneykha m'a énxet'ák ahagkok tén han séltaqmelchesso! Ko'o sekyetchesamaxkoho m'a yámet pino megkamassegwayam la'a éltaqmalma áwa', ko'o sa' nahan kañék ektaqmalma apheykha énxet'ák ahagkok.”


Mopwanchek negko'o hẽlwagkasek teyp ma'a Asiria, mogwanchek nahan ólxeganmok ólchántek yátnáxeg. Kamaskok sa' kaxwók óltéhek negko'o ‘Dios egagkok’ ma'a aqsok nenlánéyak egagko' nak, hakte xép apwánxa apagkok kóteyágwók ekmayósa kóllanok ma'a élyeheykha nak, xép Wesse'.”


Kamaskok sa' nahan enaqtawasakpok elpeykeshok ma'a aqsok kéleykmássesso élmasagcha'a agko' nak tén han apkelánéyak chá'a ekyókxoho m'a mók ektémakxa nak chá'a melya'assáxma. Alwagkasek sa' ko'o teyp neyseksa m'a ekyókxoho apkeltémakxa ekmaso, aláxñassásekxak sa' ma'a melya'assáxma. Énxet'ák ahagkok sa' ko'o atnehek ma'a, keñe sa' ma'a etnahagkok ko'o Dios apagkok.


¡Sawheykekxók eyke nahan aqsok kéleykmássesso m'a apchókxa! Apkelpeykessamók énxet'ák ma'a aqsok apcháyókxa apkelánéyák apagko' nak, eñama nak apmék apkelánéyák.


Keñe m'a cinco apkelányo axta yókxexma, apkelántaxno axta apmonye'e m'a tegma, apmeyk axta m'a kéleykmássesso kélyepetchesso nak émpehek sawo ekmope ekmomnáwa, tén han efod, tén han ma'a aqsok kéláyókxa nak, keñe axta apkelmaxnéssesso énxet'ák apkenmeyncha'a m'a átog yetlo seiscientos sẽlpextétamo.


Emasséssók sa' ekyókxoho m'a aqsok kéleykmássesso.


Ánet apwáxok ma'a Israel, kóllegássesagkohok sa' kaxwók eñama mey'assáxma. Emasséssók sa' Wesse' egegkok ma'a apkelwatnamakxa nak chá'a aqsok, elyaqnegkessesagkok sa' ma'a meteymog élpagkanamaxche apagkok.


Wesse' apwányam Nínive, aptáhak xép apxéna Wesse' egegkok se'e: “Mexek sa' aptawán'ák neptámen, yaqwayam enxoho katepagkok apwesey; amasséssessók sa' ma'a axanák nak aqsok apcháyókxa, cham'a kéleykmássesso nak, tén han ma'a kéleykmássesso kélheyáseykegkoho nak chá'a aqsok, sa' wátawanyek xép ma'a, hakte asagkók agko' xép aptémakxa.”


“Allegássesagkohok sa' ko'o m'a énxet'ák Judá tén han ma'a apyókxoho apheykha nak Jerusalén. Amasséssók sa' ekyókxoho ekheykegkokxa nak natámen Baal se'e yókxexma nak, cham'a aqsok kéláyókxa ekmowána amya'a nak, ekweykekxoho apkelwesey m'a apkelmaxnéssesso nak chá'a énxet'ák agkok.


Meyaqmagkásekxeyk sa' eyke aptémakxa mey'assáxma m'a Jacob, emasséssesek sa' aqsok megyaqhémo aptemessásekxo enxoho ánek ma'a meteymog apwatnéssamakxa nak chá'a aqsok ma'a kéleykmássesso, apteméssesa enxoho m'a ektémól'a kóltepelchekxak ma'a meteymog lamhatánek, tén han megkeyméxko enxoho xama m'a yámet kéláncháséyak élpagkanamaxche nak tén han ma'a meteymog kélwatnamakxa nak chá'a aqsok ekmátsa nak ekpaqneyam éten agkok, kélmésso m'a aqsok kéláyókxa.


Elwatnések sa' ma'a axagkok nak, exének sa' yaqwánxa kólteméssesek xeye' naqta'awók ekxámokma agko' ma'a kelán'ák. Amasséssessók sa' ma'a ektémakxa nak élane ektémakxa ekmaso megkamasexta, kamaskok sa' kaxwók kayánmagkasek ma'a ektáha nak chá'a élpathetéyak.


Swiv nou:

Piblisite


Piblisite