Lamentaciones 1:1 - Biblia Enxet

¹ ¡Apxakkók apagko' aptamhákxak ma'a tegma apyawe apláneyo axta chá'a énxet'ák! ¡Aphágwakxók kelán'a tampe' m'a tegma apyawe apagkok nak énxet'ák! ¡Kélméssegkek ekyentaxno ektamheykha m'a apchókxa ektaqmalma nak!

Lamentaciones 1:1 Referans Kwoze

Isaías 3:26

Ellekxagwaha sa' énxet'ák ma'a tegma apwányam, kallapwomagkok sa', etaqmopagkohok apagko' sa', exhok sa' ma'a ektémól'a kelán'a ektaqmópeyak axakkók ekhal'a náxop.

Esdras 4:20

wetáxcheyk axta han apheykencha'a apkelwesse'e apkelyennaqte m'a Jerusalén, apkeláneykencha'a axta m'a yókxexma ekpayho nak ektaxnegwánxa ekhem ma'a wátsam Éufrates, kélméssama axta chá'a ekyánmaga ektémakxa nak élmomaxche selyaqye.

1 Reyes 4:21

Salomón axta apkeláneykha ekyókxoho apkelókxa, eyeynmo m'a wátsam Éufrates, ekweykekxoho m'a filisteos apchókxa', tén han ma'a néxa xapop nak Egipto, apyánmagkassama axta chá'a selyaqye eknegkenamaxche', apkeláneykha axta han chá'a aptemék Salomón, neyseksa apha makham.

Isaías 54:4

Nágke' aqsa, megkasmésaxcheyk sa'; megkólya'ássemek sa' nahan, méko sa' nahan xama aqsok enxoho kamegqaksek. Kalwánaqmak sa' ma'a ektémakxa axta ekmegqakto, cham'a ektémakxa axta étkok, megkaxénwakxók sa' chá'a kaxwók awáxok ma'a ektémakxa axta ekmegqasso ektamheykekxa axakko', meyke atáwa',

Sofonías 2:15

Cháxa tegma apwányam apheykegkaxa nak énxet'ák apkeleymákpoho xa, meyke éltamheykha apkelwáxok, apkelxeyenma axta chá'a apheykha nak kañe' méko ekhawo s'e ekyókxoho nélwanmeygkaxa nak. ¡Meyke agko' aqsok tamhákxa', aqsok nawha'ák éllo élyáqtamakxa'! Apkelyeykhágwokmek sa' agkok chá'a énxet'ák ma'a elmóhaksek sa' chá'a, keñe sa' elyaqyéssesha chá'a apmék elwanyoho'.

Lamentaciones 5:16

Teyekmek kaxwók ma'a eyaqheykencha'a axta egwáxok; ¡negko'o la'aye, nenláneykegko nak mólya'assáxma!

Isaías 22:2

Tegma apwányam eksawheykekxoho nak kañe' ekyennamáxma tén han kélwehéseykha, ekyepetche nak ma'a ekneywomáxche', háwe sókwenaqte élnapma m'a apkeletsapma nak apheykha kañe', háwe nahan aptekyawa m'a neyseksa kempakhakma;

2 Reyes 23:35

Apkelméssek axta Joaquim sawo élmope élmomnáwa m'a Necao, tén han sawo ekyátekto élmomnáwa apkeltémo axta kólmések, apkeltémok axta yánchásekxak ma'a énxet'ák apheykha axta apchókxa yaqwayam eyánmagkasek. Xama énxet axta nahan chá'a apyánmagkásak sawo ekmope ekmomnáwa, tén han ma'a sawo ekyátekto ekmomnáwa, ekwánxa axta chá'a apkeláneyákpo eyánmagkasek, yaqwayam enxoho elmések ma'a faraón Necao.

Ezequiel 26:16

Elántépok sa' néten apkeltaháno élyawe apheykegkaxa nak chá'a m'a apyókxoho kelwesse'e apkelwányam apheykha nak neyáwa wátsam ekwányam, elhaxyawasagkok sa' ma'a apkelaqlamap nak chá'a tén han ma'a apkelántaxno apkeltaqmalma nak chá'a kélótma; exnakha sa' náxop yetlo ekyawe agko' apkelyegwakto, yókxoho ekhem sa' katnehek apkelpexyennama tén han apkelyegwakto apkelwet'a enxoho chá'a.

Lamentaciones 4:1

¡Peysamákxeyk ma'a sawo ekyátekto ekmomnáwa nak! ¡Massegwokmek élyenma m'a sawo ekyátekto ekmomnáwa agko' nak! ¡Kexpaqneykha ekyókxoho máséyak ámay ma'a meteymog apagkok nak ma'a tegma appagkanamap!

