Levítico 25:10 - Biblia Enxet

¹⁰ Apyeyam appagkanamap sa' kéxegke kólteméssesek ma'a apyeyam cincuenta nak: katnehek sa' apyeyam kélchexeykekxexa énxet'ák, kóltennaksek sa' kéxegke apyókxoho apheykha nak kélókxa' peya kólchexeykxa'. Apyókxoho énxet sa' chá'a elmeyekxak ma'a ekheykegkaxa nak apnámakkok, elmekxak sa' makham ma'a xapop apagkok axta.

Levítico 25:10 Referans Kwoze

Jeremías 34:8

Appaqhetchessek axta Wesse' egegkok Jeremías, cham'a natámen axta apkelane ekhémo mók apkelpaqhetchásamákpoho wesse' apwányam Sedequías apyókxoho m'a apheykha nak Jerusalén, yaqwayam enxoho ekxeykxak ma'a énxet'ák kélásenneykha naqsa nak.

Isaías 63:4

Xeyenmeyk axta ko'o ewáxok xama ekhem axnéshok mók apkeltémakxa m'a sélenmexma; wokmek kaxwók ekhem yaqwánxa alwagkasek teyp ma'a énxet'ák ahagkok.

Levítico 25:13

“Kólmekxak sa' makham kéxegke xapop kélagkok kélyókxoho, cháxa apyeyam sẽlchexeykekxexa nak.

Éxodo 20:2

“Ko'o sekteme Dios Wesse' apagkok, ektáha axta aptekkesso m'a Egipto, aptémakxa axta kélásenneykha naqsa.

Salmos 146:7

Elánekxések chá'a apheykha m'a kélnaqtawáseykegkoho nak, elagkok nahan chá'a aptéyak ma'a meyk át'ák nak. Elántekkesek chá'a Wesse' egegkok ma'a apkelmomap nak;

Isaías 49:9

yaqwayam sa' etnehek elának apkelmomap nak se'e: ‘Kólántép’, yaqwayam sa' etnehek elának apheykha nak ekyáqtésakxaxma s'e: ‘Kólántép élsakókxaxma.’ Kólwetak sa' chá'a pa'at ekyókxoho m'a nekhaw'ék ámay, kaxek sa' chá'a ektéyak kélnaqtósso ekyókxoho m'a egkexe meykexa nak chá'a xama aqsok.

Esdras 1:3

Kélyókxoho kéltáha nak Wesse' egegkok énxet'ák apagkok, epasmok sa' ma'a Dios Wesse' kélagkok, kólmohok sa' ma'a Jerusalén, apyetnama nak Judá, yaqwayam sa' kóllanaksek tegma appagkanamap apagkok Wesse' egegkok, Israel nak Dios apagkok, cham'a Dios apha nak Jerusalén.

Levítico 25:11

Katnehek sa' kéxegke apyeyam kélchexeykekxexa m'a apyeyam cincuenta, megkólchenekxeyk sa' aqsok xa apyeyam nak, megkólyaqtennek sa' nahan ma'a hótáhap apteyapma naqsa nak, megkólyaqténchesagkek sa' nahan aktegák anmen yámet kélcheneykekxa, megkólnakxek sa' nahan ma'a ekyexna nak,

Levítico 25:54

“Sa' agkok kóltáhak kélmeykekxa xa ektáha nak, sa' kólyenyekxak ma'a apyeyam sẽlchexeykekxexa nak, yetlo apketchek,

Ezequiel 46:17

Keñe sa' apmésa enxoho nekha xapop apagkok apmésso naqsa meyke ekyánmaga wesse' apkeláneykha nak apchókxa m'a xama apchásenneykha, etnehek sa' apagkok ekweykmoho apwagkasa néxa apyeyam kélyenyeykekxa, keñe sa' etnekxak makham apagkok ma'a wesse' apkeláneykha nak apchókxa, etnéssesek sa' yaqwayam egkeyásekxak ma'a apketchek.

Levítico 25:41

keñe sa' apwanchek etyapok ma'a apxagkok, yetlo apketchek, yaqwayam enxoho epáxaqwakxak makham ma'a aphawóxama, tén han ma'a ekyetnamakxa nak xapop apagkok apyapmeyk nano';

Jeremías 34:10

Leyawók axta apkelwáxok aptáhakxa aphéssamo mók apkelpaqhetchásamákpoho m'a apyókxoho apkelámha apmonye'e, tén han ma'a apyókxoho énxet'ák, apkexeykxeyk axta chá'a m'a apkelásenneykha naqsa nak, massék axta apkeltamho etnahagkok apkelásenneykha.