Jueces 7:4 - Biblia Enxet

⁴ Aptáhak axta makham Wesse' egegkok apcháneya m'a Gedeón: “Apxámok makham. Enaqlakxa sekxók yaqwayam énagkok yegmen, sa' ko'o alyepkeynek ma'a, altennaksek sa' ko'o exchep yaqwayam elyetlók, tén han yaqwayam melyetlewe'.”

Jueces 7:4 Referans Kwoze

Salmos 33:16

Mewagkasakpek teyp xama wesse' apwányam eñama apxámokma m'a sẽlpextétamo apagkok, melwagkasakpek han teyp énxet'ák apkelyennaqte, eñama m'a apkelyennaqte apagko' nak;

1 Samuel 16:7

Keñe axta aptáha apcháneya Wesse' egegkok se'e: “Ná elano ektémakxa apyempehek, essenhan ektémakxa apwenaqte, hakte mómenyék ko'o xa. Megkatneyk ko'o sélányo ektémakxa nak apkelányo énxet; hakte apyókxa aqsa chá'a elanok pók énxet, keñe ko'o apwáxok aqsa chá'a alano'.”

Job 23:10

Apya'ásegkok ekyókxoho ektémakxa sekxega ko'o m'a; apkelanawók agkok sektémakxa, étak sa' eyáxña'awo agko' sektémakxa ektémól'a sawo ekyátekto ekmomnáwa.

1 Samuel 14:6

Tén axta Jonatán aptáha apcháneya m'a apchásenneykha: —Nók, ólyeykhekxak ma'a neyp nak, apheykegkaxa nak ma'a énxet'ák meyke nak kélyenyekhássáseyak nekha apyempe'ék. Lapmaxcheyk sa' elának aqsok Wesse' egegkok hempasmok negko'o, hakte yeskohok hegmallahanchesek ma'a, megkeyxek nenxámokma essenhan egqántawo'.

Salmos 66:10

Dios egagkok, apkelányok negko'o exchep nentémakxa yaqwayam ékpelkoho', ¡ẽláxñáseykekxe', máxa enteméssessók ma'a kéltémól'a sawo ekmope kólaxñásekxa'!

Salmos 7:9

Dios appéwomo, apkelányo nak chá'a ektémakxa élchetámeykha egwáxok, tén han ekxéneykha egwáxok kañók agko', ¡emasséssem apkeltémakxa ekmaso m'a élmasagcha'a nak apkeltémakxa, eyke ewasqakkas neyseksa apha m'a énxet meyke nak aptémakxa!

Génesis 22:1

Keñe axta natámen Dios apyepkónma ekwánxa mey'ásseyam ma'a Abraham. Apwóneyha axta: —Abraham, —axta aptáhak apwónéncha'a. —Keso sekha s'e, —axta aptáhak apchátegmowágko.

Jueces 7:5

Apnaqlákxeyk axta Gedeón énxet'ák yaqwayam énagkok yegmen, keñe Wesse' egegkok aptáha apcháneya s'e: “Elyetnakhés sa' ma'a aptamhéyak nak apyenéyak yegmen ma'a ektémól'a semheg keynek yegmen, apkeltekxeyéyak nak aptapnák apyenéyak yegmen.”