Malaquías 1:4 - Biblia Enxet

⁴ Aptemék sa' agkok énxet'ák apheykha nak Edon se'e, cham'a aptawán'ák neptámen nak Esaú: “Ẽltawassáseykha eykhe negko'o negókxa, anxátekhásekxak sa' eyke makham,” Tén sa' etnehek Wesse' egegkok se'e: “Exátekhásekxak sa' makham apchókxa m'a, atwássesha sa' eyke ko'o makham. Kaltamhaxchek sa' apchókxa ‘Apchókxa Ekmaso Ektémakxa', tén han ‘Énxet'ák Apkeltaqnagko nak Wesse' egegkok meyke néxa.”

Malaquías 1:4 Referans Kwoze

Ezequiel 25:14

Axnéshok sa' ko'o mók setnéssessamakxa m'a énxet'ák Edom, énxet'ák ahagkok Israel sa' eyke wásenneykxa'; sa' etnéssesek Edom ma'a éltamhókxa enxoho etnéssesek ma'a seklo nak. Keñe sa' elya'ásegwók ektémakxa m'a sekhéssamo nak chá'a ko'o mók sélteméssesakxa. Ko'o sekxeyenma xa, sektáha nak Wesse'.

Ezequiel 35:9

Atnessásekxak sa' yókxexma meykexa énxet meyke néxa, méko sa' kaxek chá'a m'a tegma apkelyawe agkok nak. Keñe sa' kólya'ásegwók kéxegke, sektáha ko'o Wesse'.

Jeremías 31:17

Yetneyk xama aqsok yaqwayam kaleyxek xeye' amonye': elwaták sa' makham étchek ma'a apkelókxa nak. Ko'o sekxeyenma xa, sektáha nak Wesse'.

Isaías 34:10

Megkaspónhek sa' ekhem tén han axta'a; kapaqnek sa' aqsa chá'a; kataqmopagkohok agko' sa' meyke néxa; méko sa' kaxwók kapéwhok ma'a ekpayhókxa nak.

Isaías 34:5

Yephagwa'ak Wesse' egegkok sókwenaqte apagkok ma'a néten, katyamok sa' neyseksa m'a Edom, apheykegkaxa nak énxet'ák kéltémo etekyewekxa'.

Isaías 11:14

Épetchekxak sa' pók ektamagkok ma'a énxet'ák filisteos, ekpayho nak taxnegwánxa ekhem, neptámen sa' yeñék yáhapwók; épetchekxak sa' pók elyementamagkok aqsok apagkok ekxámokma m'a énxet'ák apheykha nak teyapmakxa ekhem. Kawomhok sa' nahan apteme apagkok ma'a yókxexma Edom tén han ma'a Moab, apkeláneykha sa' etnahagkok ma'a amonitas.

Malaquías 1:3

keñe Esaú sektaqnagkama. Meyke xama aqsok axta ko'o ektemessáseykekxak ma'a Esaú apchókxa, élámhakxa axta m'a meteymog, keñe xapop apagkok sektemessáseykekxo wánxa élleykegkaxa aqsok nawha'ák.”

Amós 6:2

Kólmohok sa' ma'a Calné, kóllanok sa'; keñe sa' kólyeykhak kólmeyekxak ma'a Hamat tegma apwányam apyawe nak, tén sa' kólweywenták kólmeyenták ma'a Gat filisteos apchókxa nak. ¿Yeykhágweykmoya ektaqmalma kélókxa kéxegke xa apkelókxa nak? ¿Táseya kélókxa kéxegke, yagkaxnawok apkelókxa nak xa énxet'ák nak?

Ezequiel 11:10

Sókwenaqte sa' kalnápok kéxegke. Sa' alyekpelkohok ko'o kéltémakxa kéxegke m'a ektemegwánxa nak néxa xapop ma'a Israel, keñe sa' kólya'ásegwók sektáha ko'o Wesse'.

Lamentaciones 3:37

Xénáxcheyk agkok chá'a xama aqsok, temégwokmok agkok nahan chá'a exma, Wesse' egegkok apkeltémo katnehek xa.

Isaías 10:4

Sa' agkok kéxegke kólháxahagkok nepyeseksa m'a apkelmomap nak tén han ma'a aptekyawa axta neyseksa kempakhakma, kóletsaphok sa' xamo'. Makke kamassak makham aplo m'a Wesse' egegkok; xénchek makham apwáxok ellegássesagkoho'.

Proverbios 21:30

Mékoho katnekxak nápaqto' Wesse' egegkok ma'a negya'áseykegkoho, tén han negmowána aqsok, keñe han ektaqmalma nak élchetámeykha egwáxok.

Salmos 137:7

Wesse', kaxénwakxoho apwáxok ma'a edomitas, aptéyeykmo axta m'a Jerusalén, aptéma axta apkelpaqmeyesma s'e: “¡Kóltegkes, kólmasséssem ekweykmoho apowhók!”

Salmos 127:1

Agkok elanak Wesse' egegkok tegma, kaqhok eltemeykha m'a apkeláneyak nak chá'a tegma; agkok emyáwak Wesse' egegkok ma'a tegma apwányam, kaqhok elanha m'a apkelhaxneykha nak chá'a.

Job 34:29

Apwanmakkek agkok ma'a Dios, ¡méko awanchek kaxének megkapayhawo aptáhakxa'! Agkok eltamhok éteyakpok, ¿yaqsa awanchek kóta'? Cha'a apkeláneykha chá'a apkelókxa m'a tén han ma'a énxet'ák

Job 12:14

Dios nak apmassésseyam aqsok, méko kawának kaxátekhásekxak makham; Dios nak apkelma, méko kawának kalántekkesek.

