Miqueas 1:3 - Biblia Enxet

³ Etyapok sa' Wesse' egegkok ma'a aphamakxa nak, exegmak sa' elteyammegmak ma'a naw'ék egkexe nak.

Miqueas 1:3 Referans Kwoze

Amós 4:13

Wesse' egegkok, apkelane nak meteymog élwenaqte tén han éxchahayam, apya'assásegwayam nak aqsok apmáheyo elának énxet, aptemessáseykekxoho nak han élseyéxma m'a ekyaqtéssóxma, apweychámeykencha'awól'a m'a yókxexma ektáhakxa nak netnók agko' xapop keso náxop, Wesse' egegkok, Dios ekha apyennaqte: cháxa apwesey xa.

Isaías 26:21

Hakte etyapok sa' Wesse' egegkok ma'a aphamakxa nak chá'a yaqwayam ellegássesagkohok apkeltémakxa melya'assáxma m'a énxet'ák apheykha nak keso náxop, kamaskok sa' kakpósek kaxwók énxet apmatñà keso náxop, yáxñakxoho sa' kapekkenekxak ma'a ektémakxa nak chá'a ekyetno apyógkexma énxet ma'a kañe'.

Deuteronomio 32:13

Apkelya'áseykekxeyk axta apnaqleykekxo m'a yókxexma egkexe netnók agko' axta m'a apchókxa, apkeleykegkek axta m'a aqsok ekyexna éleñama nak naxma, meteymog áxwa axta chá'a keleñamak apkeleykegko m'a yányawhéna' apyegmenek tén axta pexmok égmenek eñama chá'a apkelmésso m'a ekyennaqtamakxa agko' nak chá'a m'a meteymog;

Habacuc 3:19

Hakte Wesse' egegkok segkésso sekyennaqte; egkéssegkek ekyennaqte sekxega, ektémól'a xenaq, éntameykekxeyk ma'a egkexe yaqwánxa sa' awagkasaxchek teyp.

Salmos 115:3

Apheyk Dios egagkok ma'a néten, elának chá'a ekyókxoho m'a apmakókxa enxoho elána'.

Ezequiel 3:12

Tén axta sémpásekxo néten ma'a Dios apmopwána, ekleg'ak axta nahan éxtegyawa ekyennaqte agko' ma'a netámen, máxa axta m'a ektémól'a xóp ekyawheykha, ekmeyákxo néten ma'a Wesse' egegkok élseyéxma apagkok.

Isaías 25:10

Etaqmelchesek sa' Wesse' egegkok ma'a egkexe Sión, keñe sa' ma'a Moab elteyammaha, máxa sa' etnéssesek ma'a ektémól'a pa'at apák kélteyammeykhal'a m'a kélchexakhamakxa nak aqsok apák.

Job 40:12

Elano, keñe sa' etnessásekxak mékoho, elteyammaha élmasagcha'a nak apkeltémakxa, cham'a apheykegkaxa nak chá'a.

Deuteronomio 33:29

Apkeleñémo exchep, Israel, ¿Yaqsa kélwanchek kólhéshok xép? Wesse' egegkok apagko' apwagkasso teyp xép; cha'a aptaqmelchesso chá'a exchep ma'a tén han appasmo chá'a, ¡cha'a apteme sókwenaqte apagkok segmallahanchessamo nak chá'a m'a! Elmésakpok sa' xép ma'a apkelenmexma nak, keñe sa' xép emasséssesek apkeleymákpoho.”

Zacarías 14:4

Etnegwaták sa' néten Egkexe Olivos Wesse' egegkok xa ekhem nak, émha nak ekpayhókxa m'a Jerusalén, cham'a ekteyapmakxa ekhem nak. Kamayhekxak sa' neyseksa m'a Egkexe Olivos, ekyapwate ekyawe xapop sa' katnehek ma'a neyseksa eñama m'a ekteyapmakxa ekhem nak ekweykekxoho m'a taxnegwánxa ekhem nak. Kaqxegagkokxak sa' xama nekha egkexe m'a ekpayho nak nexcheyha, keñe sa' xama nekha nahan kaqxegagkokxak ma'a ekpayho nak nepyeyam,

Amós 9:5

Appaknegwokmók xapop ma'a Wesse' egegkok, Dios ekha nak apyennaqte, keñe élpatyapa, apkellekxagweyha nahan apyókxoho énxet'ák apheykha nak ma'a kañe'. Meyákxeyk chá'a néten ma'a xapop, keñe ekweywento nahan chá'a, ektémól'a kamyekxak néten yegmen ma'a Nilo, tén kaweywenták chá'a.