Levítico 15:31 - Biblia Enxet

³¹ Cháxa peya sa' kólyetnakhássesek kéxegke ekmanyása apyempe'ék ma'a israelitas, yaqwayam enxoho meletsepek eñama apkelpeysegkesso m'a sekhamakxa nak chá'a ko'o nepyeseksa.”

Levítico 15:31 Referans Kwoze

Números 19:20

Yetneyk sa' agkok xama énxet ekmanyása apyempehek, megyaxñáseykekxa apyempehek, ematñekxak sa' nepyeseksa m'a énxet'ák apagkok, hakte apkenyetséssek ma'a Wesse' egegkok tegma appagkanamap apagkok. Ekmanyása apyempehek aqsa chá'a aptemék, hakte megkólexpaqheykha m'a yegmen segáxñassáseykekxoho nak egyempehek.

Ezequiel 5:11

Naqsók ko'o sektáha sekxéna, sektáha nak Wesse' s'e: amasséssók sa' ko'óxa kéxegke meyke kélmayóseka alano', eñama kéltawáseykha m'a tegma appagkanamap ahagkok kélxátawayam ma'a kéleykmássesso kélagkok élmasagcha'a nak, tén han eñama m'a kéltémakxa nak kéllánéyak aqsok ekmanyása agko'. Megkalepyósek sa' alanok kéxegke.

Números 19:13

Appaknegwokmók agkok xama énxet kélhápak, keñe memópesákxo enxoho apyempehek, yenyetseksek sa' ma'a Wesse' egegkok kélpakxanma appagkanamap apagkok, kólmasséssók sa' nahan ma'a kañe' Israel. Ekmanyása apyempehek sa' katnehek, eñama megkólexpaqheykha m'a yegmen ekmopeyáseykekxa nak egyempehek.

Ezequiel 23:38

Keñe setnéssessama nahan ko'o sénmexeykencha'a s'e: xama ekhem agko' axta peysegkásak ma'a tegma appagkanamap aptaqmalma ahagkok nak, tawáseyha axta m'a ekhem ahagkok sábado.

Números 5:3

Kóltekkes sa' teyp apheykegkaxa énxet ma'a apkenna' essenhan kelán'a. Keñe sa' megkólenyetseksek ma'a apheykegkaxa nak énxet'ák kéltáha enxoho xa, cham'a sekhamakxa nak chá'a ko'o nepyeseksa.”

Ezequiel 44:23

“Appasmo apkelmaxnéssesso Dios énxet'ák apagkok payhawok elxekmósek énxet'ák ahagkok ektémakxa nenteméssesso megkaxnémo mók ma'a aqsok ekpagkanamaxche nak tén han ma'a megkatnaha nak ekpagkanamaxche', tén han ma'a eyáxñeyo nak tén han ma'a ekmanyása nak.

Daniel 9:27

Elának sa' ekhémo mók apkelpaqhetchásamákpoho apxámokma énxet ekweykmoho makham xama semána, emasséssók sa' eyke aqsok ektekyawa náxet semána, tén han ma'a kélmésso naqsa nak chá'a aqsok. Kalanaxchek sa' aqsok ekmaso agko' ma'a ekpayhókxa nak ekyetnamakxa m'a ekwatnamáxchexa aqsok ektekyawa, ekwokmoho eyápekxo kélmassésseyam ekxénamaxko nak katnehek ma'a ektáha nak apkelane xa aqsok ekmaso agko' nak.’”

Salmos 66:18

Asagkek axta agkok ko'o élchetamso ewáxok, meheyéxók axta m'a Wesse' egegkok;

Deuteronomio 24:8

“Tekkek sa' agkok negmasse ektepelchamáxche nak egyempehek, kóllána sa' meyke kéláyam xama enxoho m'a aptáhakxa enxoho apmésso appeywa m'a apkelmaxnéssesso nak Dios énxet'ák apagkok levitas. Kéméxcheyk chá'a kóllának ekyókxoho ekhawo sektémakxa axta chá'a ko'o sélanagkama séltémókxa etnahagkok ma'a énxet'ák nak.

Levítico 21:23

mopwanchek sa' eyke eyeykhak ma'a teyp apyexnamakxa nak apáwa kélapma, tén han épetchegwomhok ma'a ekwatnamáxchexa aqsok, yaqwayam enxoho metwasha ektémakxa nak ekpagkanamaxche m'a kélpakxanma, eñama ekmaso apyókxa'. Ko'o sekteme Wesse', sekteméssesso apkelpagkanamap.”

Levítico 20:3

Wanmexek sa' ko'o xa énxet nak, atekkesek sa' nepyeseksa énxet'ák apagkok, eñama apkenyetsésso m'a kélpakxanma appagkanamap ahagkok, tén han aptawáseykha m'a sekwesey ekpagkanamaxche' apkelméssama apketchek ma'a dios Moloc.

Levítico 19:30

“Kólteme kéláyo ekhem ahagkok sábado. Kóltaqmelches chá'a m'a sélpeykessamókxa nak chá'a. Ko'o sekteme Wesse'.

Levítico 13:59

Cháxa segánamakxa agkok ma'a ekyápaqmate nak chá'a aqsok, nentaxno apkelánamap nak nepkések apwa', essenhan ma'a apáwa apkeláxñe, essenhan ma'a kélótma, essenhan ma'a aqsok élánamáxche nak aqsok émpehek, yaqwayam enxoho kalxénaxchek éláxñeyo tén han élmanyása.

Levítico 11:47

yaqwayam enxoho chá'a kólyekpelkohok ma'a megkamanyása nak, tén han ma'a ekmanyása nak, tén han ma'a aqsok nawha'ák megkólmowána nak kóltók, tén han ma'a kélmowána nak kóltók.

Levítico 15:32

Cháxa segánamakxa ekxeyenma nak ma'a énxet eksekkeneykha nak apyegmenek, tén han apyegkenmo nak chá'a apyegmenek neyseksa memáheyo, ekteme nak chá'a élmanyása apyempe'ék eñama xa;

1 Samuel 3:14

Naqsók axta ko'o sekxeyenma Elí apnámakkok megkamassésaxcheyk chá'a xama enxoho m'a apkeltémakxa ekmaso, yawanchek kamasseksek ma'a aqsok apkelnapma nak, essenhan ma'a aqsok sélmésso naqsa nak chá'a.

Ezequiel 36:17

“Apkenyetséssegkek axta eñama apkeltémakxa ekmaso israelitas ma'a apheykegkaxa axta kañe' xapop apagkok. Ekhéssamok axta ko'o ektémakxa apheykha m'a ektémól'a aqsok ekmanyása agko' la'a.