Levítico 25:35 - Biblia Enxet

³⁵ “Yetneyk sa' agkok apchókxa xamo' ektamhéyak meyke aqsok apagkok, keñe ey'óták xép, epásem sa', apteméssessamól'a m'a énxet apkeñama nak mók nekha apwe nak yaqwatakxoho, exnés sa' apxagkok.

Levítico 25:35 Referans Kwoze

Proverbios 14:31

Énxet aptawáseykegkoho nak chá'a m'a meyke nak aqsok apagkok, elókasek chá'a m'a ektáha axta Apkelane keñe m'a apmopyósa nak chá'a elanok pók, ekyawe kéláyo chá'a etnéssesek Wesse' egegkok.

Salmos 112:9

Emlaskok chá'a eyeyméxchexa aqsok ma'a meyke nak aqsok apagkok, megkamassegwomek sa' chá'a aptémakxa memasma aqsok apagkok, tásek sa' chá'a katnehek apxénamap.

Salmos 112:5

Tásek sa' chá'a katnehek apha m'a énxet apmássáseykha nak chá'a aqsok apagkok pók yetlo memyágweykekxa', tén han aptaqmelchessamo nak chá'a apxegkesso m'a aqsok apkexeykekxa';

Salmos 41:1

Apkeleñémo énxet appasmo nak chá'a m'a meyke nak aqsok apagkok; Wesse' egegkok sa' emallahanchesek ma'a ekwa'a sa' ekhem ekmaso.

Salmos 37:26

Yókxoho ekhem chá'a apmopyósa elanok pók, tén han apmassáseykha chá'a aqsok apagkok; Dios han apkelmésso m'a apketchek, eñama ektaqmeleykha apwáxok apkelányo.

Proverbios 19:17

Negmésso aqsok apmeykha naqsa m'a énxet meyke nak aqsok apagkok, cháxa negmésa han Wesse' egegkok ma'a aqsok negmésso naqsa, Wesse' egegkok sa' han eyaqmagkásekxak mók aqsok ektaqmela nenlane.

Proverbios 17:5

Elókasek chá'a ektáha axta Apkelane m'a énxet apkesmésso nak ma'a meyke nak aqsok apagkok; kóllegássesagkohok sa' chá'a m'a ektáha nak ekpayheykekxa apwáxok apwete ektemegweykmoho exma apha.

Levítico 25:25

“Yetneyk sa' agkok apchókxa xamo' ektamhéyak meyke aqsok apagkok, keñe apmésa enxoho ekha ekyánmaga xapop apagkok, ey'áwak sa' xama m'a ektáha nak pók apagko', keñe sa' emekxak ma'a xapop apyamasma nak ma'a pók nak.

Levítico 19:34

Kóltemésses chá'a m'a ektémól'a kéxegke kóllának kélmók, kólásekhoho chá'a, hakte kélhawók kéxegke m'a, kéxegke axta nahan kélteme kéleñama mók nekha kélheykencha'a axta m'a Egipto. Ko'o sekteme Dios Wesse' kélagkok.

Éxodo 23:9

“Nágkólyentaxnésses chá'a apha m'a énxet apkeñama nak mók apkelókxa, hakte kéxegke axta nahan kélteme kéleñama mók apkelókxa m'a kélheykencha'a axta m'a Egipto, kélya'ásegkok kaxwo' ektémakxa neghayam mók apkelókxa.

Éxodo 22:21

“Nágkóltawasagkoho chá'a énxet apkeñama nak mók apkelókxa, nágkólyentaxnésses nahan apha, hakte kéxegke axta nahan kélteme kéleñama mók apkelókxa m'a kélheykencha'a axta Egipto.

Éxodo 22:25

“Kélmassáseyha sa' agkok selyaqye kélagkok xama énxet meyke nak aqsok apagkok énxet ahagkok, apha nak kélnepyeseksa kéxegke, nágkóltemésses aqsa m'a aptémakxal'a elának pók ma'a énxet apmassáseykencha'awól'a chá'a pók selyaqye apagkok, nágkóllána eyánmagkásekxohok mók néten.

Deuteronomio 23:19

“Nágkólána aqsa eyánmagkásekxohok mók néten kélmassáseykha aqsok kélagkok ma'a kélókxa xamo' nak, cham'a selyaqye nak, tén han ma'a aqsok nentamakxa nak essenhan ma'a mók aqsok kélmeykekxohol'a chá'a mók néten ekyánmaga agmaha.

Nehemías 5:1

Wenaqtémók axta han natámen xa, apkelpaqmeteykha axta énxet'ák tén han apnaqteyegka'a, apkelxéneykencha'a m'a apchókxa xamo', aptémo xamo' nak judíos,

Éxodo 22:24

yetlo seklómo ahagko' sa' nahan altekpagagkok sókwenaqte alnápok ko'o kéxegke. Xentampe'e sa' katnahagkok ma'a kélnaqteyegka'a nak, keñe sa' kélketchek katnahagkok élyéheykha.

Nehemías 5:3

nápakha axta han chá'a apkelxeyenmak emássesha sekxók xapop eñama meyke aptéyak, tén han ma'a apkeneykekxexa nak anmen yámet, tén han apxanák,

Job 31:16

Axta alwátesseykmok chá'a ko'o sekpasmo eyéméxchexa enxoho m'a énxet meyke nak aqsok apagkok. Axta han wahayók kalnápok meyk ma'a kelán'a xentampe'e nak.