Lamentaciones 2:10

Apkelwanmeyágkek aqsa apheyncha'a náxop ma'a apkelámha apmonye'e nak Sión, apkelexpaqha'ak chá'a apqatkok xapop, apkelántaxneykxeyk han apáwa sẽlwáxaqxamo nak. Kelháxahágkek ekwokmoho éltekxeya naqta'a xapop ma'a kelán'a étkók nak Jerusalén.

Lamentaciones 2:1

¡Aplómo apagko' axta keñamak Wesse' egegkok apcháhakkassama ekyáqtésso exma m'a Sión ektaqmalma! Apyenyenteyk náxop ektémakxa nak ektaqmalma m'a Israel, eñama néten; megkaxénak apwáxok aplawa m'a apnegkenmakxa nak chá'a apmagkok.

Jeremías 50:23

¡Paqxeyk ma'a Babilonia, ekho nak sawo ekyentaxno kéltekpageykha chá'a apyókxoho énxet'ák keso náxop, nekha'a étkók tamhákxa'! ¡Apkelyegwakkek pók aptémakxa énxet'ák apkelwet'a ektáhakxa m'a Babilonia!

Jeremías 40:9

Axta aptáhak apkeláneya Guedalías apteméssesa naqsók appeywa s'e: “Nágkóle kólmésaxchek caldeos. Kólhekxa sa' se'e apchókxa nak, kólmésaxche sa' wesse' apwányam Babilonia, keñe sa' tásek katnehek kélheykha.

Jeremías 9:11

“Meteymog ektaháneykekxa mók sa' ko'o atnessásekxak ma'a Jerusalén, semheg nawha'ák éllo élyexanmomakxa; yókxexma meykexa énxet sa' atnessásekxak ma'a tegma apkelyawe nak Judá, meyke énxet apheykha kañe' sa' atnéssesek.”

Isaías 52:7

¡Táse' nak la'a agwetak ewak néten egkexe m'a apseykha nak amya'a ektaqmela, apseykha nak ma'a amya'a meyke ektáhakxa egwáxok, apxeyenma nak ma'a ektémakxa sẽlmallahanchesso aqsok ekmaso apteme nak yának Sión se'e: “Wesse' apwányam ma'a Dios apagkok nak xép!”

Isaías 52:2

Jerusalén, etnemekxa néten, epaxnexchaha apyempehek xapop ánek, exa néten taháno ekyawe ektaqmalma. Sión, apyetchesamakpoho nak kelán'a étkok ekmomaxche, elek kaxwók apyespok xa kéltete nak aqsok ekyentaxno.

Isaías 14:12

“¡Apteyekmek xép néten yaw'a apwányam apteyapmól'a amonye' élseye! Kélyenyenteyk xép náxop, apnaqtawáseykegkoho axta chá'a m'a pók aptémakxa énxet'ák.

Salmos 122:4

Cha'a apkelmeyeykentamxa chá'a Wesse' egegkok énxet'ák apagkok, yaqwayam elpeykeshok ma'a apwesey, apkelánémakpexa axta etnahagkok ma'a énxet'ák Israel.

Nehemías 9:37

Ekyókxoho aqsok ekxámokma ektekkesso nak chá'a, apkelwesse'e apkelwányam chá'a apkelmeykegkok, apnegkenma axta exchep negyeseksa eñama mólya'assáxma. Henteméssesek chá'a negko'o apmakókxa enxoho chá'a henteméssesek, ekhawo han ma'a nennaqtósso nak. Cháxa keñamak néllegeykegkoho egagko' nak.”

Nehemías 5:4

keñe axta han nápakha apkelxeyenma apkeltémo kólmássesha selyaqye apkelméssama sekxók ma'a xapop apagkok, tén han apkeneykekxexa nak anmen yámet, yaqwayam eyánmagkasek selyaqye élmomaxche kélmésso m'a wesse' apwányam. Axta aptáhak han apkelpaqmeta s'e:

2 Reyes 23:33

Apmomchek axta eyke faraón Necao ma'a Riblá aphéssama kañe' negmomaxchexa', yókxexma Hamat, yaqwayam enxoho metnehek wesse' apwányam ma'a Jerusalén. Apkeltémok axta chá'a eyánmagkasek énxet'ák ekyókxoho kañe' apheykegkaxa tres mil trescientos kilos sawo élmope ekmomnáwa, tén han treinta y tres kilos ma'a sawo ekyátekto ekmomnáwa.

