Levítico 19:10 - Biblia Enxet

¹⁰ Nágkólchetámekxoho nahan ekyókxoho ekyexna anmen yámet kélcheneykekxexa, nágkólma han ma'a ekpalleyam nak náxop; kólho sa' aqsa chá'a elmok ma'a énxet meyke nak aqsok apagkok, tén han ma'a apkeleñama nak mók nekha. Ko'o sekteme Dios Wesse' kélagkok.

Levítico 19:10 Referans Kwoze

Isaías 24:13

Sa' katnehek ekyókxoho apheykegkaxa nak chá'a pók aptémakxa énxet'ák keso náxop, ektémól'a kóltekpog kólpalchesek ekyexna m'a olivo yámet, enxeykel'a nahan ma'a ektémól'a kólchetámekxohok ekyexna anmen yámet natámen la'a ekpenchásamáxche eknakxamáxche m'a ekyexna.

Isaías 17:6

apkeleymomap la'a aqsa wánxa m'a kéláyam nak; essenhan ma'a ektémól'a kólyeykesek aktegák ma'a olivo yámet éleymomáxchel'a aqsa wánxa ánet essenhan ántánxo ekyexna m'a naw'ék nak, essenhan cuatro tén han cinco ekyexna chá'a m'a ekyókxoho awhók nak. Wesse' egegkok apxeyenma xa, Israel Dios apagkok nak.

Levítico 25:6

Aqsok ekteyapma nak neyseksa éllókasso ekyampe xapop, kaxhok sa' yaqwayam kóltók kéxegke, tén han kélláneykha apkelennay'a, tén han kelwán'ák, tén han ma'a apkeltamheykha nak chá'a, tén han ma'a apkeleñama nak mók nekha', apheykha nak kélnepyeseksa kéxegke,

Miqueas 7:1

¡Ko'o laye! ekhawók ma'a énxet apyekhámeykhal'a aqsok natámen eknakxamáxche ekyexna m'a namyep, massék sekwet'a anmen yámet ekyexna, tén han higo ekyexna, sekmáheyól'a chá'a.

Abdías 1:5

“Apkelwa'ak agkok axta'a apxagkok ma'a apkelmenyexma nak elmenyexchesek aqsok apagkok, mesawhók elmok ekyókxoho; apkelwa'ak agkok han apxagkok ma'a apnakxeykegkoho nak chá'a anmen yámet ekyexna, eleymok chá'a mók xama ekyexna. Keñe m'a apkelenmexma nak xép, apmasséssekmók apagko'.

Jeremías 49:9

Nakxéxcheyk agkok ekyexna anmen yámet, kóleymok chá'a mók xam'a ekyexna; apkelwa'ak agkok apkelmenyexma axta'a wánxa aqsa elsakxak ma'a aqsok apkelmopmenyého nak.

Jueces 8:2

Keñe axta aptáha apchátegmowágkokxo s'e: —¿Yagkólya'ásegkok kéxegke kélyeykhássekmoho m'a aqsok sélana nak ko'o? Awanhók agko' kéxegke m'a aqsok kéllánegko nak, kaxnók negko'o.

Levítico 19:9

“Wokmek sa' agkok ekhem kélnakxamakxa aqsok ekyexna, nágkólsawhoho aqsa chá'a kólnakxek ekyexna aqsok namyep kélagkok, nágkólchetámekxoho han ma'a aqsok ekyexna éleymomáxche enxoho.

Levítico 19:11

“Nágkólmenyex nahan chá'a. Nágkólteme chá'a kélmowána amya'a, nágkólyexanchesha han chá'a kélmók.

Levítico 23:22

“Wokmek sa' agkok ekhem kélnakxamakxa aqsok ekyexna, nágkólsawhoho aqsa chá'a kólnakxek ekyexna aqsok namyep kélagkok, nágkólchetámekxoho han ma'a aqsok ekyexna éleymomáxche enxoho. Kólho sa' aqsa chá'a elmok ma'a énxet meyke nak aqsok apagkok, tén han ma'a apkeleñama nak mók nekha. Ko'o sekteme Wesse', Dios kélagkok nak kéxegke.”

Deuteronomio 24:19

“Kéleykmók sa' agkok kéxegke xama kéltete kélyaqtónma hótáhap apaktek kélyekhámeykxo enxoho aqsok kélnakxo kélcheneykekxa m'a namyep kélagkok, nágkóltaqhoho aqsa kólwakxa'; kólnegkenekxa sa' aqsa chá'a yaqwayam elmok ma'a énxet'ák apkeleñama nak mók apkelókxa apheykha nak kélnepyeseksa kéxegke, essenhan ma'a élyeheykha nak, essenhan ma'a xentampe'e nak, yaqwayam sa' etaqmelchessesek chá'a Dios Wesse' kélagkok ma'a ekyókxoho aqsok kéllanakxa enxoho chá'a kéxegke.

Deuteronomio 24:20

“Kélnakxeyk sa' agkok ekyexna m'a olivo yámet kélcheneykekxa, nágkólchetámekxoho chá'a éleymomáxche enxoho m'a aktegák nak; kóltaqmelchesses sa' chá'a énxet'ák apkeleñama nak mók apkelókxa, tén han élyeheykha tén han xentampe'e m'a éleymomáxche nak ekyexna.

Rut 2:2

Xama ekhem axta táhak Rut eyáneya Noemí s'e: —Heyho sa' amhagkok namyep, lapmaxcheyk sa' yohok axog neptámen xama m'a apcháncheseykekxa nak chá'a hótáhap apaktek wánchásekxak ko'óxa. —Hoy, kaxeg, axta entáhak eyátegmowágko yepyámog.

Levítico 11:44

hakte ko'o sekteme Dios Wesse' kélagkok. Kéméxcheyk kéxegke kóláxñásekxohok kéltémakxa, tén han kólteméssesaxchek kélpagkanamaxche', hakte ko'o sekteme sekpagkanamaxche'. Nágkólteméssesaxche élmanyása kélyempe'ék kóltók xama enxoho m'a aqsok élpexyaweykegkoho nak náxop kalxog.

Levítico 19:25

keñe sa' ekwokmo enxoho cinco apyeyam, kélwanchek kaxwók kóltók kéxegke m'a ekyexna. Kéltemék sa' agkok xa, kaxámagkok agko' sa' ekyexna m'a yámet nak. Ko'o sekteme Wesse' Dios kélagkok.

Deuteronomio 24:21

“Kélnakxeyk sa' agkok nahan ma'a anmen yámet kélcheneykekxa, nágkólchetámekxoho chá'a kéxegke xama enxoho éleymomáxche m'a xama awhak; kóltaqmelchesses sa' chá'a énxet'ák apkeleñama nak mók apkelókxa, tén han élyeheykha tén han xentampe'e m'a éleymomáxche nak.