Levítico 13:6 - Biblia Enxet

⁶ Wokmek sa' agkok siete ekhem, elanok sa' makham, ketsék sa' agkok tamhákxak ma'a apyense nak, tén han megkapayheykxo enxoho m'a apyempehek nak, keñe sa' apkelmaxnéssesso Dios énxet'ák apagkok exének eyáxñákxo apyempehek ma'a apháxamap nak, hakte ekmóseka egyempehek aqsa temék. Keñe sa' ma'a apháxamap nak, elyenyeksek sa' apkelnaqta, tén sa' káxñekxohok apyempehek.

Levítico 13:6 Referans Kwoze

Levítico 11:25

“Kélxama ektáhakxa enxoho apma ápak xa aqsok nawha'ák nak, kéméxcheyk elyenyeksek apkelnaqta, katnehek sa' ekmanyása apyempehek ekweykmoho ekyáqtésa.

Levítico 14:8

“Elyenyeksek sa' apkelnaqta m'a kéláxñassáseykekxa nak apyempehek, eyaqpaksek sa' han, eyesaksek sa' nahan ekyókxoho áwa' apyempehek, keñe sa' káxñekxohok apyempehek. Keñe sa' apwanchek etaxnegwakxak makham ma'a apkelpakxeneykegkaxa nak énxet'ák, siete ekhem sa' eykhe exek yókxexma.

Isaías 42:3

megyentaksek sa' ma'a yámámok ektaqhé nak mespanchesek sa' nahan ma'a pápa táxa ekmayósa eyápogwate nak. Naqsók sa' etaqmelchessásekxak apheykha énxet'ák ma'a.

Eclesiastés 7:20

Méko xama énxet appéwomo apagko' keso náxop, meyétekkesseyam nak chá'a apkelane aqsok ektaqmela, tén han melane nak mey'assáxma.

Proverbios 20:9

Méko awanchek katnehek ekpeywa s'e: “Eyaxñásekxeyk ko'o ewáxok, méko may'assáxma.”

Salmos 19:12

¿Yaqsa awanchek kay'ásegwakxohok aqsok megqakhémo? ¡Wesse', ná eyaqmagkásekxa aqsok magwaqhémo neyseksa may'áseyak!

1 Reyes 8:45

yeyxho sa' xeyep nempeywa nélmaxnagko apagkok ma'a néten aphakxa nak, epásem sa'.

1 Reyes 8:38

yeyxho sa' xép ekyókxoho kélmaxnagko aptamhéyak nak chá'a m'a énxet'ák, essenhan ma'a apyókxoho énxet'ák Israel, apkelwet'a enxoho chá'a ekmaso apheykha tén han apkellegeykegkoho, apkelya'asa enxoho chá'a néten apmék etnahagkok nempeywa nélmaxnagko elpayhentámhok se'e tegma appagkanamap nak. Yeyxho sa' xeyep ma'a aphakxa nak néten, ná eyaqmagkásekxa aqsa apkeltémakxa melya'assáxma; etnésses sa' chá'a xama m'a ekpayhawo nak chá'a etnéssesek ektémakxa aqsok apkelane, hakte xép apwánxa apya'áseykegkoho ektémakxa ekmáheyo apwáxok elának énxet.

Deuteronomio 32:5

“Énxet élmasagcha'a nak apkeltémakxa, aplókasso nak chá'a m'a Dios, megkalchek apwáxok etnehek apketchek:

Levítico 13:2

“Yetneyk sa' agkok énxet élyephe nak apyempehek, essenhan ma'a élenmagéyak nak apyempehek, tén han ma'a élmópeykha nak apyempehek, essenhan ekho nak negmasse ektepelchamaxche egyempehek, kólyentegkásekxak sa' ma'a Aarón, apteme nak apkelmaxnéssesso Dios énxet'ák apagkok, essenhan xama apkelmaxnéssesso Dios énxet'ák apagkok, aptáwen neptámen nak ma'a.

Levítico 11:40

Énxet apto enxoho ápetek ma'a kéltósso étsapma, kéméxcheyk elyenyeksek apkelnaqta, katnehek sa' ekmanyása apyempehek ekweykmoho ekyáqtésa; énxet aptekkesso enxoho ápak ma'a aqsok nawhak, kéméxcheyk han elyenyeksek apkelnaqta m'a, katnehek sa' ekmanyása apyempehek ekweykmoho ekyáqtésa.

Levítico 11:28

Énxet ektáhakxa enxoho apma ápak xama xa aqsok nak, kéméxcheyk elyenyeksek apkelnaqta, katnehek sa' ekmanyása apyempehek ekweykmoho ekyáqtésa, kéméxcheyk kólteméssesek kéxegke aqsok élmanyása xa aqsok nawha'ák nak.

Levítico 13:5

Wokmek sa' agkok siete ekhem, elanok sa' makham, sa' agkok kaqxegáha m'a apyense nak, megkapayheykxo enxoho m'a apyempehek nak, exneyásekxak sa' makham kañe' ekweykmoho siete ekhem.

Levítico 13:7

“Xegágkek sa' agkok apyempehek ma'a ekmóseka nak, cham'a natámen kéllányo axta apháxamap, tén han natámen axta apxeyenma apkelmaxnéssesso Dios énxet'ák apagkok eyáxñákxoho apyempehek, ey'ókxak sa' makham ma'a apkelmaxnéssesso Dios énxet'ák apagkok, yaqwayam elanok makham.