Levítico 2:7 - Biblia Enxet

⁷ “Aqsok aktek ekyexna sa' agkok apmésso naqsa, apmakhetchesso nak yánsógweygke apwáxok, kéméxcheyk elának ma'a hótáhap aptaqmalma apagko' nak, kélenchehe nak pexmok égmenek.

Levítico 2:7 Referans Kwoze

Levítico 7:9

Apkelmaxnéssesso Dios énxet'ák apagkok sa' han elmekxak ekyókxoho m'a aqsok kélmésso naqsa nak aktek kélmakhetchesso nak kélmakhetchessamakxal'a kelpasmaga, tén han kélhanma nak chá'a yánsógweygke, tén han ma'a yánsógweygke appayhe, kélseykekxésso nak chá'a aqsok kélmésso naqsa kélagkok.

Levítico 2:6

elyeptek sa' etnéssesek nápakha apketkók, tén sa' nahan elexpaqheykha pexmok égmenek, hakte cháxa ektáha apmésso naqsa aqsok aktek ekyexna xa.

Levítico 2:8

Appenchessek sa' agkok xép apkelane xa aqsok apmésso naqsa nak, kéméxcheyk elsakxak ma'a nápaqto' nak Wesse' egegkok, elmés sa' ma'a apkelmaxnéssesso Dios énxet'ák apagkok, keñe sa' apkelmaxnéssesso Dios énxet'ák apagkok elsakxak ma'a ekwatnamáxchexa nak aqsok.

1 Crónicas 23:29

Axta apkeláneykha m'a pán apkelpagkanamap kélpeykáseykekxa nak aphéyak, hótáhap yaqwayam nak kólmések aqsa, tén han ma'a kélcheneykekxa nak ekyexna, tén han ma'a hótáhap kélpeykesso nak apkelexyawe meyke kempáseyak, tén han kélhanma nak chá'a yánsógweygke, tén han kélyélaqtésso nak, tén han ma'a ekyókxoho kelyetsátéyak.