Levítico 26:15 - Biblia Enxet

¹⁵ kéltaqnawaya enxoho, tén han kélwanyawo enxoho m'a segánamakxa ahagkok, tén han seyánamakxa nak kóltéhek, megkólyahákxo enxoho xama m'a séltémókxa nak kóltéhek, cháxa megkóllana m'a ekhémo mók nélpaqhetchásamáxkoho,

Levítico 26:15 Referans Kwoze

2 Reyes 17:15

apkeltaqnagkamchek axta m'a segánamakxa apagkok, keñe han ma'a ekhémo mók nélpaqhetchásamáxkoho apkelánesso axta m'a apyapmeyk nano', tén han apchánamakxa axta etnahágkok apmésso axta. Apkelyetlamchek axta han ma'a aqsok kéláyókxa mékoho agko' nak, ektemessáseykekxo axta han mékoho m'a, apkeláneykegkek axta han ma'a aptamheykegkaxa axta m'a énxet'ák apheykha axta m'a nepyáwa, aqsok apkeltennassama axta meltémo elanagkok ma'a Wesse' egegkok.

Deuteronomio 31:16

Tén axta Wesse' egegkok aptáha apcháneya Moisés se'e: “Apketsekkek sa' agkok xép, keñe sa' se'e énxet'ák nak enaqtawasakpok sa' elyetlakxak ma'a mók aqsok kéláyókxa ekheykegko nak ma'a mók apchókxa yaqwánxa sa' kólmok; keñe sa' ko'o heyenyók, etwasha sa' ma'a ekhémo mók nélpaqhetchásamáxkoho sélánésso axta ko'o m'a.

Ezequiel 16:59

“Ektáhak ko'o sekpeywa s'e, sektáha nak Wesse': Atnéssesek sa' ko'o exche' m'a ekhawo ektémakxa nak chá'a aqsok élane, hakte megkalaneyk ma'a ektémakxa axta ekpeywa ekxeyenma kalána', massesseykmek nahan ma'a ekhémo mók nélpaqhetchásamáxkoho nak.

Jeremías 11:10

Apkeláneykegkokxeyk melya'assáxma ekhawo apkeláneykegko axta m'a apyapmeyk nano', cham'a mehelyeheykekxohok axta ko'o, apkelyetleykekxo axta m'a mók aqsok kéláyókxa tén han apkelpeykessamo. Meláneykegkok ekhémo mók nélpaqhetchásamáxkoho m'a énxet'ák Israel, tén han ma'a Judá sélánésso axta ko'o m'a apyapmeyk nano'.

Isaías 24:5

Kéltawáseyha xapop eñama m'a énxet'ák apheykha nak kañe', hakte massegweykmek apkelánéyak ma'a Dios segánamakxa apagkok nak, massegweykmek apkelyeheykekxoho m'a apkelánémakpexa nak chá'a etnahagkok, aptawáseykha m'a ekhémo mók apkelpaqhetchásamákpoho axta Dios meyke néxa.

Números 15:31

hakte apwanyawók ma'a sekpeywa nak ko'o, melanak han ma'a séltémókxa nak etnehek; ematñekxak sa' nepyeseksa m'a énxet'ák, apsexnánémap apagko' aptémakxa ekmaso.”

Jeremías 31:32

Cháxa ekhémo mók nélpaqhetchesamaxche nak, megkaxók sa' ma'a sélánéssama axta m'a apyapmeyk nano', sélmoma axta apmék sélántekkessama m'a Egipto; hakte axta eláneykegkok ma'a ekhémo mók nélpaqhetchásamáxkoho ahagkok, sektáhakxoho eykhe ko'o apagkok. Ko'o sekxeyenma xa, sektáha nak Wesse'.

Jeremías 6:19

Énxet'ák kélheykha nak keso náxop, kóleyxho: Wáphássesek sa' ko'o aqsok ekmaso s'e énxet'ák nak, ekyaqmageykekxa élxéneykha chá'a apkelwáxok elanagkok aqsok ekmaso; hakte melyaheykekxak ma'a sekpeywa nak, aptaqnagkamchek aqsa m'a segánamakxa ahagkok nak.

