Levítico 12:2 - Biblia Enxet

² Etne sa' elának israelitas se'e: Temék sa' agkok lósók xama kelán'a, ektegkesa enxoho étche apkenna', katnehek sa' ekmanyása émpehek ekweykmoho siete ekhem, ektéma nak chá'a kayenyewekxak ekto.

Levítico 12:2 Referans Kwoze

Levítico 15:19

“Yenyawákxeyk agkok ekto xama kelán'a, katnehek sa' ekmanyása émpehek ekweykmoho siete ekhem. “Ekyókxoho ektáha enxoho ekpaknegweykmoho xa kelán'a nak, kaxénaxchek sa' ektáha élmanyása émpe'ék ekwokmoho ekyáqtésa.

Job 25:4

¿Apwancheya énxet etnehek appéwomo tén han meyke aptémakxa nápaqtók Dios?

Job 15:14

Méko xama énxet eyáxñeyo aptémakxa, tén han ekpéwomo aptémakxa'.

Job 14:4

Yawanchek kamópekxak ma'a aqsok ekmanyása nak.

Levítico 18:19

“Ná etnéssessamho aqsa exma xama kelán'a neyseksa ekyenyaweykekxa ekto,

Salmos 51:5

Naqsók ko'o sekteme ekmaso sektémakxa sekxók axta sekteyékmo; may'assáxma eyeynamo m'a sekyetnamakxa axta kañe' méme awáxok.

Génesis 3:16

Keñe axta kelán'a aptáha apcháneya s'e: Kañegkohok sa' chá'a exche' neyseksa ekteme lóso', tén han ma'a ektáha enxoho chá'a naqláwa. Kámenyéhok sa' chá'a atáwa', yának sa' eyke kalyahakxohok chá'a exche' m'a.

Génesis 1:28

Keñe axta aptáha appeywa apkeltamho kataqmelhok ekheykha s'e: “Exámekxak sa' kélketchek; elánhok sa' ekyókxoho yókxexma keso náxop, apagkok sa' nahan etnahagkok; etnéssesek sa' nahan apmakókxa enxoho etnéssesek ma'a kelasma, tén han ma'a náta, tén han ma'a ekyókxoho aqsok nawha'ák élpexyaweykegkoho nak xapop.”

Levítico 12:1

Aptáhak axta Wesse' egegkok apcháneya Moisés se'e:

Levítico 5:3

“Appaknegwokmók sa' agkok kélxama aqsok ekmanyása, eñama nak xama énxet, cham'a ekyókxoho aqsok senteméssessamo nak ekmanyása egyempehek, sa' agkok ey'ásegkok sekxo', keñe sa' natámen apya'ásegwokmo enxoho, esexnánékpok sa'.

Levítico 12:5

Tegkessek sa' agkok étche kelwána, katnehek sa' ekmanyása émpehek ekweykmoho ánet semána, ektéma nak chá'a kayenyewekxak ekto, kalenxanmagkohok sa' han eyáxñáseykekxa émpehek ekteyapma éma agkok neyseksa ekteme naqláwa, ekweykmoho sesenta y seis ekhem.