Levítico 21:15 - Biblia Enxet

¹⁵ yaqwayam enxoho menaqtawasha aptawán'ák neptámen nepyeseksa m'a énxet'ák apagkok, hakte ekpagkanmeyk ko'o, sektáha nak Wesse'.”

Levítico 21:15 Referans Kwoze

Malaquías 2:15

¿Háweya apkelane negyókxa tén han eghagák xa Dios nak? ¿Yaqsa apmenyeyk xa Dios nak? Apmenyeyk kaxek kélketchek yaqwayam etnehek apkelpagkanchásamap ¡Kóllanha sa' kéxegke kélwáxok kélagko' nak, kóllána sa' ma'a kélxeyenma axta kóllána' kéltennassama axta m'a kéltáwa' kélmoma axta kéltémakxa wokma'ák!

Malaquías 2:11

Apyamasmeyk apyetleykha Dios ma'a énxet'ák Judá, apkeláneykegkek aqsok ekmaso agko' ma'a Jerusalén, tén han ma'a Israel. Aptawáseykha énxet'ák Judá m'a ektémakxa nak appagkanamap ma'a tegma appagkanamap apchásekhayo nak ma'a Wesse' egegkok, apkelmeykegkek nahan énxet'ák Judá aptamheykegko apnaqteyegka'a m'a kelán'ák élpeykessamo nak aqsok kéláyókxa éleñama mók nekha.

Esdras 9:2

Apkelmeykegkek aptamheykegko apnaqteyegka'a apyapmeyk ekweykekxoho apketchek apkelennay'a apketchek kelwán'ák nak se'e énxet'ák nak; cháxa keñamak appaxqeykekxo nak Dios énxet'ák apagkok ma'a énxet'ák megkatnaha nak appeywomo xamo'. Apkelámha apmonye'e han chá'a sekxók apkeláneyak apmonye'e xa ektéma nak melya'assáxma, tén han ma'a apkeltaqmelchesso nak chá'a apchókxa.”

Esdras 2:62

Apketamsegkek axta apwesey m'a weykcha'áhak eknaqtáxésamaxchexa axta apkelwesey m'a apnámakkok, axta eyke éteyákxa', tén axta kélwátéssesa apteme apkelmaxnéssesso Dios énxet'ák apagkok.

Levítico 21:8

Kóltemésses chá'a apkelpagkanamap kélnepyeseksa xa apyókxoho nak, hakte cháxa apkelseykekxésso chá'a kelpasmaga m'a Dios kélagkok. Apkelpagkanamap sa' chá'a etnahagkok kélnápaqta'awók kéxegke, hakte ko'o sekpagkanamaxche', sektáha nak Wesse', ko'o han sekteméssesso apkelpagkanamap.

Génesis 18:19

Élyesáha ko'o yaqwayam yának elyahakxohok nélxekmowasamáxche ahagkok ma'a apketchek, tén han aptawán'ák neptámen, tén han elanagkok ekyókxoho m'a aqsok ektaqmalma nak, tén han ma'a ekpéwomo nak, yaqwayam sa' ko'o alának ekyókxoho m'a séltennassama nak alanaksek.”

Levítico 21:14

Mopwanchek agko' sa' chá'a emekxak ma'a apketsapma atáwa' nak, essenhan ma'a ekyamasma nak atáwa', essenhan ma'a kélyennaqtésso nak kélyempehek kélteméssesseykmoho exma, essenhan ma'a kelán'a ekyaqmagkáseyak nak pók énxet ekpathetéyak ekma ekyánmaga; kelán'a meyke kélteméssesseykmoho exma sa' chá'a emok etnehek aptáwa', tén han apkeleñémeyo xamo',

Levítico 21:16

Aptáhak axta Wesse' egegkok apcháneya Moisés se'e:

Éxodo 34:16

essenhan elmésagkok apketchek kelwán'ák nak ma'a kélketchek apkelennay'a nak kéxegke, keñe élánegko enxoho ektamheykegkaxa nak chá'a kalanagkok nentémakxa mansexta kalpeykeshok ma'a aqsok éláyókxa nak, kának nahan etnahagkok elpeykeshok ma'a kélketchek nak kéxegke.

Levítico 19:2

“Etne sa' elának israelitas se'e: “Kólteméssesaxche sa' kéxegke kélpagkanamaxche', hakte ko'o Dios Wesse' kélagkok, sekteme sekpagkanamaxche'.

Levítico 20:7

“Hélpagkanchesaxche ko'o kélyókxoho kéxegke, kólteme kélpagkanamaxche', hakte ko'o sekteme Dios Wesse' kélagkok.

Levítico 22:16

tén han megyohok kalpehewakxak melya'assáxma eñama aptéyak ma'a aqsok élpagkanamaxche'. Ko'o sekteme Wesse', sekteméssesso apkelpagkanamap.”