Levítico 4:2 - Biblia Enxet

² “Eltennés sa' israelitas. Apkelanak sa' agkok mey'assáxma énxet megkatnahakxoho apmáheyo elána', énmexma nak Wesse' egegkok segánamakxa apagkok, apkelana enxoho m'a aqsok ekmeyamáxkoho nak anlána'. Sa' katnehek chá'a élánamáxche s'e:

Levítico 4:2 Referans Kwoze

Salmos 19:12

¿Yaqsa awanchek kay'ásegwakxohok aqsok megqakhémo? ¡Wesse', ná eyaqmagkásekxa aqsok magwaqhémo neyseksa may'áseyak!

Levítico 4:27

“Apkelanak sa' agkok mey'assáxma xama énxet neyseksa memáheyo elána', apkeñama nak nepyeseksa m'a énxet'ák, eksexnenagko enxoho eñama apkelane m'a énmexma nak Wesse' egegkok segánamakxa apagkok,

1 Samuel 14:27

Keñe axta Jonatán, meñé axta aptáhakxa apteméssesso naqsók appeywa m'a apyáp apmésso m'a sẽlpextétamo, apya'asa yámet apmeykha axta, apkeltekxeya naw'a pápa' apagkok yányawhéna', aptókek axta han, yetlókok axta han apyenneykekxoho makham.

Deuteronomio 19:4

Sa' emyekxak chá'a éxánegwakxak ewagkasakpok teyp ekyetno nak chá'a apyógkexma m'a, megkatnaha enxoho chá'a apmáheyo apagko' yaqhek ma'a pók tén han metaqnagkama axta chá'a m'a nanók axta.

Levítico 4:22

“Apkelanak sa' agkok mey'assáxma xama apkemha apmonye' énmexma nak Dios Wesse' apagkok segánamakxa apagkok, apsexnánémap apagko' sa' etnehek, cham'a apkelana enxoho m'a neyseksók eykhe memáheyo elána'.

Levítico 4:13

“Apkelánegkek sa' agkok aqsok ekmaso apyókxoho israelitas, neyseksa eykhe memáheyo elanagkok, tén han ma'a melyekpelcha enxoho aqsok ekmaso apkeláneyak, ektáha nak énmexma m'a Wesse' egegkok segánamakxa apagkok, apkelsexnánémap apancha'awók sa' etnahagkok,

Génesis 20:9

Keñe axta Abimélec apcháneyáncha'a m'a Abraham. Aptáhak axta apcháneya s'e: —¡Elano senteméssesakxa! ¿Énmexméya ko'o exchep peya nak heyhágwakxak magya'assáxma ekmaso agko', tén han ma'a apyókxoho énxet'ák ahagkok? Mantemék xa.

Levítico 4:1

Aptáhak axta Wesse' egegkok apcháneya Moisés se'e:

Levítico 22:14

“Aptókek sa' agkok xama énxet ma'a aqsok élpagkanamaxche nak neyseksa mey'áseyak, kéméxcheyk eyaqmagkásekxak mók egkeyásekxak apkelmaxnéssesso Dios énxet'ák apagkok ma'a aqsok apto ketse néten;

Números 35:11

Kéméxcheyk kólyésha pók xam'a tegma apkelyawe yaqwayam kóltéhek kélyexánegweykekxa chá'a, yaqwayam sa' chá'a emyekxak etegyaha apyexanmomakxa m'a énxet apchaqhe nak chá'a pók megkatnahakxoho apmáheyo apagko' yaqhek.

Eclesiastés 5:6

Nágyoho aqsa kalanaksek mey'assáxma m'a appeywa, keñe exének eyesagko aptáhakxa nápaqto' ma'a Dios apkeláneykha nak. Yaqsa ektáha apkeltamho nak elókasek Dios eñama m'a aqsok apxeyenma exchek xép, tén han yetsagkassásekxak katnehek ma'a ekyókxoho aqsok apkelane nak xép.

Salmos 19:13

Heyenyókas eyeymáxkoho ewáxok ko'o sektáha nak xép apkeláneykha; nágyoho hemok ma'a ektémakxa nak eyeymáxkoho egwáxok. Keñe sa' ko'o atnehek énxet meyke ekmaso aptémakxa; kamaskok sa' sekteme ekyawe may'assáxma.