Levítico 17:3 - Biblia Enxet

³ “Apchaqhak sa' agkok israelitas xama weyke kennawo', essenhan xama nepkések apkennawo', essenhan xama yát'ay, cham'a kañe' nak apheykegkaxa', essenhan ma'a yókxexma,

Levítico 17:3 Referans Kwoze

Levítico 17:15

“Aptókek sa' agkok xama israelitas, essenhan apkeñama nak mók nekha, aqsok nawhak étsapma, essenhan ekteméssesso nak nekha'a étkók ma'a aqsok nawhak eklo, elyenyeksek sa' apkelnaqta, eyaqpaksek sa' han yegmen, keñe sa' exénakpok ektáha ekmanyása apyempehek ekwokmoho ekyáqtésa. Keñe sa' káxñekxak apyempehek.

Levítico 17:8

“Eltennasák sa' nahan israelitas essenhan ma'a énxet'ák apkeleñama nak mók apkelókxa apheykha nak kélnepyeseksa kéxegke, apkelánegko enxoho chá'a aqsok apkelwatno, essenhan mók aqsok apkelnapma,

Levítico 17:2

Eltennés sa' Aarón, yetlo apketchek, tén han apyókxoho israelitas, apkeltamhókxa chá'a etnahagkok ma'a Wesse' egegkok. Sa' etnehek elának se'e:

Levítico 17:4

tén han mesánto enxoho m'a nentaxnamakxa nak kélpakxanma apchaqneykekxexa nak chá'a énxet'ák, yaqwayam etnéssesek aqsok apmésso naqsa Wesse' egegkok ma'a ekpayhókxa nak kélpakxanma appagkanamap apagkok, exénakpok sa' ektáha ekyetno apyógkexma, kóltekkesek sa' ma'a nepyeseksa nak énxet'ák apagkok.

1 Reyes 3:2

Apkelnapmeyk axta chá'a aqsok apnaqtósso énxet'ák ma'a egkexe kélpeykessamókxa axta chá'a kéleykmássesso, hakte axta elánamákpok makham ma'a Wesse' egegkok tegma appagkanamap apagkok.

Levítico 3:2

Epekkenek sa' apmek néten akqátek aptósso m'a énxet ektáha nak apmésso. Keñe sa' yaqhek ma'a átog nentaxnamakxa nak kélpakxanma apchaqneykekxexa nak chá'a énxet'ák. Tén sa' apkelmaxnéssesso Dios énxet'ák apagkok yexpaqheykha éma m'a nekhaw'ék nak ekwatnamáxchexa aqsok.