Miqueas 1:5 - Biblia Enxet

⁵ Katnehek sa' ekyókxoho xa eñama apkenmexeykekxa Dios ma'a Jacob énxet'ák apagkok, eñama melya'assáxma m'a énxet'ák apheykha nak Israel. ¿Yaqsa énmexcháseykekxa Dios ma'a Jacob énxet'ák apagkok? ¡Énxet'ák Samaria! ¿Háxko apkelpeykessamókxa kéleykmássesso m'a énxet'ák Judá? ¡Jerusalén!

Miqueas 1:5 Referans Kwoze

Amós 8:14

Elyaqnenagkok sa' meyke apkelchampeykekxa néten ma'a apteméssesso nak chá'a naqsók apkelmésso apkelpeywa m'a aqsok kéláyókxa nak Samaria, apteme nak chá'a apkelpeywa s'e: ‘Negásenneykekxeyk chá'a negko'o m'a aqsok apcháyókxa nak ma'a Dan’, Negásenneykekxeyk chá'a negko'o m'a aqsok kéláyókxa nak ma'a Beerseba.”

Jeremías 2:19

Kéltémakxa ekmaso kélagko' sa' kéxegke kallegassásegkokxa', kélyamasma kélyetleykha Dios sa' kalsexnena'. Kalchetam sa' kélwáxok keñe sa' kólya'ásegwók asagkek ko'o hélyenyók, tén han askehe', tén han mehélakawo enxoho, ko'o sektáha nak Dios Wesse' kélagkok. Ko'o sekxeyenma xa, sektáha nak Wesse' ekha sekyennaqte.

Lamentaciones 5:16

Teyekmek kaxwók ma'a eyaqheykencha'a axta egwáxok; ¡negko'o la'aye, nenláneykegko nak mólya'assáxma!

Jeremías 6:19

Énxet'ák kélheykha nak keso náxop, kóleyxho: Wáphássesek sa' ko'o aqsok ekmaso s'e énxet'ák nak, ekyaqmageykekxa élxéneykha chá'a apkelwáxok elanagkok aqsok ekmaso; hakte melyaheykekxak ma'a sekpeywa nak, aptaqnagkamchek aqsa m'a segánamakxa ahagkok nak.

Jeremías 4:18

“Aptémakxa tén han aqsok ekmaso apkelane keñamak ektáha exchep xa; aptémakxa ekmaso meyásak xa ekmáske nak, tén han eklegassásegkoho apwáxok.”

Jeremías 2:17

Temegkek kéxegke xa ektáha nak eñama sélyamasma ko'o, sektáha nak Dios Wesse' kélagkok, sekpékessáseyak nak chá'a ámay kélagkok.

1 Reyes 13:32

hakte naqsók agko' sa' katnehek ma'a aptáhakxa axta apxeyenma, apkeltémo axta etnehek Wesse' egegkok, apxeyenma m'a ekwatnamáxchexa aqsok Betel, tén han ma'a ekyókxoho kélpeykessamókxa nak chá'a aqsok kéláyókxa, cham'a egkexe ekheykegko nak ma'a tegma apkelyawe Samaria.

Amós 6:1

¡Énxet'ák laye, apheykha nak meyke élyetnakhayo apkelwáxok ma'a Sión! ¡Énxet'ák laye, apheykha nak chá'a meyke apkelakakxa m'a Samaria, apkelámha apmonye'e nak chá'a apkelókxa ekyawe kéláyo, apkelye'eykekxoho nak chá'a m'a israelitas!

Oseas 7:1

peyk agkok chá'a ko'o altaqmelchessók énxet'ák ahagkok nak Efraín, tén han ma'a Samaria, ótak chá'a melya'assáxma, tén han ma'a apkeltémakxa ekmaso nak. Hakte apyókxoho aptamheykegkok apkelmopwancha'a amya'a; máxa apkelmenyexma aptamheykegkok apkelántaxnama chá'a m'a tegma, tén han apkelyementamoma chá'a aqsok apagkok énxet'ák ma'a ámay.

Jeremías 5:25

Megkólya'assáxma eyke keñamak kéxegke ekyaqmagkassama mók ektémakxa aqsok, tén han megkatassama m'a aqsok éltaqmalma.

