Levítico 26:32 - Biblia Enxet

³² “Amasséssók sa' kélókxa, keñe sa' kélenmexma apkelhe enxoho m'a, kalyamaksek sa' apkelwáxok elanok ektémakxa.

Levítico 26:32 Referans Kwoze

Jeremías 9:11

“Meteymog ektaháneykekxa mók sa' ko'o atnessásekxak ma'a Jerusalén, semheg nawha'ák éllo élyexanmomakxa; yókxexma meykexa énxet sa' atnessásekxak ma'a tegma apkelyawe nak Judá, meyke énxet apheykha kañe' sa' atnéssesek.”

Jeremías 25:11

Kólmasséssók sa' ekyókxoho s'e apchókxa nak, ekmaso sa' kóltemessásekxa'. Setenta apyeyam sa' kawomhok apteme apkeláneykha Wesse' apwányam Babilonia xa énxet'ák nak.

Jeremías 19:8

Meyke xama aqsok sa' atnessásekxak se'e tegma apwányam nak, ekyamassamo nak egwáxok agweta'. Apyókxoho énxet'ák apkelyeykhágwayam enxoho chá'a m'a, kalpexchak sa' chá'a apyempe'ék elweta', elyegweyk sa' chá'a elwetak ektémakxa kélmassésseyam apyókxoho.

Jeremías 18:16

Cháxa apkeltémakxa aptemessáseykekxo yókxexma meykexa énxet ma'a apchókxa nak, tén han élyamasso apkelwáxok ma'a énxet'ák. Elyeykesha sa' chá'a apqatkok elyegweyk elwetak ma'a ektáhakxa enxoho chá'a apkelyeykhágwayam ma'a.

Ezequiel 5:15

Élanak sa' agkok ko'o yetlo seklómo ahagko' ma'a sekxénakxa axta atnéssesek xeye', tén han seklegassásegkoho sa' ekyawe agko', apyókxoho énxet sa' ewanyaha, etaqnawak sa' nahan, ekpexchesso apyempe'ék ekyawe agko' sa' katnéssesek ma'a énxet'ák apwakhaya nak neyáwa'. Ko'o sekxeyenma xa, sektáha nak Wesse'.

Jeremías 25:18

Élágkek axta ko'o m'a énxet'ák Jerusalén, tén han ma'a énxet'ák apheykha nak tegma apkelyawe Judá, yetlo kelwesse'e apkelwányam apagkok tén han apkelámha apmonye'e, yaqwayam enxoho amasséssók, tén han atnessásekxak meyke xama aqsok, tén han aqsok eyeymáxkohol'a kataxche', tén han segyegwakkassamól'a, tén han éñamakxa néltémo hentemegwomhok exma ekmaso, aptamheykegko nak makham se'e kaxwo' nak.

1 Reyes 9:8

Keñe sa' se'e tegma appagkanamap nak, meteymog ektaháneykekxa mók sa' etnekxa', keñe sa' ma'a apyókxoho apkelyeykhágwayam nak chá'a, elyegweyk sa' chá'a elweta', elesmaksek sa' chá'a, keñe sa' etnehek chá'a elmaxneyha s'e: ¿Yaqsa kexa ektéma apteméssessama nak Wesse' egegkok se'e apkelókxa nak tén han se'e tegma appagkanamap nak?

Deuteronomio 28:37

elyegweyk sa' chá'a elwetak apyókxoho énxet apkelya'asakxa enxoho chá'a m'a Wesse' egegkok, elya'ássók sa' chá'a yetlo apkelesmésso.

Habacuc 3:17

Keñe sa' kapayhekxohok agko' ko'o ewáxok eñama m'a Wesse' sewagkasso nak teyp. Megkalyapwék sa' eykhe higo yámet, alpeykeshok sa' eyke, megkeyxek sa' eykhe han ma'a anmen yámet, tén han ma'a olivo yámet; megkanakxaxcheyk sa' eykhe han aqsok ma'a namyep; esawhakpok sa' eykhe han nepkések méko sa' eykhe han katnehek weyke m'a axanák nak.

Daniel 9:18

Henlano negko'o, Dios egagkok, yeyxho han nélmaxnagko; elano ektémakxa nak nennaqtawásamáxche', tén han aptawásamap ma'a tegma apwányam ekxénamaxchexa nak chá'a apwesey. Magwóneyha negko'o exchep óltennaksek ma'a nentémakxa ekpéwomo, wánxa aqsa m'a ektémakxa nak ekyawe apmopyósa henlano'.

