Levítico 26:13 - Biblia Enxet

¹³ Ko'o sekteme Dios Wesse' kélagkok, sélántekkesso axta m'a Egipto, yaqwayam megkóltamhagkek chá'a apkelásenneykha naqsa m'a énxet'ák nak; ekmasséssegkek ko'o m'a aqsok ekyentaxno élyaqhapma axta kéxegke, ekmasséssegkek kélhamaxche'.

Levítico 26:13 Referans Kwoze

Ezequiel 34:27

Keyxek sa' ma'a yenta'a élaqnéyak nak yókxexma, katekkesek sa' aqsok ekyexna eknakxamáxche m'a xapop, tásek sa' katnehek apkelweynchámeykha xapop apagkok apagko' nak ma'a. Élyementamákxeyk sa' agkok ko'o énxet'ák ahagkok ma'a ektáha nak chá'a apkelásenneykha naqsa, elya'ásegwók sa' ko'o sektáha Wesse'.

Salmos 116:16

¡Oh Wesse', ko'o sekteme apkeláneykha! ¡Ko'o sekteme étche m'a apkeláneykha nak! Apkelyétekkessegkek xép ma'a táma sélpextehetma axta.

Levítico 25:38

Ko'o sekteme Wesse', Dios kélagkok nak kéxegke, sélántekkesso axta Egipto, yaqwayam agkések xapop ma'a Canaán, tén han yaqwayam atnehek Dios kélagkok.

Éxodo 20:2

“Ko'o sekteme Dios Wesse' apagkok, ektáha axta aptekkesso m'a Egipto, aptémakxa axta kélásenneykha naqsa.

Jeremías 2:20

“Nanók agko' ko'o kéxegke sélenmexeykekxa', megkalyaqwámeykegkok hélyahakxoho.’ Axta kéltemék chá'a kélpaqméteykencha'a s'e: ‘Mogmenyeyk negko'o exchep agyetlawha.’ Kélláneykegkek axta kéxegke kéltémakxa megkólmasexta'a m'a néten egkexe nak tén han ma'a kóneg nak yenta'a élyentaxno pessesse agkok.

Levítico 25:55

hakte ko'o séláneykha m'a israelitas, séláneykha ahancha'awo'; ko'o axta sélántekkesso m'a Egipto. Ko'o sekteme Dios Wesse' kélagkok.

Isaías 51:23

Agkések sa' ko'o m'a apkellegassáseykegkoho nak chá'a, aptéma nak chá'a apkelanagkama s'e: ‘Kólhák náxop, ólyeykhekxak sa' negko'o kéxegke’; Keñe kéxegke kólhagkok chá'a náxop yaqwayam enxoho kólteyammaha kólteméssesek ma'a ektémól'a kólteyammaha xapop.”

Levítico 25:42

hakte séláneykha ko'o m'a; ko'o axta sélántekkesso Egipto, megkeymexchek kólchexeykxak ekha ekyánmaga, yaqwayam kólteméssesek kélásenneykha naqsa.

Éxodo 6:7

Almok sa' ko'o kéxegke atnehek énxet'ák ahagkok, tén sa' ko'o kéxegke héltéhek Dios kélagkok. Sa' hélya'ásegwók nahan ko'o sektáha Dios Wesse' kélagkok ma'a sélmallahanchesa sa' ektémakxa ekyentaxno kéltamheykha apmésso chá'a m'a egipcios.

Ezequiel 30:18

Ekmasséssek sa' agkok ko'o ekteme ekha kéláyo m'a Egipto, tén han sekmassésa sa' ma'a ekyennaqte ekméssama nak chá'a ekyawe eyeymáxkoho, kapeysemekxak sa' ekhem ma'a Tafnes, kápok sa' yaphope m'a Egipto, keñe sa' ma'a énxet'ák apheykha nak kañe' tegma apkelyawe agkok, elmakpok sa'.

Oseas 11:4

Yetlo sélápeykha axta eknaqleykenták sekhakxa, tén han yetlo sélásekhayo; axta ekteméssessók séleynma m'a ektémól'a ólqeynek sakcha'a keyetsék megkalyamasmal'a neme; waháxeheykha axta chá'a alagkok aptéyak,

Éxodo 14:8

Wesse' egegkok axta eyke apyennaqtessásak apwáxok ma'a faraón, apkeltamhók axta emenxenek ma'a israelitas, apkelántekkek axta apkelásennagkama m'a ektémakxa axta chá'a apkelyennaqte.

Isaías 9:3

Wesse', apsókmek xép ekyawe agko' ekpayheykekxa egwáxok; awanhók agko' ma'a ekpayheykekxa nak egwáxok. Kelpayhekxeyk apkelwáxok apyókxoho énxet nápaqtók xép, máxa aptamhágkok ma'a ektémól'a kanakxaxchek aqsok ekyexna kélcheneykekxa. Máxa aptamhágkok ma'a aptémól'a énxet kalpayhekxak apkelwáxok emlassakpok ma'a aqsok ekxámokma apkelméyak ma'a neyseksa kempakhakma.

Jeremías 28:2

—Aptáhak Wesse' ekha nak apyennaqte, Dios apagkok nak ma'a Israel: ‘Amasséssesek sa' ko'o ektémakxa nak ekha apyennaqte m'a wesse' apwányam Babilonia,

Jeremías 28:4

Wának sa' han éxyamok Jeconías se'e yókxexma nak, wesse' apwányam nak Judá, Joaquim axta apketche, tén han ma'a apyókxoho énxet'ák kélántekkesso axta Judá kélnaqleykekxa m'a Babilonia. Naqso', amasséssesek sa' ko'o m'a ektémakxa nak ekha apyennaqte m'a wesse' apwányam Babilonia. Ko'o sekxeyenma xa, sektáha nak Wesse'.’

Nahúm 1:13

Alekkexchesek sa' ma'a aqsok ekyentaxno élyaqhapma nak, alyétekkessesek sa' han ma'a cadenas kélpextete nak.”