Proverbios 5:12

Sa' etnehek se'e: “¡Yaqsa axta ex'a ektéma malyaheykekxo chá'a sélpaqhetcháseykha! ¡Yaqsa axta ex'a ektéma mamoma takha' m'a ektémakxa axta chá'a sélésso aqsok!

Proverbios 1:30

Megkólmenyeyk kólmok takha' m'a sekpeywa nak; kéltaqnagkamchek ma'a sektémakxa nak seknókáseykha.

Proverbios 1:7

Néltamhók agkok antéhek negya'áseykegkoho aqsok, kéméxcheyk sekxók antéhek negáyo Wesse' egegkok; elwanyaha eyke chá'a énxet élyeyháxma xa ektémakxa nak negya'áseykegkoho aqsok, tén han ma'a ektémakxa nak chá'a sẽlpékessáseyak.

Salmos 50:17

megkalcha enxoho kélwáxok alxekmósagkok, tén han megkólámenyého enxoho m'a sekpeywa.

2 Crónicas 36:16

Apkelasméssegkek axta eyke aqsa chá'a m'a apkelseykha axta Dios appeywa, apwanyémók axta m'a amya'a apkelseykha, apkelasméssegkek axta aqsa chá'a m'a apkellegasso nak appeywa, ekwokmoho aplawa apagko' ma'a Wesse' egegkok, apkelenmexa m'a énxet'ák apagkok, massék axta kélewagko kélmássessekmo yaqwánxa etnehek.

Levítico 26:43

cham'a peyakxa nak kólántépok kéxegke, tén han peyakxa nak kallókasek ekyampe neyseksa kélánteyapma kéxegke; ayaqmagkásekxak sa' ko'o kéltémakxa ekmaso kéxegke, hakte kélwanyémok ma'a seyánamakxa nak kóltéhek, kéltaqnagkamchek ma'a segánamakxa ahagkok.

Éxodo 24:7

Tén axta natámen apma m'a weykcha'áhak ekhémo mók nélpaqhetchásamáxkoho apkelyetsetchesa m'a énxet'ák, tén axta aptáha apkelpaqmeta énxet'ák se'e: —Mantawássók sa' negko'o anlának ekyókxoho m'a apkeltamhókxa nak antéhek ma'a Wesse' egegkok.

Éxodo 19:5

Élyahákxók agkok chá'a ko'o kélyókxoho nak, kéllana enxoho chá'a m'a ekhémo mók nélpaqhetchásamáxkoho ahagkok, atnehek sa' énxet'ák ahagkok ahagko' nepyeseksa m'a apyókxoho énxet'ák nak keso náxop, hakte ko'o sekteme ahagkok se'e ekyókxoho nak keso náxop.

Génesis 17:14

Kóltekkesek sa' eyke chá'a kélnepyeseksa kéxegke m'a megkólyenyekhássesso nak chá'a apyempehek, eñama melyaheykekxa m'a ekhémo mók nélpaqhetchásamáxkoho ahagkok.

Levítico 26:9

Apasmok sa' chá'a ko'o kéxegke, axámásekxak sa', alának sa' ma'a ekhémo mók sélpaqhetchásamáxkoho kéxegke.

Levítico 26:11

“Axek sa' chá'a ko'o kélnepyeseksa kéxegke, makxayhek sa' chá'a;

1 Samuel 12:15

Sa' agkok kólyahákxoho, kélyenyawa enxoho m'a apkeltémókxa nak kóltéhek, ellegássesagkohok sa' kéxegke yetlo wesse' apwányam kélagkok.

Malaquías 2:2

Hélyahákxoho sa' chá'a ko'o kéxegke, kólteme sa' chá'a naqsók séláyo. Sa' agkok chá'a kóltáhak xa ektáha nak, allegássesagkohok sa'. Xama aqsok ektaqnómaxche sa' ko'o atnessásekxak aqsok éltaqmalma kélwete nak chá'a kélteme kélmaxnéssesso énxet'ák ahagkok, eñama megkólteméssesso chá'a naqsók séláyo.” Ko'o sekxeyenma sektáha nak Wesse' ekha sekyennaqte.