Levítico 16:33 - Biblia Enxet

³³ yáxñásekxak sa' ma'a kañe' Ekpagkanamaxchexa agko' nak, tén han ma'a kélpakxanma apchaqneykekxexa nak chá'a énxet'ák, tén han ekwatnamáxchexa nak chá'a aqsok, etaksek sa' han megkólyaqmagkáseykekxa melya'assáxma m'a apkelmaxnéssesso Dios énxet'ák apagkok, tén han ma'a apyókxoho énxet'ák nak.

Levítico 16:33 Referans Kwoze

Levítico 16:16

Cháxa peya sa' yáxñásekxak ma'a ekpagkanamaxchexa agko' nak, eñama élmanyása apkeltémakxa m'a israelitas, tén han apkenmexeykha chá'a Dios, tén han melya'assáxma. Sa' etnéssesek han ma'a kélpakxanma apchaqneykekxexa nak chá'a énxet'ák, ekyetnama nak nepyeseksa apkeltémakxa m'a, tén han ekmanyása.

Levítico 16:24

Eyaqpaksek sa' nahan yegmen ma'a kélpakxanma appagkanamap nak, keñe sa' appenchesa enxoho apkelántaxneykekxa apkelnaqta, etyapok sa' yaqwayam ewatnek aqsok apagkok apagko', cham'a yaqwayam nak elanaksek ma'a énxet'ák, keñe sa' étak megkólyaqmagkáseykekxa mey'assáxma, tén han melya'assáxma m'a énxet'ák.

Levítico 16:6

Egkések sa' nahan weyke étkok kennawo', yaqwayam etnehek apchaqhe ekyánmaga mey'assáxma, tén han melya'assáxma m'a apnámakkok nak.

Levítico 16:11

“Egkések sa' nahan Aarón weyke étkok kennawo', yaqwayam etnehek apchaqhe ekyánmaga mey'assáxma, tén han melya'assáxma m'a apnámakkok nak.

Ezequiel 45:18

“Ektáhak ko'o sekpeywa s'e sektáha nak Wesse': Kólmések sa' chá'a kéxegke xama weyke kennawók étkok kélaqhe meyke nak ekmaso ekyókxa m'a émha amonye' ekxega nak ekhem ma'a apkemha apmonye' pelten, yaqwayam sa' kóláxñásekxak ma'a tegma appagkanamap.

Levítico 23:28

Nágkóllána aqsa xama enxoho kéltamheykha xa ekhem nak, hakte ekhem megkólyaqmagkáseykekxa nentémakxa xa, yaqwánxa sa' chá'a kólwetak kéxegke megkólyaqmagkáseykekxa kéltémakxa, nápaqtók Dios Wesse' kélagkok.