Malaquías 4:6 - Biblia Enxet

⁶ Elásekhassásekxohok sa' apketchek ma'a apyapmeyk. Sa' agkok katnahak xa ektáha nak, awaták sa', keñe sa' allegássesagkok ma'a apchókxa nak, amasséssók sa' ma'a apyókxoho nak.”

Malaquías 4:6 Referans Kwoze

Isaías 11:4

Elyekpelkohok sa' chá'a yetlo ekpéwomo apkelánéseykekxa amya'a m'a énxet'ák apkelyelqamákpoho nak, emyókasek sa' nahan chá'a ektémakxa nak apheykha m'a énxet'ák meyke nak aqsok apagkok ma'a apchókxa. Máxa yámet sa' katnehek ma'a appeywa, yaqwayam sa' kallegássesagkohok ma'a énxet'ák apkelyennaqteyáseykha nak apyempe'ék, xama apwátekhapma sa' etnehek elnápok ma'a énxet'ák élmasagcha'a nak apkeltémakxa.

Daniel 9:11

Apyókxoho énxet'ák Israel melyaheykekxak ma'a nélxekmowásamáxche apagkok, memáheyók elyahakxohok ma'a apkeltémókxa etnahagkok; cháxa keñamak segáhapwa'a nak negko'o m'a aqsok ekmaso, ekyetnama nak eknaqtáxésamaxche m'a Moisés segánamakxa apagkok, apkeláneykha axta exchep, hakte nenláneykegkek negko'o mólya'assáxma nénmexeykekxo exchep.

Isaías 65:15

Elmaha sa' kélwesey kéxegke m'a sélyéseykha nak ko'o yaqwayam sa' elyemnaha tén han eltamhok yetsapok ma'a pók, alyaqmagkassesek sa' eyke ko'o mók apkelwesey m'a séláneykha.

Isaías 61:2

eyáphássek axta nahan altennaksek énxet'ák ekwa'a m'a ekhem yaqwánxa nak elwagkasek teyp Wesse' egegkok ma'a énxet'ák, ekhem yaqwánxa nak heghésseshok mók Dios egagkok senteméssessamakxa m'a sẽlenmexma nak. Eyáphássek axta yaqwayam alpeykessásekxak apkelwáxok apyókxoho m'a élyaqhápeykha nak apkelwáxok,

Zacarías 14:12

Ellegássesagkohok sa' eyke ekyentaxno agko' Wesse' egegkok ma'a pók aptémakxa énxet'ák ektáha axta chá'a apkelnápomap ma'a Jerusalén: kaltepelchexchek sa' aphápetek meletsapakxoho m'a énxet'ák apagkok nak tén han ma'a kañe' apaqta'ák nak ekweykekxoho m'a apaxkok nak.

Zacarías 14:2

Yánchásekxak sa' apyókxoho pók aptémakxa énxet'ák Wesse' egegkok xa ekhem nak, yaqwayam sa' ektámegmak elnapakpok ma'a Jerusalén. Emok sa' nahan ma'a tegma apwányam nak, esawhaksohok sa' nahan elmagkok aqsok apagkok ma'a apxanák nak, elyennaqtések sa' apyempe'ék elteméssessamhok exma m'a kelán'ák nak. Nápakha sa' nahan elmakpok énxet'ák apheykha nak xa tegma apwányam. Apkeleymomap sa' aqsa elhekxak ma'a.

Zacarías 13:8

Eletsapok sa' chá'a apqánet ektáhakxa enxoho chá'a apqántánxo apheykha s'e apchókxa nak: sa' aqsa chá'a yeymakpok ma'a xama nak apkeymomap apkeletsapma nak chá'a apqánet apnámakkok. Keñe sa' xa apkeymomap nak chá'a xama ayenyók neyseksa táxa; amópéssásekxak sa' apyempehek sa' atnéssesek ma'a ektémól'a kólmópeyásekxak ma'a sawo ekmope ekmomnáwa; aláxñásekxak sa' ektémól'a kóláxñásekxak ma'a sawo ekyátekto ekmomnáwa. Keñe sa' hewónmakha ko'o m'a, wátegmowagkok sa' nahan. Sa' atnehek alának se'e: ‘Énxet'ák ahagkok’, keñe sa' etnehek heyátegmowagkokxak se'e: ‘Wesse' egegkok apteme Dios egagkok.’ Ekxénchek ko'o xa, sektáha nak Wesse'.”

Zacarías 5:3

Tén axta aptáha seyáneya s'e: “Yetneyk ektáxésamaxche nentaqnómaxche xa eksawheykekxoho nak ekyókxoho apchókxa. Yetneyk nahan ektáxésamaxche chá'a xama nekha, ekxeyenma megkatnehek chá'a megkóllegasáseykegkoho m'a apmenyexma nak tén han ma'a apteme nak chá'a apmopwána amya'a apxeyenma Wesse' egegkok apwesey.

Isaías 43:28

aptawáseykha axta tegma appagkanamap ahagkok ma'a kelwesse'e apagkok axta exchep; axta keñamak seyhayo ko'o kélmassésseykmo m'a Israel, cham'a Jacob, eyhayók axta kélxéneykencha'a ekmaso.

Isaías 24:6

Cháxa keñamak ekmasséssekmo nak xapop ma'a sẽlyemneykha ekmaso nak, tén han apkellegágkoho kéllegassáseykegkoho m'a énxet'ák apheykha nak kañe'. Cháxa keñamak apweywento nak énxet apheykha keso náxop, apqántawók apagko' apkeleymékpok.

Zacarías 11:6

Megkalepyósek sa' ko'óxa kaxwók alanok énxet apheykha nak se'e apchókxa nak, agkések sa' aqsa chá'a yaqwayam emok xama m'a pók nak, tén han yaqwayam emok chá'a m'a wesse' apwányam apagkok. Sa' emasséssók apchókxa xa, malwagkasek sa' nahan ko'o teyp apkelma enxoho chá'a m'a. Ko'o sekxeyenma xa, sektáha nak Wesse'.”

Isaías 40:3

Táhak xama kélpeywa ekyennaqte s'e: “Kóllanés xama ámay Wesse' egegkok ma'a yókxexma meykexa nak énxet, kóllanés xama ámay ekpéwomo Dios egagkok ma'a yókxexma megkatyapmakxa nak xama aqsok.