Daniel 9:2

Ko'o Daniel, élányók axta ko'o weykcha'áhak apagkok axta m'a Dios appeywa aplegasso Jeremías, ekxeyenma axta yaqwayam kawomhok setenta apyeyam kélmassésseyam ma'a Jerusalén, apkeltennassama axta Wesse' egegkok ma'a aplegasso appeywa Jeremías.

Lamentaciones 5:18

Meteymog ektaháneykekxa mók tamheykekxak ma'a egkexe Sión; cha'a élweynchámeykegkaxa nak kaxwók yammáleg ma'a.

Lamentaciones 4:12

Apkenagkamchek axta kelwesse'e apkelwányam nak keso náxop, tén han apyókxoho apheykha nak keso nélwanmégkaxa, mopwanchek elántexek katnaha apnámakkok tén han apkelenmexma m'a atña'ák nak Jerusalén.

Jeremías 44:22

Massegkek axta eyke apkelenmáxamap Wesse' egegkok ma'a aqsok ekmaso kélláneyak, kélláneykegko axta kéxegke, cham'a aptaqnagkamo apagko' nak chá'a m'a. Cháxa keñamak ektamheykekxo nak kaxwók ekmaso kélókxa kéxegke tén han meyke xama énxet apha m'a; éñamakxa néltémo hentemegwomhok exma ekmaso tamheykekxa', aqsok eyeymáxkohol'a kataxche'.

Jeremías 44:2

“Aptáhak Wesse' ekha apyennaqte, Dios apagkok nak Israel se'e: ‘Kélweteyak axta kéxegke ekyókxoho aqsok ekmaso seyáphassama axta ko'o m'a Jerusalén, tén han ma'a pók tegma apkelyawe nak Judá. Nápakha'a apketkók kaxwók aptamheykekxak ma'a, méko han ekha m'a,

Jeremías 25:38

Máxa aptáhak aptepa m'a yámakméwa ekteyapmal'a axagkok, meyke xama aqsok tamhákxak ma'a apkelókxa nak, hakte aplókók apagko' ma'a Wesse' egegkok, apcha'ak kempakhakma ekmaso agko'.

Isaías 64:10

Yókxexma meykexa énxet tamheykekxak ma'a tegma apkelyawe apkeltaqmalma apagkok nak, apmopso aptamheykekxak ma'a Jerusalén, kélmassésseykmek nahan.

Isaías 24:1

Kóllano, esawhohok sa' aqsok Wesse' egegkok keso náxop, yetsagkasek sa', ekmaso sa' etnessásekxa', yexpánchesek sa' énxet'ák apheykha m'a kañe'.

Isaías 6:11

Ektáhak axta ko'o sélmaxneyeyncha'a s'e: Wesse', “¿Háxko sa' ekwánxa ekhem kawomhok xa?” Aptáhak axta seyátegmowágkokxo s'e: “Sa' kawomhok ma'a kélmasséssekmo tegma apkelyawe, aptáha sa' meyke apagko' énxet apheykha m'a kañe'; tén han ekwokmoho sa' aptamhákxo meyke apagko' énxet ma'a tegma, tén han ektamhákxo meyke xama aqsok ma'a yókxexma,

Isaías 5:9

Naqsók ko'o aptáha appeywa seyáneya Wesse' ekha nak apyennaqte s'e: “Apxámok sa' tegma kólmasséssók; cham'a apkelyawe nak tén han ma'a apkeltaqmalma nak, méko sa' kaxnekxak xama m'a.

Isaías 5:6

ektaqmópeyak sa' atnessásekxa'. Megkólyaqténchesagkek sa' nahan chá'a m'a axchakkok, megkólápetchesek sa' nahan chá'a m'a pa'at, kápekxak sa' ma'a am'ák tén han ma'a ekmompánaqma nak. Wának sa' nahan ko'o megkáphássesek ekmámeye m'a yaphope, yaqwayam sa' megkayássese'.

Jeremías 12:11

Yókxexma meykexa énxet aptemessáseykekxa', tén han meyke xama aqsok, ekweteyak nahan ko'o apkellekxagweykencha'a m'a. Meyke xama aqsok tamheykekxak ma'a ekyókxoho apchókxa, méko eyke ekyetnakhassamo awáxok.

Jeremías 33:10

Aptáhak Wesse' egegkok se'e: “Kélxeyenmeyk kéxegke ekteme meyke xama aqsok se'e yókxexma nak, tén han méko énxet apheykha m'a kañe', tén han aqsok kélnaqtósso; méko aqsok ma'a ámay nak Jerusalén, tén han ma'a tegma apkelyawe nak Judá; kélxeyenmeyk méko énxet apheykha m'a tén han aqsok kélnaqtósso. Kañexchekxak sa' eyke makham