Miqueas 3:7 - Biblia Enxet

⁷ Elmegqáwhok apagko' sa' xa apkelwetayo nak chá'a aqsok ekpowásamáxkoho, melya'asagkek sa' aptamhágkaxa m'a apkelxeyenma nak chá'a yaqwánxa katnehek egmonye'. Elwanmeyagkok sa' aqsa xa apyókxoho nak, eñama megyátegmoweykegkokxa m'a Dios.

Miqueas 3:7 Referans Kwoze

Zacarías 13:4

“Elmegqeyk sa' Dios appeywa apkellegasso apkelxéna enxoho ektémakxa aqsok apkelwete xa ekhem nak. Mopwanchek sa' eyke elyexanchesha xama énxet enxoho elántaxnekxak ma'a aqsok émpehek apkelaqlamap nak chá'a m'a Dios appeywa apkellegasso,

Isaías 44:25

Magwohok ko'o katyapok aqsok apkelxeyenma m'a apkellegasso nak chá'a amya'a apkelmopwancha'a amya'a; malya'ássesagkek chá'a ko'o aqsok ma'a apkelya'áseykegkoho nak chá'a aqsok ekpowasamáxche'. Wánhok nahan chá'a ko'o kólátegmowagkokxak ma'a ekha nak chá'a apkelmopwancha'a, mékoho agko' nahan atnéssesek chá'a m'a ektémakxa nak apkelya'áseyak aqsok.

Amós 8:11

Xegakmek ekhem yaqwánxa sa' ko'o wáphaksek meyk segaqhe xapop kélagkok —axta aptáhak Wesse' egegkok—; háwe eyke m'a meyk segaqhe negmáyhél'a nento, tén han segaqhél'a ekhem, eyke m'a negmámenyéhol'a ageyxhok ma'a Wesse' egegkok appeywa.

Ezequiel 24:17

Kaxñaha sa' aqsa apnények kañók agko', nágkalapwom aqsa kélteméssessamól'a m'a apkeletsapma nak. Ná eweynchamha aqsa meyke apketchesso apqátek tén han meyke apkelatchesso apmagkok; nágyaqlasha nahan nápat yaqwayam enxoho keykpelchexkohok ma'a élapwayam, ná etow nahan ma'a kelpasmaga aptámakpohol'a chá'a katnehek xa ektáha nak.”

1 Samuel 28:6

Yetlókok axta han apkelmaxneyeykha Wesse' egegkok, axta eyke yátegmowágkok, axta han ét'ak ma'a apwanmagko enxoho, axta han kaxekmowásak ma'a Urim, axta han eltennásak ma'a apkellegasso nak Dios appeywa.

Levítico 13:45

“Énxet ekteme enxoho negmasse ektepelchamaxche apyempehek, kéméxcheyk elmaha apkelnaqta apkelyeptamap, meyke apchaqlasso apqátek, nekha nápat sa' han yaqlaksek etnehek énnaqtések appeywa s'e: ‘¡Ekmanyása émpehek ko'o! ¡Ekmanyása émpehek ko'o!’

Miqueas 7:16

¡Elwetak sa' nahan ma'a pók aptémakxa énxet'ák nak, keñe sa' elmegqáwhok apagko', neyseksa eykhe ekha apkelyennaqte! ¡Meyke apkelpeywa sa' etnahagkok, tén han meyke apkelpeyk'ák!

Ezequiel 24:22

Etne sa' nahan elának se'e: Kóltéhek sa' kéxegkáxa ekhawo sektáhakxa nak ko'o: megkólwanchek sa' kólaqlasagkok kélnát yaqwayam enxoho keykpelchexkohok ekyetna éllapwáméyak, megkóltawagkek sa' nahan ma'a kelpasmaga aptámákpoho nak chá'a katnehek xa ektáha nak.

Salmos 74:9

Massék kaxwók nélwet'a m'a aqsok élpagkanamaxche' nélmeykegkaxa nak chá'a ólpeykesho'; méko kaxwók xama enxoho m'a aplegasso nak appeywa, magya'ásegkok han yaqwánxa katnégwók néxa xa.

1 Samuel 28:15

Keñe axta Samuel aptáha apcháneya s'e: —¿Yaqsa ektáha sélya'asa nak exma seyáneyancha'a amyenták se'e? Aptáhak axta Saúl apchátegmowágko: —Awanhók agko' ko'o ekyentaxno ewáxok, ektamokmek ma'a filisteos, eyenyókek han ma'a Dios. Massegkek seyátegmowéyak, massegkek han apkelásenneykekxa héltennaksek ma'a apkellegasso nak appeywa, mehexekmóssók han ma'a sekwanmagko. Cháxa keñamak seyáneyáncha'a nak xép, yaqwayam hexekmósek eyeyméxchexa alána'.

1 Samuel 14:37

Keñe axta Saúl apkelmaxneya Dios. Axta aptáhak apcháneya s'e: —¿Ewancheya ko'o amenxenek filisteos? ¿Egkéseya sa' yaqwayam elmok ma'a israelitas? Axta eyke yátegmowágkok Wesse' egegkok xa ekhem nak.

1 Samuel 9:9

(Apmenyeyk axta agkok chá'a elpaqhetchesakpohok Dios xama israelita ma'a nanók axta, axta etnehek chá'a s'e: “Agyo'ókxak ekha apmopwána”; cham'a kéltéma nak kaxwók “Dios appeywa aplegasso”, kéltéma axta nanók “ekha apmopwána”.)

Éxodo 9:11

Keñe m'a énxet'ák apmopwancha'a axta nahan chá'a etekkesek aqsok, mopwancha'ak axta apmako elanagkok nápaqtók ma'a Moisés, hakte hawók axta nahan ektáhakxa m'a apyókxoho nak egipcios, tamhágkek axta nahan tasqapma.

Miqueas 3:4

Xama ekhem sa' kéxegke kólwónmakha Wesse' egegkok, megyátegmowagkehek sa' eyke. Exyánegkesek sa' kéxegke xa ekhem nak, eñama kélláneyak aqsok ekmaso.

Jeremías 18:18

Aptáhak axta apkelpaqmeta énxet'ák se'e: “Anlánekxak sa' nentáhakxa yaqwayam agmasséssók Jeremías. Megkatnehek eyke chá'a meyke apkelmaxnéssesso Dios énxet'ák apagkok yaqwayam hẽlxekmóssek, apxámok nahan ma'a apkelya'áseyak nak aqsok, yaqwayam hempékessesagkok, tén han Dios appeywa apkellegasso yaqwayam chá'a hẽltennaksek Dios appeywa. Ansexnenak sa', yaqwayam sa' emátog. Mageyxók sa' chá'a m'a aptáhakxa enxoho chá'a sẽláneya.”