Miqueas 1:8 - Biblia Enxet

⁸ Cháxa keñamak peya nak ko'o awónek yetlo ekyawe agko' sélapwayam; cháxa keñamak peya nak aweynchamha meyke sélatchesso emagkok tén han meyke sektaxno, awónchesha sa' ektémól'a semheg nawhak, kaxñaha sa' egkenyek aptémól'a xápen epáwha.

Miqueas 1:8 Referans Kwoze

Isaías 22:4

Cháxa keñamak sektáha nak sekpeywa s'e: Hélyenyow exakko', peyk ko'o alekxagwaha; nágkóllenxánem aqsa hélpeykessásekxak ewáxok eñama ekmaso ektáhakxa m'a énxet'ák ahagkok.

Jeremías 9:19

Wokmók Sión eklegamaxche nélápentegeykha néllegeykegkoho ekmáske: ¡Negko'ol'aye nennaqtawásexche'! ¡néllegagkók nélmegqakto! Agyenyók sa' negókxa, hakte kélpalchessek ma'a enxanák.

Jeremías 9:10

“Kóllekxagwaha, kólápentegmakha kóllanok ektáhakxa m'a meteymog élekhahéyak nak, kallapwomák kóllanok ektáhakxa m'a émhakxa nak pa'at ektaqmela, hakte metchek ma'a, méko kaxwók ekyeykhágwokmo m'a; massék eklegáxko élpáweykha aqsok kélnaqtósso m'a, wokmók náta élchampe ényahágko, tén han ma'a aqsok nawha'ák éllo.

Jeremías 9:1

¡Katnoho annal'a ahaqta'ák ma'a ektémól'a ekteyapmakxa yegmen, keñe ahaqta'ák égmen'ák ma'a ektémól'a yegmen ényé, yaqwayam enxoho awónek chá'a yókxoho ekhem tén han axta'a, eñama aptekyawa m'a énxet'ák ahagkok!

Jeremías 4:19

¡Éttelegwáseyha ko'o seklegeykegkoho ekmáske! ¡Tayha egkenyek ekyennaqte agko'! ¡Pekhekak ewáxok, mowanchek sekmako awanmak aqsa! Ekleg'ak ko'o kélpáwasso xama kélaqkahasso, tén han kélwónchesso kempakhakma.

Isaías 21:3

Élpexyennegkessek ko'o sekwet'a, éttelegwáseyha ekmáske, máxa ektáhak ma'a ektémól'a kelán'a káskok awáxok kamáwhok katnehek naqláwa, meheñásak ektemegweykmohóxma m'a seklegeykegkoho ekyentaxnamo ewáxok, mehéteyásak aqsok ma'a sekyegwakto.

Isaías 16:9

Cháxa keñamak sélekxagweyncha'a nak ko'o sélano m'a anmen yámet kélcheneykekxa nak Sibmá, tén han ma'a Jazer, pallénteyk ahaqtek égmenek sélano m'a Hesbón tén han ma'a Elalé, hakte legáxcheyk kélpáxameykha ekyennaqte kempakhakma m'a neyseksa nak aqsok ekyexna apkeneykekxa m'a énxet'ák tén han ma'a aqsok ekyexna eknakxamáxche nak.

Isaías 13:21

Yágqames sa' kallawha m'a, esawhekxohok sa' nahan apkelyáqto sawe apkelyawe m'a kañe' tegma, xápen sa' nahan ellawha m'a, elnextegmakha sa' nahan néten yát'ay apketkók ma'a.

Salmos 102:6

Máxa sawe ektemék apyáqtol'a yókxexma meykexa énxet, máxa leklek ektemék apyáqtol'a nepyeseksa tegma aphopák appalleyam.

Job 30:29

Máxa sélxegexma'a ektemék ma'a semheg nawha'ák, tén han xápen.

1 Samuel 19:24

apkelhaxyawássek axta han apkelnaqta, apnextegáha axta han néten meyke apáwa nápaqtók Samuel xa ekhem nak, ekweykekxoho axta'a. Cháxa ekteyapmakxa axta han amya'a ektéma nak se'e: “¿Saúl enxeykel'a han Dios appeywa aplegasso?”

Isaías 13:22

Kalwónmakha sa' semheg nawha'ák éllo m'a kañe' tegma apkelyennaqte nak, keñe sa' ma'a kañe' tegma apkelyawe apkeltaqmalma apagko' nak kallawha m'a aqsok nawha'ák éllo. Chágketwokmek ekhem agkok ma'a Babilonia; megkólwenaqtéssesagkek sa' nahan.”

Isaías 32:11

Kéxegke, kélweynchámeykha nak meyke élyetnakhayo kélwáxok, kólyegwe'; kéxegke, ektaqmalma nak kélheykha kólpexyennem, kólhaxyawasák xa kélántaxno nak, kólántaxnekxa m'a apáwa sẽlwáxaqxamól'a magkenatchesso éllapwámeygko.

Ezequiel 32:18

“Xép, aptáha nak énxet, enneykmásses sa' xama negmeneykmasso senlapwayam ma'a énxet'ák apxámokma nak Egipto tén han ma'a apkelámha apmonye'e apagkok nak. Etnehek sa' apkelxegexma'a m'a kelán'ák éleñama nak ekyókxoho apheykegkaxa. Sa' etnehek se'e: “Apkelántaxneyk énxet'ák ekha nak apkelyennaqte keso kóneg xapop nak nélwanmégkaxa, yetlo m'a nanók aphagwayam axta m'a kañe' takhaxpop.

Miqueas 2:4

Kólmeneykmássesek sa' kéxegke kélmeneykmasso sẽnlapwayam ma'a ekhem sa'. Keñe sa' kóltéhek se'e: ‘Ẽlmasséssekmók egagko' negko'o; kélyaqmagkassek pók apagkok ma'a negókxa, ektáha axta apagkok ma'a Wesse' egegkok, meyke kélnókáseykha xama enxoho; kélexpánchessek xapop egagkok nepyeseksa m'a énxet'ák aptáha nak sẽlma.’”

2 Reyes 18:13

Apketámeykegkek axta wesse' apwányam Senaquerib wesse' apwányam axta m'a Asiria apyókxoho tegma apkelyawe apkelyennaqte axta m'a Judá, cham'a ekweykmo axta catorce apyeyam apteme wesse' apwányam ma'a Ezequías. Apkelmomchek axta nahan.

Ester 4:1

Xama axta apleg'a Mardoqueo ekyókxoho m'a ektáhakxa axta, apkelyepteyk axta apkelnaqta magkenatchesso aplegágkoho ekyentaxno apwáxok, apkelántaxneykxeyk axta m'a apáwa sẽlwáxaqxamól'a, apkexpaqha'ak axta apqátek táhap tén axta apweynchámeyncha'a m'a tegma apwányam, axta yeyságkohok apkelekxagweyncha'a.