Jueces 8:1 - Biblia Enxet

¹ Apkellókek axta Efraín énxet'ák apagkok, apkelátegmoweykpek axta Gedeón, hakte axta eltamhók kólnaqlósawakxak sekxók axta apkelnápekpo m'a madianitas.

Jueces 8:1 Referans Kwoze

2 Samuel 19:41

Keñe axta apyókxoho israelitas apkelyo'ókmo m'a wesse' apwányam, axta aptáhak apcháneya s'e: —¿Yaqsa ektéma apmasma nak chá'a exchep ma'a egnámakkok nak énxet'ák Judá, wesse', appasmoma axta apkelyeykháseykekxo apnámakkok ma'a wátsam Jordán, tén han ma'a apyókxoho sẽlpextétamo apagkok, apxakcha'awók chá'a apmáheyok etnahágkok ma'a?

Eclesiastés 4:4

Ekwet'ak axta han ekxámokma nak kéltamheykha, tén han ektaqmalma nak ekteyapma élánamáxche aqsok, wánxa aqsa katekkessesek chá'a m'a apnathe nak pók énxet, cháxa ektáha han aqsok eyaqhémo agwetak xa, máxa m'a negmáheyól'a agmagkok éxchahayam.

Job 5:2

Kaqhohok eklo apwáxok ma'a énxet ekyeyháxma nak, kaqhohok han apnathahéyak ma'a mey'áseyak nak aqsok.

Jueces 8:2

Keñe axta aptáha apchátegmowágkokxo s'e: —¿Yagkólya'ásegkok kéxegke kélyeykhássekmoho m'a aqsok sélana nak ko'o? Awanhók agko' kéxegke m'a aqsok kéllánegko nak, kaxnók negko'o.

Proverbios 15:1

Kamasseksohok chá'a aplo egmók ma'a nentaqmelchessamo nak negátegmowéyak; kayágwomhok eyke chá'a aplo m'a nempaqhetchesa enxoho ekyennaqte.

Oseas 13:1

Apkelpaqmetchek axta agkok chá'a énxet'ák Efraín, yáwhok axta chá'a m'a pók énxet'ák nak Israel, apkeletsepmeyk axta eyke énxet'ák Efraín, apkelsexnánémakpo axta eñama apkelpeykessamo m'a Baal.

2 Samuel 19:42

Apkelátegmowágkek axta apyókxoho énxet'ák Judá m'a israelitas: —Egnámakkok egagko' negko'o m'a wesse' apwányam, megkólwanchek kéxegke kóllók. ¡Magásenneykekxak negko'o hegyánmagkassesek nentéyak ma'a wesse' apwányam! ¡Mehẽlmeseykegkok han ma'a aqsok sẽlmésso naqsa!