2 Crónicas 34:3

Apkeynamók axta apketamso Josías ma'a Dios apagkok axta m'a apyapmeyk nano' David, apketkok apagko' axta eykhe makham, cham'a ekweykmo axta ocho apyeyam apteme wesse' apwányam. Keñe ekwokmo doce apyeyam apteme wesse' apwányam apkeynawo apcháxñáseykekxa m'a tegma apwányam Judá tén han Jerusalén ma'a kélpeykessamókxa axta chá'a aqsok kéláyókxa, cham'a kéleykmássesso nak Aserá, tén han ma'a mók kéleykmássesso, tén han ma'a sawo égmenek nak kélpeykáseykekxa kéleykmassáseykha kéláncháseyak,

2 Crónicas 34:4

kélmasséssekmek axta han nápaqtók ma'a kélwatnéssamakxa axta chá'a aqsok ma'a Baal. Apkeltamhók axta kóltemessásekxak nekha'a étkók Josías ma'a kélwatnamakxa nak chá'a aqsok ekmátsa nak ekpaqneyam éten agkok ekheykegko axta m'a néten nak. Apkeltamhók axta kólekkexekxak ma'a kéleykmássesso nak Aserá, tén han ma'a mók kéleykmássesso nak, tén han ma'a kélpeykáseykekxa nak sawo égmenek kéleykmassáseykha kéláncháseyak; ánek axta aptemessáseykxa', tén axta apkexpaqheyncha'a m'a takhaxpop apagkok axta m'a énxet'ák apkelnáhakkassamo axta chá'a aqsok apnaqtósso elmések.

Amós 7:9

Kólmasséssók sa' ma'a apkelpeykessamókxa nak chá'a aqsok apcháyókxa m'a Isaac, keñe sa' ma'a tegma apkelpagkanamap apagkok nak énxet'ák Israel, nápakha'a apketkok sa' etnekxa'. ¡Aktamagkok sa' ko'o yetlo sókwenaqte sekmeykha m'a Jeroboam apnámakkok nak!

Miqueas 1:13

Kéxegke, kélheykha nak Laquis, kélenmexeykekxa axta Wesse' egegkok, ektéma nak ma'a énxet'ák Israel, kélsexnenagkama axta apkeláneykegko melya'assáxma m'a apheykha nak Sión, kólnaqtehetchásekxa yátnáxeg ma'a apkelyenyawasso nak.

1 Reyes 11:7

Tén axta apkelana Salomón xama kélpeykessamókxa kéleykmássesso m'a egkexe ekyetnama nak ekpayho ekteyapmakxa ekhem ma'a Jerusalén, kélpeykessamókxa m'a Quemós, kéleykmássesso ekmaso agko' axta m'a Moab, tén han Moloc, kéleykmássesso ekmaso agko' apagkok axta m'a amonitas.

1 Reyes 16:24

Apmeykekxeyk axta han ma'a egkexe nak Samaria apagkok axta m'a Sémer, sesenta y seis kilos axta han ekyánmaga m'a sawo ekmope ekmomnáwa, apkeláneyak axta han tegma apwányam ekyennaqte kélhaxtegkesso nepyáwa', apteméssessama axta apwesey Samaria, hakte Sémer axta apwesey apagkok apmonye' m'a egkexe nak.

Jeremías 23:13

“Ekweteyak axta ko'o apkeláneykegko aqsok sektaqnagkamo nak ko'o m'a apkellegasso axta sekpeywa apheykha axta m'a Samaria: apkelxeyenmeyk axta chá'a m'a amya'a ekxeyenma nak ekwesey Baal, apkelyetnakhásseykmek axta m'a énxet'ák ahagkok Israel.

Jeremías 23:14

Ekweteyak axta ko'o apkeláneykegko aqsok ekmaso agko' ma'a apkellegasso axta sekpeywa apheykha axta m'a Jerusalén: apnaqtawáseykegkók axta apnaqteyegka'a apkeláneykegko chá'a mók, apkelyexancháseykha axta nahan chá'a apnámakkok, elyáteyagkohok axta chá'a megyánhek elwátesagkok apkeltémakxa ekmaso m'a élmasagcha'a nak apkeltémakxa. Ekhéssamok ko'o Sodoma tén han Gomorra xa énxet'ák nak, tén han ma'a apheykha nak tegma apwányam.

Ezequiel 16:46

Nexcheyha eyke eghak ma'a Samaria, yáxa' katnaha étkok nak yetlo m'a étchek; keñe nepyeyam ma'a yáxeg sexyo nak, cham'a Sodoma yetlo nahan ma'a étchek.