Isaías 50:5

Egkéssek ko'o sekya'áseykegkoho m'a Wesse' egegkok, mataqheyásawok nahan, mapekkenákxak netámen.

2 Crónicas 9:26

Néten agko' axta aptemék Salomón nepyeseksa m'a apyókxoho apkelwesse'e apkelwányam, apheykencha'a axta m'a eyeynmo nak wátsam Éufrates, ekweykekxoho m'a filisteos apchókxa', keñe han ma'a néxa xapop nak Egipto.

Isaías 49:21

Keñe sa' xeye' katnehek awáxok se'e: ‘¿Yaqsa axta setasso ko'o xa étchek nak? Méko axta ko'o étchek, mowanchek nahan óta'; élyentameykekxeyk axta ko'o megkatnahakxa seyókxa, ektaqmópeykegkek axta, ¿Yaqsa séktegkessesso ko'o xa? Exakkók axta ko'o ektaqmópeykegkok, ¿háxko eyke apkeleñamakxa xa?’”

Jeremías 31:7

Aptáhak Wesse' egegkok se'e: “Kólmeneykmásses ekmátsa tén han élpayheykekxa kélwáxok ma'a Jacob énxet'ák apagkok, aptamhéyak nak apkelámha apmonye' nepyeseksa m'a apyókxoho énxet'ák. Kóleyxchesho kélmeneykmasso, sa' kóltéhek se'e: ‘Apkelwagkassek teyp énxet'ák apagkok Wesse' egegkok, apkeleymomap axta m'a Israel.’

Jeremías 42:2

ma'a Dios appeywa aplegasso Jeremías, axta aptáhak apcháneya s'e: —Peyk negko'o exchep ólmaxnak xama aqsok; hẽlyahakxoho sa': Hẽlmaxnésses negko'o Dios Wesse' apagkok, néleymomáxche nak egqántawo'. Nenxámók axta eykhe negko'o, egqántawók eyke kaxwók néleymomáxche', ekhawo ektémakxa nak xép apwet'a.

Ezequiel 5:5

“Ektáhak ko'o sekpeywa s'e, sektáha nak Wesse': Cháxa Jerusalén xa. Ko'o axta sekpekkenma nepyeseksa m'a énxet'ák tén han ma'a pók aptémakxa nak chá'a énxet'ák.

Levítico 26:31

Apmopsagcha'a sa' atnessásekxak tegma apkelyawe kélagkok, amasséssók sa' ma'a kélpeykessamókxa nak aqsok kéláyókxa, kamaskok sa' ekleya ewáxok ekpaqneyam ma'a sokmátsa kélagkok.

Levítico 26:33

Waxpánchesek sa' ko'o kéxegke alya'aksek nepyeseksa m'a pók aptémakxa énxet'ák nak, sókwenaqte sa' amenxenchesek; yókxexma meykexa énxet sa' katnekxak ma'a kélókxa nak, keñe sa' ma'a tegma apkelyawe kélagkok nak, etnekxak segyegwakkassamo agweta'.

Jeremías 44:2

“Aptáhak Wesse' ekha apyennaqte, Dios apagkok nak Israel se'e: ‘Kélweteyak axta kéxegke ekyókxoho aqsok ekmaso seyáphassama axta ko'o m'a Jerusalén, tén han ma'a pók tegma apkelyawe nak Judá. Nápakha'a apketkók kaxwók aptamheykekxak ma'a, méko han ekha m'a,

Jeremías 44:6

Keñe seklómo ahagko' ko'o, máxa táxa eyáléwe axta temék élwatnama m'a tegma apkelyawe nak Judá, tén han ma'a ámay nak Jerusalén. Nápakha'a apketkók axta aptamheykekxa', tén han meyke xama aqsok, ekwokmoho makham se'e kaxwo' nak.

Lamentaciones 1:19

Éltamhók eykhe hepasmok ma'a sélásekhayókxa nak, élyexancháseykha eyke. Apkeletsepmeyk tegma apwányam ma'a apkelmaxnéssesso nak Dios énxet'ák apagkok, tén han ma'a apkelámha apmonye'e ahagkok nak: ¡aptegyeykegkek axta eykhe aptéyak yaqwayam enxoho meletsephe'!

Ezequiel 26:2

“Axta aptemék chá'a apkelxeyenma énxet'ák Tiro Jerusalén se'e: “¡Kélpaxqáteykekxeyk átog kélyánmagkásamáxchexa nak chá'a nepyeseksa m'a pók aptémakxa énxet'ák! ¡Negko'o kaxwók egwákxa'! Nenxámássek negko'o aqsok egagkok keñe m'a ektáha meyke agko' aqsok.’