Levítico 26:10 - Biblia Enxet

¹⁰ Kóltawagkok sa' ma'a hótáhap kéltaqmelchesso axta m'a pók apyeyam axta, ekwokmoho kélántekkesa makham ma'a nanók kéltaqmelchesso nak, yaqwayam kólxatmekxak ma'a hótáhap kaxwe kélnakxo nak.

Levítico 26:10 Referans Kwoze

Levítico 25:22

keñe sa' kóltók aqsok aktek ekyexna kélcheneykekxa' kéltaqmelchesso, neyseksa kélcheneykekxa makham ma'a apyeyam ocho, kawomhok sa' han kélto apyeyam nueve m'a aqsok aktek ekyexna kéltaqmelchesso, ekweykmoho kélnakxa makham ma'a aqsok ekyexna kélcheneykekxa'.

2 Reyes 19:29

Tén axta Isaías aptáha apcháneya Ezequías se'e: “Keso yaqwánxa sa' katnehek aqsok magkenatchesso yaqwánxa katnehek se'e: kóltawagkok sa' kéxegke hótáhap apteyapma apagko' nak se'e apyeyam nak, tén han ma'a pók apyeyam sa', keñe sa' ma'a aptáha enxoho apqántánxo apyeyam kólchenekxak sa' aqsok aktek kólnakxek sa' nahan ma'a ekyexna, kólchenekxak sa' ma'a anmen yámet, kóltawagkok sa' nahan ma'a ekyexna nak.

Josué 5:11

Cháxa ekhem nak aptókagkaxa axta pán meyke kempáseyak tén han hótáhap kélyexnáyam, wánxa agkok, mók ekhem axta eyke entáhak aptókagko m'a aptéyak eñama nak ektekkesso m'a xapop.

Joel 2:24

Apxámok sa' etnehek apnakxamap hótáhap apaktek, awanhek sa' han katnehek ma'a vino, tén han pexmok égmenek.