Malaquías 3:12 - Biblia Enxet

¹² Apyókxoho énxet'ák sa' chá'a exének kéxegke kéltáha kéleñémo, hakte tásek sa' katnehek kéxegke kélókxa. Ko'o sekxeyenma xa, sektáha nak Wesse' ekha sekyennaqte.”

Malaquías 3:12 Referans Kwoze

Zacarías 8:23

Diez énxet sa' chá'a emássesagkok aptaxno xama Judío énxet xa ekhem nak, cham'a apkeleñama nak chá'a mók apkelókxa, keñe sa' etnehek chá'a yának se'e: ‘¡Negmakók negko'óxa ólyetlakxak kéxegke, hakte nenlegayak chá'a amya'a apha kélnepyeseksa m'a Dios!’”

Isaías 61:9

Kélya'áseykegkoho ekyókxoho yókxexma sa' nahan etnahagkok nepyeseksa pók aptémakxa énxet'ák ma'a aptawán'ák neptámen nak; elya'asagkohok sa' chá'a apyókxoho énxet apkelwet'a enxoho chá'a apteme énxet'ák appasmo nak chá'a m'a Wesse' egegkok.

Isaías 62:4

Megkóltamhaxcheyk sa' chá'a kaxwók kéxegke “Kéltaqmópéyak”, megkatnehek sa' nahan chá'a kaxwók kaxénaxchek xapop kélagkok “Kéltawáseykha”, Sa' aqsa katnehek kélwesey s'e: “Ko'o sekmámenyého”, keñe sa' ma'a xapop kélagkok nak kaltamhaxchek, “ko'o etáwa'”. Hakte chá'a apmopmenyého m'a Wesse' egegkok, sa' etnehek nahan máxa atáwa' m'a xapop kélagkok nak.

Daniel 11:41

Etaxnegwók sa' nahan ma'a Xapop Ektaqmalma, elnápok sa' apxámokma apagko' énxet'ák; elwagkasakpok sa' eyke teyp ma'a apheykha nak Edom tén han Moab, keñe han ma'a Amón, háwe eyke ekyókxoho m'a xapop nak.

Daniel 8:9

Tekkek axta han mók ketsék apkepetek xama m'a apkepet'ák nak, wegqágkek agko' axta han ekpayhémo m'a nepyeyam, tén han ekteyapmakxa ekhem, tén han ma'a ekwesey nak Xapop Ektaqmalma Agko'.

Jeremías 33:9

Ekpeykeseykekxa ewáxok sa' ko'o atnessásekxak ma'a Jerusalén, séláyo tén han seyeymáxkoho nápaqta'awók apyókxoho énxet'ák apheykha nak keso náxop. Apkelleg'ak sa' agkok apyókxoho énxet'ák peya ko'o wáphássesek nepyeseksa aqsok éltaqmela m'a apheykha nak Jerusalén, tén han peya agkések ekyókxoho ektaqmelwayam nak negha, elpexyennók sa' apkelaye.”

Salmos 72:17

¡Megkamassegwomek sa' chá'a apwesey m'a wesse' apwányam; megkamassegwomek sa' ekxénamaxche apwesey ekhakxa nak makham ekhem! ¡Elxawagkok sa' chá'a ektaqmalma apheykha apyókxoho énxet'ák apheykha nak keso nélwanmeygkaxa, eñama xa wesse' apwányam nak! ¡Apyókxoho pók aptémakxa énxet'ák sa' chá'a eltéhek: “Apkeleñémo”.

2 Crónicas 32:23

Apxámok axta énxet apkelseykenta Jerusalén aqsok apkelmésso naqsa Wesse' egegkok, tén han aqsok apkelmésso naqsa élmomnáwa m'a Ezequías, wesse' apwányam nak Judá. Cháxa eyeynókxa axta apxénamap ektaqmela ekyókxoho apheykegkaxa énxet'ák.

Deuteronomio 11:12

Wesse' egegkok apagko' nahan aptaqmelchesso m'a xapop nak; yókxoho apyeyam nahan chá'a apkeláneykha m'a.

Malaquías 3:13

Aptáhak Wesse' egegkok se'e: “Asagkók agko' kéxegke kéltáhakxa sélxeyenma. Keñe kéltáha makham sélmaxneyencha'a s'e: ‘¿Háxko nentémakxa negko'o nélpeywa nenxeyenma ekmaso exchep?’

Isaías 62:5

Hakte sa' etnehek elmok kéxegke Dios ma'a aptémól'a xama wokma'ák kalyamhápok emok ma'a appagkanma, elánekxak sa', kapayhekxak sa' apwáxok xamók ma'a, ektémól'a kapayhekxak apwáxok xamók aptáwa' m'a énxet.