Job 9:4

Awanhók agko' ektémakxa aqsok apya'áseykegkoho m'a Dios, tén han apmopwána, ¿yaqsa awanchek kalátegmoweyxche' tén han katnessásekxak kóneg?

Jeremías 5:17

Etókasek sa' ma'a aqsok ekyexna apkeneykekxa, tén han apto, elnáhakkasek sa' nahan ma'a apketchek apkelennay'a tén han kelwán'ák. Etókasek sa' nahan ma'a nepkések apnaqtósso, tén han weyke, anmen yámet apkeneykekxa, tén han higo yámet. Sókwenaqte sa' elmaha emasséssók ma'a tegma apkelyawe ekyennaqte nak kélhaxtegkáseyak nepyáwa', cham'a apchásenneykekxo nak chá'a exchep.”

Jeremías 49:8

¡Énxet'ák Dedán, kólenyahák, kólyexánem! Hakte peyk ko'o amasséssók ma'a Esaú énxet'ák apagkok; wokmek kaxwók yaqwánxa allegássesagkoho'.

Jeremías 49:20

Kóleyxho séláneykekxa nak ko'o sektáhakxa sekmakókxa atnéssesek ma'a Edom, ko'o sektáha nak Wesse', sekmakókxa nak han ko'o atnéssesek ma'a apheykha nak Temán: Kawomhok sa' kélyementaméyak ma'a apketchek ketcheyetse nak, kóltawasha sa' nahan ma'a yókxexma apagkok ektaqmalma nak.

Ezequiel 25:13

Cháxa keñamak sektáha nak ko'o sekpeywa s'e, sektáha nak Wesse': Axekmósek sa' ko'o sekmowána añássesagkohok ma'a Edom tén han amasséssók ma'a énxet'ák agkok apheykha nak ma'a kañe', ekweykekxoho m'a apnaqtósso. Ekmaso sa' atnessásekxak ko'o m'a. Sókwenaqte sa' kalnápok énxet'ák eyeynamo m'a tegma apwányam Temán ekweykekxoho m'a Dedán.

Ezequiel 26:14

Meteymog éláxñeyo sa' atnéssásekxa', yám'én kélyamáseykegkaxa sa' katnehek, megkólxátekhásekxeyk sa' nahan chá'a. Ekpaqmetchek ko'o sekxéna xa, sektáha nak Wesse'; ko'o sekxeyenma xa, sektáha nak Wesse'.

Ezequiel 35:4

Anaqtawássesha sa' ma'a tegma apkelyawe agkok, keñe sa' xe' katnekxak yókxexma meykexa énxet. Keñe sa' kay'ásegwók ko'o sektáha Wesse'.

Amós 3:15

Amasséssók sa' ma'a tegma kélanchesso nak chá'a kammok ekhem apmopsamágexa, tén han ma'a kélanchesso nak chá'a kammok ekhem ekmexanmakxaxma, amasséssók sa' ma'a tegma apkeltaqmalma kélnáxegkáseykha nak chá'a apkelánamap ma'a yánnapóxeg apma'ák, nápakha'a apketkók sa' atnessásekxak ma'a tegma apkelyawe apkeltaqmalma nak.” Wesse' egegkok apxeyenma xa.

Amós 5:11

Megkólhakha sa' ma'a kélxanák apkeltaqmalma kélláneyak axta meteymog eñama kélnaqtawáseykegkoho m'a meyke nak aqsok apagkok tén han kéltémo elyánmagkasek chá'a hótáhap apaktek elmések kéxegke, megkólyenagkek sa' nahan vino éleñama m'a kélcheneykekxa nak.

Amós 6:11

Hakte Wesse' egegkok sa' yának kóllegássesagkohok ma'a énxet'ák apheykha nak tegma apkelyawe, tén han ma'a ketcheyetse nak, nápakha'a apketkók sa' etnekxak ma'a apyókxoho nak.

Abdías 1:1

Amya'a apxawe axta Abdías eñama Wesse' egegkok apxekmósso. Nenlegayak negko'o amya'a eñama Wesse' egegkok; xama énxet apseykha amya'a axta apweynchámeykha m'a apkelókxa nak yaqwayam etnehek elának se'e: “¡Kólchempekxa néten! ¡Ólxog ómpakhak Edom!” Aptáhak Dios Wesse' egegkok apcháneya Edom se'e:

Abdías 1:10

“Emegqáwhok apagko' sa', kólmasséssók sa' nahan megkatnégwayam néxa, eñama aptawáseykegkoho m'a apyáxeg Jacob tén han apchaqhe.

Salmos 33:10

Metekkessesek chá'a Wesse' egegkok ekyókxoho aqsok apmáheyo nak chá'a elanagkok ma'a énxet'ák melya'áseyak nak Dios, megyohók han chá'a katyapok aqsok apkeláneyak,

Jeremías 49:7

Aptáhak Wesse' ekha apyennaqte apkelxéna énxet'ák Edom se'e: “¿Mékoya táhak negya'áseykegkoho aqsok ma'a Temán? ¿Ya elya'ásegkok kaxwók aptamhágkaxa m'a apmopwancha'a nak aqsok? ¿Massegwokmeya m'a apkelya'áseyak nak aqsok?

Amós 1:11

Aptáhak Wesse' egegkok se'e: “Xámók agko' apkeláneyak apkeltémakxa ekmaso m'a énxet'ák Edom, megkatnehek sa' mallegassáseykegkoho; hakte yetlo sókwenaqte apkelmeykha apmenxeneykha m'a apkelyáxeg'a israelitas, meyke apkelmopyóseka apkelányo. Megyésseykekxak apkeltaqnagkama, megkamassegweykmok apkello.